ព័ត៌មានជាតិ

លោកជំទាវ ម៉ែន សំអន ជំរុញឲ្យស្ត្រីបានចូលរួមក្នុងគ្រប់សកម្មភាពនៃការបោះឆ្នោតក្រុមប្រឹក្សាឃុំ សង្កាត់

បានផុស

៥ years មុន

នៅ

ថ្ងៃព្រហស្បតិ៍ ២ កញ្ញា ២០២១

ដោយ

លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ បានថ្លែងនូវការជំរុញឲ្យស្ត្រីបានចូលរួមក្នុងគ្រប់សកម្មភាពនៃការបោះឆ្នោតក្រុមប្រឹក្សាឃុំ សង្កាត់ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវកិត្តិសង្គហបណ្ឌិត ម៉ែន សំអន ថ្លែងបែបនេះខណៈអញ្ជើញជាអធិបតីក្នុងកិច្ចប្រជុំឆ្លងរបាយការណ៍បូកសរុបលទ្ធផលការងារប្រចាំឆមាសទី១ ឆ្នាំ២០២១ និងលើកទិសដៅបន្តរបស់សមាគមនារីកម្ពុជា ដើម្បីសន្តិភាព និងអភិវឌ្ឍន៍ និងគណៈចលនាស្ត្រី នាព្រឹកថ្ងៃព្រហស្បតិ៍ ១០រោច ខែស្រាពណ៍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី២ ខែកញ្ញា ឆ្នាំ២០២១ ។

ថ្លែងក្នុងឱកាសនោះ លោកជំទាវក៏បានថ្លែងនូវការកោតសសើរដល់លោកជំទាវ ក៏ដូចជានារីនៅគ្រប់លំដាប់ថ្នាក់ដែលបានចូលរួមយ៉ាងសកម្មជាមួយរាជរដ្ឋាភិបាល ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ទាំងការងារស្នូលក៏ដូចជា ការងារប្រយុទ្ធប្រឆាំង និងការទប់ស្កាត់នូវការឆ្លងរីករាលដាលនៃជំងឺកូវីដ១៩ ។

លោកជំទាវក៏បានសំណូមពរដល់ថ្នាក់ដឹកនាំសមាគមនារីកម្ពុជា ដើម្បីសន្តិភាព និងការអភិវឌ្ឍន៍ ត្រូវជំរុញឲ្យស្ត្រីបានចូលរួមក្នុងគ្រប់សកម្មភាពនៃការបោះឆ្នោត ក៏ដូចជាការៀបចំឲ្យមានបេក្ខជនជានារី ឲ្យបានឈរឈ្មោះជាបេក្ខភាពរបស់ក្រុមប្រឹក្សាឃុំ សង្កាត់។ ដោយឡែកពាក់ព័ន្ធជំងឺកូវីដ១៩ វិញ សូមបន្តរក្សា និងអនុវត្តគោលការណ៍បង្ការទប់ស្កាត់ និងវិធានសុខាភិបាល «៣ការពារ ៣កុំ» ឱ្យបានខ្ជាប់ខ្ជួន កុំធ្វេសប្រហែស និងជំរុញការផ្សព្វផ្សាយជូនដល់ប្រជាពលរដ្ឋទៅចាក់វ៉ាក់សាំងការពារកូវីដ-១៩ ដែលរាជរដ្ឋាភិបាលផ្តល់ជូនដោយឥតគិតថ្លៃឱ្យបានគ្រប់ៗគ្នា៕

អត្ថបទ៖ វិមាន

Related Topics:លោកជំទាវ ម៉ែន សំអន