ប្រជាជនចង់ចាក់វ៉ាក់សាំង Sinovac ច្រើនពេក ពេលនេះសិង្ហបុរី គ្រោងនាំចូលបន្ថែម

យោងតាមអាជ្ញាធរវិទ្យាសាស្ត្រសុខាភិបាល សិង្ហបុរី (HSA) បានឲ្យដឹងថា ស្ថាប័នសុខាភិបាលឯកជនចំនួន៤ បានដាក់ពាក្យសុំនាំចូលវ៉ាក់សាំងការពារជំងឺកូវីដ-១៩ នៅក្រោមកម្មវិធី ផ្លូវចូលពិសេស (SAR)។

ពួកគេមិនមែនជាផ្នែកមួយ នៃស្ថាប័នសុខាភិបាលឯកជនទាំង២៤ ដែលត្រូវបានជ្រើសរើសពីដំបូង ដើម្បីទទួលយកវ៉ាក់សាំង Sinovac ចំនួន ២០ ម៉ឺនដូស ពីស្តុករបស់រដ្ឋាភិបាលនោះទេ។

HSA និយាយថា ខ្លួនមិនអាចផ្តល់ព័ត៌មានអំពីស្ថាប័នដែលបានដាក់ពាក្យឡើយ ដោយសារតែហេតុផលរក្សាការសម្ងាត់។

តាមរយៈ SAR, វិស័យថែទាំសុខភាពឯកជន អាចនាំវ៉ាក់សាំងការពារជំងឺកូវីដ-១៩បាន ដរាបណាវ៉ាក់សាំងទាំងនោះ ត្រូវបានយល់ព្រមដោយអង្គការសុខភាពពិភពលោក។

គ្រោងការណ៍នេះ ផ្តល់នូវវ៉ាក់សាំងផ្សេង សម្រាប់អ្នកណាដែលមិនអាចឬមិនចង់ចាក់វ៉ាក់សាំងកូវីដចំនួនពីរប្រភេទគឺ Pfizer-BioNTech និង Moderna។ បច្ចុប្បន្នវ៉ាក់សាំងប្រើច្ចេកវិទ្យា mRNA ទាំង២ប្រភេទនេះ ត្រូវបានអនុញ្ញាតឲ្យប្រើប្រាស់នៅក្នុងប្រទេស សិង្ហបុរី។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីសប្តាហ៍មុន ស្ថាប័នថែទាំសុខភាពឯកជន បាននិយាយថា ពួកគេកំពុងពិចារណាក្នុងការនាំយកវ៉ាក់សាំងបន្ថែមទៀត ដោយក្នុងនោះរួមមានទាំងវ៉ាក់សាំង Sinovac និង Sinopharm របស់ចិនផងដែរ បន្ទាប់ពីការកើនឡើងនៃតម្រូវការវ៉ាក់សាំងមិនប្រើប្រើច្ចេកវិទ្យា mRNA។

គ្លីនិកមួយបាននិយាយថា មនុស្សជាង ៤,០០០ នាក់ បានចុះឈ្មោះសម្រាប់ការចាក់វ៉ាក់សាំងរួចទៅហើយ ហើយការកក់នឹងបន្តរហូតដល់បំណាច់ខែកញ្ញា៕

ប្រែសម្រួល៖ Vann Vann

ប្រភព៖ CNA

ចុចអាន៖ វ៉ាក់សាំងអាមេរិក Novavax ព្រមព្រៀងផ្គត់ផ្គង់ទៅគម្រោង COVAX ខណៈកោះមួយនេះត្រៀមទទួលមុនគេ