ស្ត្រីឈឺពោះសម្រាលកូន នៅតាមផ្លូវ បានឆ្លងផុតពីគ្រោះថ្នាក់ហើយ បន្ទាប់ពីគ្រូពេទ្យចុះទៅទាន់ពេលវេលា
Connect with us
Helistar Cambodia - Helicopter Charter Services

ព័ត៌មានជាតិ

ស្ត្រីឈឺពោះសម្រាលកូន នៅតាមផ្លូវ បានឆ្លងផុតពីគ្រោះថ្នាក់ហើយ បន្ទាប់ពីគ្រូពេទ្យចុះទៅទាន់ពេលវេលា

បានផុស

នៅ

​ស្ត្រី​ពពោះ​គ្រប់​ខែ​ម្នាក់​ ត្រូវបាន​ប្តី​ដឹក​តាម​ម៉ូតូ​មក​សម្រាក​នៅ​មណ្ឌល​សុខភាព​ស្រុក​កូន​មុំ ខ​ណៈ​មកដល់​ពាក់​កណ្តាលផ្លូវ ចៃដន្យ​ម៉ូតូ​អស់​សាំង ស្រាប់តែ​ស្ត្រី​នោះ​បាន​ឈឺពោះ​សម្រាលកូន​នៅ​ទីនោះ​តែម្តង​។ ហេតុការណ៍​បង្ក​ការភ្ញាក់ផ្អើល​នេះ​ បាន​កើតឡើង​នៅវេលា​ម៉ោង​៤​និង​៣០​នាទី​ទៀបភ្លឺ នៅ​ថ្ងៃ​ទី​២៧ ខែសីហា ឆ្នាំ​២០២១ នៅតាម​ចិញ្ចើម​ផ្លូវជាតិ​លេខ​៧៨ ត្រង់ចំណុច​ព្រំប្រទល់​ឃុំ​ត្រពាំង​ច្រេស​និង​ត្រពាំង​ក្រហម ស្ថិតនៅក្នុង​ស្រុក​កូន​មុំ ខេត្តរតនគិរី​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​អ្នកគ្រូ​ពេទ្យ ស៊ុំ សុវណ្ណ អនុប្រធាន​មណ្ឌល​សុខភាព​ស្រុក​កូន​មុំ បាន​ឲ្យ​កម្ពុ​ជាថ្មី ដឹង​តាម​ប្រព័ន្ធ​ទូរ​សព្ទ​នៅ​ព្រឹក​ថ្ងៃទី​២៧ ខែសីហា ឆ្នាំ​២០២១​នេះ​ថា ស្ត្រី​ឈឺពោះ​ឆ្លងទន្លេ​នៅ​តាម​ផ្លូវ​នោះ​ ត្រូវ​បាន​មន្ត្រី​អាវុធហត្ថ​ម្នាក់​ឈ្មោះ គឹម ប៊ុនធឿន បាន​ដើរ​ហាត់ប្រាណ​តាមផ្លូវ​ថ្នល់​ប្រទះឃើញ ហើយ​លោក​ក៏​អន្តរាគមន៍​ទៅ​អនុប្រធាន​មណ្ឌល​សុខភាព​ស្រុក​កូន​មុំ ភ្លាមៗ​យក​រថយន្ត​ទៅ​ដឹក​មក​សម្រាក​នៅ​មណ្ឌល​សុខភាព​។​

​អ្នកគ្រូ ស៊ុំ សុវណ្ណ បាន​បន្តថា ស្ត្រី​បាន​សម្រាលកូន​នោះ​នៅវេលា​ម៉ោង​៥​និង​៣០​នាទី​ព្រឹក ឈ្មោះ ខេង ស្រីនាថ អាយុ​២២​ឆ្នាំ ជនជាតិខ្មែរ សម្រាល​បានកូន​ប្រុស​ជា​លើកទីមួយ ពេលនេះ​កំពុង​សម្រាក​នៅ​មណ្ឌល​សុខភាព​ស្រុក​កូន​មុំ​។ មាន​ប្តី​ឈ្មោះ ស្រ៊ុន ស្រៀ​ង អាយុ​៣៧​ឆ្នាំ ជនជាតិខ្មែរ អ្នក​ទាំងពីរ​រស់នៅ​ភូមិ​៣ ឃុំ​ត្រពាំង​ក្រហម ស្រុក​កូន​មុំ ខេត្តរតនគិរី​។​

​បច្ចុប្បន្ន​ស្ត្រី​សម្រាលកូន​នៅតាម​ផ្លូវ​នេះ កំពុង​ត្រូវបាន​បុគ្គលិក​នៃ​មណ្ឌល​សុខភាព​ស្រុក​កូន​មុំ ជាពិសេស​អ្នកគ្រូ​ពេទ្យ ស៊ុំ​ សុវណ្ណ ជា​អនុប្រធាន​មណ្ឌល​សុខភាព​ស្រុក​បាន​ជួយ​យកចិត្តទុកដាក់​មើល​ថែ​ទាំ​យ៉ាង​ល្អ​បំផុត៕

អត្ថបទ៖ វុ​ទ្ធ​ឦសាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ដឹង​មូលហេតុ​អំពី​យុវជន​វ័យ​១៥​ឆ្នាំ​បាន​ធ្វើ​អត្តឃាត​ចង.ក​សម្លាប់​ខ្លួន​ទាំង​ខ្លួន​នៅ​វ័យក្មេង

កីឡា៧ ម៉ោង មុន

ពិតជា​ខ្លាំង​មែន​! Superbon ផ្ដួល Petrosyan យក​ខ្សែក្រវាត់​ឃី​ក​បុក​សី​ង ONE Featherweight ត្រឹម​ដើម​ទឹក​ទី​២

ជីវិតកម្សាន្ដ៩ ម៉ោង មុន

ភាព​ល្បី​រន្ទឺ​របស់​លោកស្រី ឌី សា​វ៉េ​ត ធ្វើ​ឲ្យ​លេច ធ្លោ​ក្នុងសង្គម​ថៃ​កាលពី​ទសវត្ស​៧០

ព័ត៌មានជាតិ៩ ម៉ោង មុន

ឃាត់ខ្លួន​ជនជាតិ​ថៃ ៧នាក់ ដែល​មកពី​ខេត្ត​សមុទ្រ​ប្រា​កាន បម្រុង​លប​ឆ្លងដែន​មក​ធ្វើការ​នៅក្នុង​ប្រទេស​កម្ពុជា

ព័ត៌មានជាតិ៩ ម៉ោង មុន

រថយន្ត ​ម៉ូតូ​ និង​កង់​បី​សរុប​៧​គ្រឿង បុក​រុញ​បន្ត​គ្នា​របួស​ធ្ងន់ធ្ងរ​២​នាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services