ព័ត៌មានជាតិ
លោក ឈួរ សុបញ្ញា៖ ការផ្តល់លុយឱ្យកុមារសុំទានតាមដងផ្លូវ មិនមែនជាសកម្មភាពជួយសង្គ្រោះពិតប្រាកដទេ
លោក ឈួរ សុបញ្ញា ប្រធាននាយកដ្ឋានសុខមាលភាពសង្គមនៃក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងមុននេះថា ការផ្តល់លុយឱ្យកុមារសុំទានតាមដងផ្លូវ មិនមែនជាសកម្មភាពជួយសង្គ្រោះកុមារពិតប្រាដទេ។
លោកអះអាងបែបនេះដោយសារតែសកម្មភាពសុំរបស់កុមារភាគច្រើនសុទ្ធតែមានអ្នកមេក្លោងបញ្ជានៅពីក្រោយខ្នង ដោយលទ្ធផលទទួលបាន គឺមេក្លោងទៅវិញ សម្រាប់កុមារបានផលតិចតួចបំផុត។ ករណីនេះខាងនាយកដ្ឋានរបស់លោកបានសហការជាមួយសមត្ថកិច្ចនិងអាជ្ញាធរពាក់ព័ន្ធចុះអប់រំនិងចាត់ការទៅលើមេក្លោងជាច្រើនលើកច្រើនសារហើយ តែហាក់ដូចមិនរៀងចាលឡើយ។
លោកធ្លាប់ទទួលនូវសំណួរពីមហាជនថា វត្តមានកុមារដើរសុំទានតាមដងផ្លូវ តាមភ្លើងស្តុប និងតាមទីសាធារណៈផ្សេងៗនៅរាជធានីភ្នំពេញ បានបង្កើតចំណោទរារែកក្នុងចិត្តមួយដល់អ្នកមានបំណង់ផ្តល់ទានជួយសង្គ្រោះកុមារទាំងនោះ ថាតើគួរផ្តល់ទាន ឬផ្តល់លុយកាក់ឱ្យពួកគេដែរឬទេ? ប្រសិនបើជួយពេលនេះ ដូចផ្តល់ឱកាសឱ្យកុមារអនាថាមានទឹកចិត្តដើរសុំទានបន្ត បើមិនឱ្យតើពួកគេនឹងទៅជាយ៉ាងណា ។ បញ្ហានេះក្រសួងសង្គមកិច្ច អតីតយុទ្ធជន និងយុវនីតិសម្បទាហ៊ានលើកឡើងថា “ឱ្យលុយដល់កុមារសុំទានតាមដងផ្លូវ មិនមែនជាសកម្មភាពជួយសង្គ្រោះកុមារពិតប្រាដនោះទេ”។
លោក ឈួរ សុបញ្ញា ប្រធាននាយកដ្ឋានសុខមាលភាពសង្គមនៃក្រសួងសង្គមកិច្ច អតីតយុទ្ធជន និងយុវនីតិសម្បទា បានឱ្យដឹងថា “ផ្តល់ទានទៅកាន់មនុស្សដែលកំពុងខ្វះខាតពិតជាត្រឹមត្រូវ ! តែបើធ្វើទានទៅហើយបង្កើនទម្លាប់អាក្រក់ដល់កុមារសុំទាន វាកំពុងធ្វើបាបក្មេងទៅវិញទេ ហើយទង្វើនោះមានផលអវិជ្ជមានច្រើនជាងវិជ្ជមាន”។
លោកបន្ថែមថា ចំពោះបញ្ហាជនអាណាថា មិនថាក្មេងចាស់ទេគឺក្រសួងសង្គមកិច្ចបានអនុវត្តតាមការគិតគូរខ្ពស់របស់រាជរដ្ឋាភិបាលគ្រប់ពេលដើម្បីជួយដល់ពួកគាត់ ដោយមានក្រុមការងារថ្នាក់ជាតិនិងថ្នាក់ក្រោមជាតិមានអនុគណៈគម្មការជួយដល់ជនអាណាថាគ្មានទីពឹងចាំដោយស្រាយជូនជាប្រចាំដោយមិនអោយនរណាម្នាក់ស្លាប់ព្រោះអត់បាយឡើយ។
ជុំវិញដំណោះស្រាយបញ្ហាខាងលើនេះ លោក ឈួរ សុបញ្ញា បានបន្តទៀតថា សាធារណជនត្រូវពិចារណាច្បាស់លាស់ មុននឹងឱ្យលុយទៅកុមារសុំទាន។ “មុននឹងផ្តល់លុយឱ្យកុមារ សូមពិចារណាសិន ! ខ្លាចក្រែងមានអ្នកនៅពីក្រោយក្មេងៗទាំងនោះ ជួនកាលមានអាណាព្យាបាល ឬជនខិលខូចមួយចំនួនប្រើប្រាស់ក្មេងឱ្យដើរសុំទាន ហើយក្មេងៗទាំងនោះបានលុយតិចតូចបំផុតពីលុយដែលពួកគេសុំបានហ្នឹង”។
លោក ឈួរ សុបញ្ញា បានបញ្ជាក់ត្រង់ចំណុចនេះថា ប្រសិនបើគ្រប់គ្នាគិតដល់រូបភាពអាក្រក់នៃការរំលោភបំពានលើកុមារ ត្រូវចូលរួមបញ្ឈប់សកម្មភាពឱ្យលុយជាទានទៅក្មេងសុំទាននៅតាមផ្លូវបន្តទៅទៀត។ លទ្ធផលនៃសេចក្ដីស្រលាញ់ និងរូបភាពអាណិតអាសូរទាំងនោះ បង្កើតផលអវិជ្ជមានជាច្រើននៅក្នុងសង្គម។ កុមារសុំទានតាមដងផ្លូវនៅកម្ពុជាមិនទទួលបានការអប់រំឡើយ ប្រសិនបើដាក់ទានឱ្យពួកគេនៅថ្ងៃនេះ៕
អត្ថបទ ៖ វិមាន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ