ព័ត៌មានជាតិ

ឃាត់ខ្លួនពលករខ្មែរ ១៤នាក់ ដែលត្រៀមឆ្លងដែនចូលមកកម្ពុជាវិញ

បានផុស

៥ years មុន

នៅ

ថ្ងៃអង្គារ ២៤ សីហា ២០២១

ដោយ

ពលករខ្មែរចំនួន ១៤ នាក់ ដែលក្នុងនោះមានទាំងក្មេងតូចៗចំនួន៥នាក់ផងនោះ ត្រូវបានកម្លាំងយោធាឈុតខ្មៅថៃ ធ្វើការឃាត់ខ្លួនជាបណ្តោះអាសន្ន ខណៈដែលពួកគេកំពុងនាំគ្នាដើរកាត់តាមចម្ការអំពៅបម្រុងឆ្លងដែនចូលមកកម្ពុជាវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឃាត់ខ្លួនរបស់កម្លាំងកងរងលេខ ១២០៥ នេះគឺបានធ្វើឡើងកាលពីរសៀលថ្ងៃទី ២៣ ខែសីហា ឆ្នាំ២០២១ ត្រង់ចំណុចនៅទិសខាងជើងផ្សាររោងក្លឿ និងមានចម្ងាយពីអូរព្រំដែនប្រមាណ ៣០ ម៉ែត្រប៉ុណ្ណោះ ស្ថិតក្នុងស្រុកអារញ្ញប្រាថេត ខេត្តស្រះកែវ។ ពលករដែលត្រូវទាហានថៃឃាត់ខ្លួនមានចំនួន ១៤ នាក់ ក្នុងនោះមានមនុស្សប្រុស ៥ នាក់ ស្រី ៤ នាក់ ក្មេងប្រុស ៤ នាក់ និងក្មេងស្រី ១ នាក់ ដោយពួកគេកំពុងនាំគ្នាដើរកាត់តាមចម្ការអំពៅក្បែព្រំដែនដើម្បីរកច្រកចេញ ដោយខ្លះពកូនតូច ខ្លះទៀតដឹកដៃក្មេងៗផងដែរ។

ក្រោយពេលឃាត់ខ្លួនពួកគេបានសារភាពថា ពួកគេគឺជាកម្មករបោកគក់ស្បែកជើងជជុះ នៅក្នុងផ្សារឥណ្ឌូចិន ដែលជាផ្នែកមួយរបស់ផ្សាររោងក្លឿ ដោយពេលនេះក្រោយពីផ្សារត្រូវបានបិទខ្ទប់មួយរយ:រួចមក និងដោយសារពួកគេដេកចាយលុយអស់ផងនោះ ទើបសម្រេចចិត្តនាំគ្នាវិលត្រឡប់ទៅមាតុភូមិរបស់ខ្លួនវិញ ។

កម្លាំងយោធាថៃ ក្រោយពីបានពិនិត្យទៅលើកម្ដៅម្នាក់ៗរួចមក ក៏បានប្រគល់ទៅឲ្យកម្លាំងតម្រួតការពារព្រំដែនលេខ៣៨ ដើម្បីសាកសួរបន្ត និងត្រៀមប្រគល់ទៅឲ្យភាគីកម្ពុជាវិញតាមច្រកអូរបីជាន់ ក្នុងការឃុំខ្លួនធ្វើចត្តាឡីស័កនៅលើទឹកដីកម្ពុជា៕

អត្ថបទ៖ សោ និយមរ័ត្ន

Related Topics:ពលករខ្មែរ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា