ថយចុះច្រើនថ្ងៃជាប់គ្នា តួលេខអ្នក​ឆ្លង​ថ្មី​ថ្ងៃនេះ​ហក់ឡើងវិញ​​ជិត ៦០០ នាក់

របាយការណ៍​នៅថ្ងៃនេះ បាន​រកឃើញអ្នកឆ្លងថ្មី ៥៩៨ នាក់ទៀត ជា​តួលេខ​ហក់ខ្ពស់បំផុត​​។ តាំង​ពីដើមខែ​សីហា តួលេខអ្នក​ឆ្លង​បាន​ថយ​ចុះ​ជាប់គ្នា រហូត​​ម្សិលមិញ​មានត្រឹម ៤២៣ ករណី​ប៉ុណ្ណោះ។ តួលេខ​កើន​ឡើង​វិញនេះ ខណៈ​ដែល​រដ្ឋាភិបាលបានប្រកាស​បើកព្រំដែន​ថៃ​ឡើងវិញ ក្រោយ​បិទ​ខ្ទប់​ដែលនាំ​ឲ្យ​មានលំហូរពលករ​រាប់​រយនាក់​វិល​ត្រឡប់​មក​ស្រុកកំណើត​វិញ។

ការបើក​ព្រំដែន​ថៃ​នេះ មានការព្រួយ​បារម្ភ​ការ​ហូរចូល​អ្នក​ឆ្លង​ថ្មី​ ជាពិសេស​កូវីដបំប្លែង​ខ្លួន​ដែលតា ដែល​រាតត្បាត​ពេញ​ប្រទេស​ថៃ ហើយ​ករណី​​រកឃើញ​ជាច្រើនលើ​ពលករដែល​ត្រឡប់មកពី​ថៃ។

ខាងក្រោម​នេះ​ជា​របាយការណ៍​តួលេខ​អ្នក​ឆ្លងប្រចាំថ្ងៃ​នៅ​ខែ​សីហា៖

១.671នាក់ ស្លាប់23នាក់
២.560នាក់ ស្លាប់22នាក់
៣.577នាក់ ស្លាប់29នាក់ 
៤.583នាក់ ស្លាប់17នាក់
៥. 591នាក់ ស្លាប់ 19នាក់ 
៦. 588នាក់ ស្លាប់ 19នាក់
៧.522នាក់ ស្លាប់ 11នាក់ 
៨.​ 556នាក់ ស្លាប់ 25នាក់ 
៩.​ 508នាក់ ស្លាប់23នាក់
១០. 499នាក់ ស្លាប់17នាក់
១១. 486នាក់ ស្លាប់12នាក់
១២.455នាក់ ស្លាប់20នាក់ 
១៣. 423នាក់ ស្លាប់ 20នាក់
១៤. 598នាក់ ស្លាប់ 12នាក់

នៅថ្ងៃនេះ​ដែរ​ ក្រសួង​សុខាភិបាល​បានប្រកាស​មាន​អ្នកជា​សះស្បើយ ៦៨២ នាក់ និង​ស្លាប់ ១២ នាក់បន្ថែម។ គិតត្រឹមព្រឹក ថ្ងៃទី១៤ ខែសីហា ឆ្នាំ២០២១ តួលេខអ្នក​ឆ្លង​សរុប​បាន​ឡើងដល់ ៨៤ ៨៦០ នាក់ ជា​សះស្បើយ ៧៩ ៦៥៤ នាក់ និង​ស្លាប់ ១ ៦៦៦នាក់៕

អត្ថបទ៖ ប៊ុណ្ណារ៉ា