ព័ត៌មានជាតិ

ឈ្លោះប្រកែកគ្នាក្នុងគ្រួសារ ដុតពូកផ្សែងខ្មួលខ្មាញ់ផ្អើលសមត្ថកិច្ច

បានផុស

៥ years មុន

នៅ

ថ្ងៃពុធ ១៨ សីហា ២០២១

ដោយ

ប្តីប្រពន្ធ២នាក់បានឈ្លោះប្រកែកគ្នារហូតឈានទៅដល់ការដុតពូកដែលនៅក្នុងផ្ទះបណ្តាលឱ្យឆាបឆេះផ្សែងខ្មួរខ្មាញ់បង្កការភ្ញាក់ផ្អើលដល់បងប្អូនប្រជាពលរដ្ឋនិងសមត្ថកិច្ចហៅរថយន្តពន្លត់អគ្គិភ័យមកចុះអន្តរាគមន៍កាលពីវេលាម៉ោង១និង១៨នាទីរសៀល ថ្ងៃទី១៨ ខែសីហា ឆ្នាំ២០២១នេះ ស្ថិតនៅចំណុចផ្លូវព្រះមុន្នីរ៉េត ភូមិ៤ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ ប្រាប់ឲ្យដឹងថា ម្ចាស់មានឈ្មោះ គឹម វាសនា ភេទប្រុស អាយុ៣៦ឆ្នាំ ជាកម្មករ មូលហេតុដែលបណ្ដាលឲ្យមានអគ្គិភ័យនេះ ដោយសារតែការឈ្លោះប្រកែតគ្នា ហើយដុតពូក។

បន្ទប់ដែលត្រូវអគ្គិភ័យឆាបឆេះខាងលើនេះមានទំហំ៤ម៉ែត្រ x ៤ម៉ែត្រ រងការខូចខាតឆេះពូកអស់ទាំងស្រុង ព្រមទាំងសម្ភារៈផ្ទះបាយមួយចំនួន តែពុំបណ្តាលឲ្យឆេះរាលដាលដល់ផ្ទះអ្នកជិតខាងឡើយ។

សម្រាប់ប្រតិបត្តិការសង្គ្រោះ សមត្ថកិច្ចប្រើប្រាស់រថយន្ដការិយាល័យបង្ការ និងពន្លត់អគ្គិភ័យ ចំនួន២គ្រឿង ប្រើប្រាស់ទឹកអស់ ១ឡាន ស្មើ៤ម៉ែត្រគូប , រថយន្តជំនួយមកពីក្រសួងមហាផ្ទៃ ចំនួន២គ្រឿង ពុំបានប្រើប្រាស់ទឹក រលត់ទាំងស្រុងនៅវេលាម៉ោង១និង២៥នាទីរសៀល ថ្ងៃទី១៨ ខែសីហា ឆ្នាំ២០២១៕

អត្ថបទ ៖ សុខា