ព័ត៌មានជាតិ
តុកកែជាអំបូរសត្វព្រៃ បងប្អូនកុំយល់ច្រឡំ
បងប្អូនមួយចំនួនយល់ថា តុកកែជាសត្វស្រុកដោយសារឃើញមានតាមផ្ទះ តាមលំនៅដ្ឋានមួយចំនួនមិនថាក្នុងទីក្រុងនិងទីជនបទ។ តែបើតាមការបញ្ជាក់របស់មន្រ្តីជំនាញ សត្វល្មូននេះជាអំបូរសត្វព្រៃដែលរស់នៅតាមព្រៃភ្នំ។
មន្រ្តីនាយកដ្ឋានសត្វព្រៃមួយរូបនៅក្រសួងកសិកម្មបានឲ្យកម្ពុជាថ្មីដឹងថា ជីវសាស្ត្រតុកកែជាសត្វព្រៃ។ សត្វនេះរស់នៅតាមព្រៃភ្នំ ហើយនៅតាមផ្ទះស្រុកស្រែចម្ការជាប់ព្រៃសំបូរណាស់ ដោយសារវាតែងតែចេញមករកចំណីដូចជាមូស សត្វល្អិតផ្សេងៗជាដើម។
ទាក់ទងការលើកឡើងថា សត្វប្រភេទដៃជើងស្អិតនេះជាសត្វស្រុក ដោយសារតាមលំនៅផ្ទះក្នុងក្រុងខ្លះក៏មានដែរនោះ មន្រ្តីរូបនេះបញ្ជាក់ថា ពីមុនដោយសារស្រុកយើងសំបូរព្រៃ ហើយវាមករស់នៅតាមលំនៅដ្ឋានរបស់មនុស្ស ហើយបន្តពូជកើតកូនកើតចៅរស់នៅតពីមួយជំនាន់ទៅមួយជំនាន់។
ដូចជាដំរីជាអំបូរសត្វព្រៃ ពេលមនុស្សយកមកចិញ្ចឹម ក៏បន្សាំរស់នៅជាមួយមនុស្សដូចសត្វស្រុកធម្មតា។
បើតាមមន្រ្តីជំនាញរូបនេះ ដំរីមានជីវសាស្រ្តជាសត្វព្រៃ តែបានវិវឌ្ឍជាមួយមនុស្សយូរៗទៅ រហូតមានការយល់ច្រឡំថាជាសត្វស្រុកទៅទៀត។
មន្រ្តីជំនាញរូបនេះលើកឡើងបន្តថា បើថាតុកកែជាសត្វស្រុក ម៉េចក៏មិនសូវសំបូរដូចមាន់ ទាគឺវាគ្រាន់តែមានមួយៗ ដោយសារតែវាសេសសល់តកូនចៅប៉ុណ្ណោះ។
មន្រ្តីជំនាញសត្វព្រៃនេះលើកឡើងបន្តថា សត្វតុកកែត្រូវបានចាត់ទុកជាពពួកសត្វមានការជួញដូរច្រើនបំផុតលើពិភពលោក ដោយសារមានហាងឆេងតម្រូវការខ្ពស់លើទីផ្សារ ល្បីថាអាចយកទៅប្រើប្រាស់ធ្វើជាឱសថជំនួយសុខភាព ព្យាបាលរោគផ្សេងៗ។
លក្ខណៈនៃសត្វតុកកែត្រូវការវិភាគ DNA ឬ ហ្សែន ដោយសារមានច្រើនប្រភេទ អីចឹងពេលខ្លះមើលមួយភ្លែត ក៏មិនអាចដឹងថាវាមានចំណុចខុសគ្នានោះដែរ។
តុកកែជាអំបូរសត្វព្រៃមានជាបង្គួរ ដែលត្រូវបានការពារនិងអភិរក្ស និងហាមឃាត់ដាច់ខាតរាល់សកម្មភាពបរបាញ់យាយី។ គួរបញ្ជាក់ថា សត្វព្រៃនៅកម្ពុជាបែងចែកជាបីក្រុមគឺ៖ ១-ក្រុមប្រភេទជិតផុតពូជ, ២-ក្រុមប្រភេទមានដោយកម្រ និង៣-ក្រុមប្រភេទមានដោយបង្គួរ ដែលត្រូវអភិរក្សការពារដោយច្បាប់៕
អត្ថបទ៖ ប៊ុណ្ណារ៉ា
ធ្លាក់យន្តហោះចម្បាំងនៅសិង្ហបុរី តែអ្នកបើកគ្មានរងរបួសបន្តិចសោះ
ក្រុមធុរកិច្ចទម្លាក់ការព្យាករណ៍សេដ្ឋកិច្ចថៃ ដោយសារភាពយឺតយ៉ាវនៃការនាំចេញ
ប្រទេសមួយនៅ អឺរ៉ុប រងការគំរាមវាយប្រហារបំផ្ទុះគ្រាប់បែក
ក្រសួងការងារបញ្ជ្រាបការយល់ដឹងនៃ ប.ស.ស ថែទាំសុខភាព ដល់មន្ត្រីរាជការខេត្តកំពង់ស្ពឺ
អ្នកចិញ្ចឹមក្រពើ ត្អួញត្អែររឿងគ្មានទីផ្សារនាំចេញ ខណៈតម្លៃក៏ធ្លាក់ចុះយ៉ាងខ្លាំង
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
ភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល
សម្ដេចតេជោ ស្នើមេដឹកនាំមីយ៉ាន់ម៉ា ជួបលោកស្រី អ៊ុង សានស៊ូជី សួរសុខទុក្ខ តាមប្រព័ន្ធវីដេអូ
-
ព័ត៌មានជាតិ៦ ថ្ងៃ agoស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ១ សប្តាហ៍ agoក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
សេដ្ឋកិច្ច២ ថ្ងៃ agoធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៣ ថ្ងៃ agoក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានជាតិ៦ ថ្ងៃ agoប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ព័ត៌មានជាតិ៦ ថ្ងៃ agoសម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?
-
ព័ត៌មានអន្ដរជាតិ១ សប្តាហ៍ agoផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់
-
ព័ត៌មានអន្ដរជាតិ១ សប្តាហ៍ agoក្រុមហ៊ុន AstraZeneca ដាច់ចិត្តទម្លាយថា វ៉ាក់សាំងកូវីដរបស់ខ្លួន ពិតជាអាចបណ្តាលឲ្យមនុស្សស្លាប់មែន