ព័ត៌មានជាតិ

ផាកពិន័យម្ចាស់ហាង៥កន្លែង ខណៈដែលល្មើសវិធានការរដ្ឋបាលខេត្ត

បានផុស

៥ years មុន

នៅ

ថ្ងៃពុធ ១១ សីហា ២០២១

ដោយ

នៅវេលាម៉ោង៨និង៣០នាទី ថ្ងៃទី១១ ខែសីហា ឆ្នាំ២០២១នេះ ឯកឧត្តម ឃិន ញ៉ាន អភិបាលរងខេត្តឧត្តរមានជ័យ បានដឹកនាំកម្លាំងចម្រុះ ចុះផាកពិន័យទីតាំងអាហារដ្ឋានលក់ដូរចំនួន០៥កន្លែង នៅក្នុងទីរួមស្រុកអន្លង់វែង ដែលល្មើសបម្រាមការហាមឃាត់របស់រដ្ឋបាលខេត្ត ស្តីពីសារាចរណែនាំគ្រប់អាហារដ្ឋាន ភោជនីយដ្ឋានទាំងអស់ក្នុងខេត្តឧត្តរមានជ័យ រាល់ការលក់ដូរត្រូវវិចខ្ចប់ មិនអនុញ្ញាតអោយហូបចុកនៅទីកន្លែងនោះឡើយ ដើម្បីទប់ស្កាត់ការឆ្លងរីករាលដាលជំងឺកូវិដ១៩ នៅក្នុងសហគមន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ផងដែរថា ក្នុងការចុះអនុវត្តច្បាប់នេះ មន្ត្រីជំនាញបានធ្វើការផាកពិន័យម្ចាស់តូបលក់បាយ លក់កាហ្វេនិងអាហារផ្សេងៗ ជាលទ្ធផលក្រុមការងារបានធ្វើការផាកពិន័យបានចំនួន០៥កន្លែងដោយក្នុង០១កន្លែងពិន័យ១០០០០០០រៀល(មួយលានរៀល)ទុករយៈពេលអោយ៣០ថ្ងៃ យកទៅបង់ពិន័យនៅច្រកចេញចូលតែ០១សាលាខេត្តឧត្តរមានជ័យ ១/ឈ្មោះ ស សុភា ភេទប្រុស អាយុ៤៣ឆ្នាំ រស់នៅភូមិកណ្តាលលើនឃុំ/ស្រុកអន្លង់វែង។ ២/ឈ្មោះ លៀប ស៊ាងនី ភេទប្រុស អាយុ៤៨ឆ្នាំរស់នៅភូមិថ្នល់កែង ឃុំ/ស្រុកអន្លង់វែង។ ៣/ឈ្មោះ ហេង ហួត ភេទប្រុស អាយុ៥៤ឆ្នាំរស់នៅភូមិថ្នល់កែង ឃុំ/ស្រុកអន្លង់វែង។ ៤/ឈ្មោះទី ស៊ីថា ភេទស្រី អាយុ៥៦ឆ្នាំ រស់នៅភូមិអភិវឌ្ឍន៍ ឃុំ/ស្រុកអន្លង់វែង។ ៥/ឈ្មោះ សឹម វួច ជាក់ភេទប្រុស អាយុ៥៣ឆ្នាំរស់នៅភូមិអូរជញ្ចៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ ព្រមទាំងធ្វើកិច្ចសន្យាបានចំនួន០៤នាក់ ដែលមិនបានពាក់ម៉ាស់៕

អត្ថបទ ៖ ចាន់ ធី