ពិន័យអ្នកទេសចរម្នាក់ជិត ១ ២០០ ដុល្លារ ដោយសារកាន់ផ្កាកុលាបចូល ប្រទេសអូស្ត្រាលី

អ្នកទេសចរម្នាក់ឈ្មោះ Lays Laraya ត្រូវពិន័យជាប្រាក់ជិត ១ ២០០ ដុល្លារអាមេរិក ព្រោះតែកាន់ផ្កាកុលាបចូលប្រទេសអូស្ត្រាលី ។

Laraya ទទួលបានផ្កាកុលាបមកពីជើងហោះហើរ Qatar Airways ទើបនាងកាន់វាចូលទៅប្រទេសអូស្ត្រាលី ទាំងមិនដឹងថាខ្លួនកំពុងបំពានច្បាប់សុវត្ថិភាពជីវសុវត្ថិភាពនោះទេ ។

នៅពេលមកដល់អាកាសយានដ្ឋាន Perth នាងត្រូវសន្តិសុខ ២ នាក់ត្រួតពិនិត្យតាមធម្មតា និងដូចរាល់ដង ប៉ន្តែ Laraya មិនដឹងថា ផ្កាកុលាបដែលនាងកាន់ចូលនោះ ត្រូវជូនដំណឹងដល់អាជ្ញាធរនោះឡើយ ដូច្នេះគេក៏ផាកពិន័យនាងតែម្ដងទៅ ។

ជាការពិតណាស់ ប្រទេសអូស្ត្រាលីមានច្បាប់សុវត្ថិភាពជីវសុវត្ថិភាពដ៏តឹងរ៉ឹងបំផុត ដោយតម្រូវឲ្យគ្រប់គ្នាដែលយករុក្ខជាតិដាក់តាមខ្លួនក្នុងជើងហោះហើរទៅប្រទេសអូស្ត្រាលី ជូនដំណឹងដល់អាជ្ញាធរជាមុន ហើយបើមាននរណាម្នាក់មិនគោពច្បាប់ ពួកគេនឹងត្រូវផាកពិន័យជាមិនខាន ៕

ប្រែសម្រួល៖ វារី

ប្រភព៖ vnexpress

ចុចអាន៖ ថ្មប៉ប្រះទឹក Great Barrier Reef របស់អូស្ត្រាលីកំពុងស្ថិតក្នុងហានិភ័យ