ព័ត៌មានជាតិ
ឃាត់ខ្លួនក្មេងស្ទាវ១០នាក់ ករណីកាប់គ្នាស្លាប់ម្នាក់ បញ្ជូនទៅតុលាការ
ក្មេងស្ទាវចំនួន១០នាក់ ត្រូវកម្លាំងសមត្ថកិច្ចចុះប្រមូល ដើម្បីបញ្ជូនទៅសាលាដំបូង បន្ទាប់ពីពួកគេបានបើកឆាកវាយប្រហារគ្នាដោយប្រើដំបង ដុំថ្ម និង ដាវ បណ្តាលឲ្យមានយុវជនម្នាក់ស្លាប់ ក្រោយពីបានបញ្ជូនទៅដល់មន្ទីរពេទ្យ។
ដោយអនុវត្តតាមបទបញ្ជាផ្ទាល់ពី ឯកឧត្ដម ឧត្ដមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្ត និងដោយមានការឯកភាពពី ឯកឧត្តម កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តផងនោះនៅថ្ងៃទី០៦ ខែកញ្ញា ឆ្នាំ២០២១ វេលាម៉ោង ៨ និង ៣០ នាទីព្រឹក កម្លាំងចម្រុះបានចុះទៅកាន់ ចំណុចភូមិព្រែកតាតន់ សង្កាត់ព្រែកព្រះស្តេច ក្រុងបាត់ដំបង បានធ្វើការនាំខ្លួនជនសង្ស័យ ០២ ក្រុម មានចំនួន ១០ នាក់ មកកាន់ស្នងការដ្ឋាន ។
ជនទាំងនោះមានឈ្មោះ ១.ឈ្មោះ ថាវ វុត្ថា ភេទប្រុស អាយុ ២០ ឆ្នាំ មានទីលំនៅភូមិព្រែកតាតន់ សង្កាត់ព្រែកព្រះស្តេច ២.ឈ្មោះ សែម វិរ: ភេទប្រុស អាយុ ១៨ ឆ្នាំ មានទីលំនៅភូមិអញ្ចាញ សង្កាត់អូរចារ ៣. ឈ្មោះ មាស គ្រឹស្នា ហៅ បារាំង ភេទប្រុស អាយុ ១៩ ឆ្នាំ មានទីលំនៅ ភូមិរំចេក៤ សង្កាត់រតនៈ ៤.ឈ្មោះ វី ចិន្តា ហៅ ខ្មៅ ភេទប្រុស អាយុ ១៥ ឆ្នាំ មានទីលំនៅភូមិត្រាង ឃុំអូរតាគី ៥.ឈ្មោះ ដៀប សុខឡេង ភេទប្រុស អាយុ ១៧ ឆ្នាំ មានទីលំនៅភូមិទួលតាឯក សង្កាត់ទួលតាឯក ៦.ឈ្មោះ លី ថុនា ភេទប្រុស អាយុ ២៣ ឆ្នាំ មានទីលំនៅភូមិគោកក្តួច ឃុំតាពូង ៧.ឈ្មោះ សុក ប៊ុនទិត្យ ភេទប្រុស អាយុ ១៧ ឆ្នាំ មានទីលំនៅ ភូមិទួលតាឯក សង្កាត់ទួទួលតាឯក ៨. ឈ្មោះ វ៉ាន់ ហុកហេង ហៅស្រួច ភេទប្រុស អាយុ ១៦ ឆ្នាំ មានទីលំនៅភូមិទួលតាឯក សង្កាត់ទួទួលតាឯក ៩.ឈ្មោះ ឆិល ឡង់ឌី ភេទប្រុស អាយុ ១៧ ឆ្នាំ មានទីលំនៅ ភូមិ ទួលតាឯក សង្កាត់ទួលតាឯក និង ១០.ឈ្មោះ សឺន សិទ្ធិសក័ ភេទប្រុស អាយុ ១៧ ឆ្នាំ មានទីលំនៅភូមិ អូរតាគាំ២ សង្កាត់ទួលតាឯក ក្រុងបាត់ដំបង ខេត្តបាត់ដំបង។
គួរបញ្ជាក់ថា កាលពីថ្ងៃទី ០៥ ខែកញ្ញា ឆ្នាំ២០២១ វេលាម៉ោង ១០ និង ៤០ នាទី យប់ នៅចំណុច ក្រុមទី២២ ភូមិអញ្ចាញ សង្កាត់អូរចារ ក្រុងបាត់ដំបង ខេត្តបាត់ដំបង ជនសង្ស័យទាំង ០២ ក្រុម ខាងលើ បានធ្វើសកម្មភាពប្រើប្រាស់កាំបិត ដំបង និង ដុំថ្ម កាប់ វាយ និងគប់ទៅលើជនរងគ្រោះឈ្មោះ អ៊ាង វិសាល ភេទប្រុស អាយុ ១៧ ឆ្នាំ មានទីលំនៅភូមិ ទួលតាឯក សង្កាត់ ទួលតាឯក ក្រុងបាត់ដំបង បណ្តាលឲ្យស្លាប់ នៅពេលបញ្ជូនទៅសង្គ្រោះបន្ទាន់នៅមន្ទីរពេទ្យ ។
វត្ថុតាងដកហូតរួមមាន ៖ ដំបងដែកមានរាងបួនជ្រុង ប្រវែង ៧០សង់ទីម៉ែត្រ ០១ ដើម កាំបិតដែក មានដងឈើ ប្រវែង ៩០សង់ទីម៉ែត្រ ០១ ដើម និង ម៉ូតូម៉ាកហុងដា វេវ ពណ៌ស គ្មានស្លាកលេខចំនួន ០១ គ្រឿង ។ បច្ចុប្បន្នការិយាល័យជំនាញកំពុងធ្វើការកសាងសំណុំរឿងដើម្បីបញ្ជូនទៅសាលាដំបូងខេត្ត និងចាត់ការបន្តតាមនីតិវិធី ៕
អត្ថបទ៖ សោ និយមរ័ត្ន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង