ព័ត៌មានជាតិ

ពលរដ្ឋ ចំនួន៦០០គ្រួសារទទួលអំណោយដ៏ថ្លៃថ្លាពីសំណាក់សម្ដេចហ៊ុនសែន

បានផុស

៥ years មុន

នៅ

ថ្ងៃព្រហស្បតិ៍ ៩ កញ្ញា ២០២១

ដោយ

ប៉ោយប៉ែត ៖ យ៉ាងហោចណាស់ក៏មានប្រជាពលរដ្ឋចំនួន ៦០០ គ្រួសារដែលរស់នៅក្នុងតំបន់បឹងជម្រុកឈ្នះ ឈ្នះបានមកទទួលអំណោយរបស់សម្ដេចហ៊ុនសែនដើម្បីយកទៅប្រើប្រាស់និងដោះស្រាយជីវភាពប្រចាំថ្ងៃរបស់ពួកគាត់សព្វថ្ងៃនេះ ខណៈដែលពួកគាត់កំពុងតែមានការខ្វះខាតស្បៀងអាហារក្នុងរដូវវស្សានេះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ដែរថា នៅថ្ងៃព្រហស្បតិ៍ ទី៩ ខែសីហា ឆ្នាំ ២០២១ គេបានសង្កេតឃើញឯកឧត្តម ប៉ាន់ខែម ប៊ុនថន នាយករងខុទ្ទកាល័យសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បាននាំអំណោយដ៏ថ្លៃថ្លារបស់សម្តេចមកចែកជូនប្រជាពលរដ្ឋចំនួន៦០០គ្រួសារដែលរស់នៅភូមិបឹងជង្រុកតេជោឈ្នះៗ ឃុំទួលពង្រ ស្រុកម៉ាឡៃ ខេត្តបន្ទាយមានជ័យស្របពេលដែលប្រជាពលរដ្ឋដែលរស់នៅក្នុងតំបន់ខាងលើកំពុងតែជួបវិបត្តិខ្វះខាតយ៉ាងធ្ងន់ធ្ងរ លើផ្នែកជីវភាពប្រចាំថ្ងៃ ក្រោយមកឯកឧត្តមប៉ាន់ខែមប៊ុនថន នាយករងខុទ្ទកាល័យរបស់សម្ដេចក៏បានទទួលស្បៀងអាហារពិសម្ដេចប្រមុខរាជរដ្ឋាភិបាលដើម្បីយកមកចែកជូនដល់ដៃប្រជាពលរដ្ឋដែលកំពុងតែជួបការខ្វះខាតសព្វថ្ងៃនេះ។

ក្នុងនោះដែរឯកឧត្តមប៉ាន់ខែមប៊ុនថន ប្រាប់ប្រជាពលរដ្ឋថា នៅទីណាដែលជាពលរដ្ឋមានការលំបាកទីនោះគឺមានវត្តមានដ៏ខ្ពង់ខ្ពស់របស់សម្ដេចហ៊ុនសែននិងសម្ដេចគតិព្រឹទ្ធបណ្ឌិតប៊ុនរ៉ានីហ៊ុនសែនដែលសម្ដេចទាំងពីរតែងតែយកចិត្តទុកដាក់និងជួយសង្គ្រោះដល់ប្រជាពលរដ្ឋដែលកំពុងតែជួបការលំបាកលើផ្នែកជីវភាពប្រចាំថ្ងៃ ហើយសម្ដេចទាំងពីរបានផ្ដល់ជំនួយសង្គ្រោះបន្ទាន់មកចែកជូនដល់ដៃប្រជាពលរដ្ឋតាមរយៈរូបលោកផ្ទាល់តែម្ដង ធ្វើយ៉ាងណាឱ្យបានជំនួយទាំងនោះបានមកដល់ដៃប្រជាពលរដ្ឋយើងដើម្បីយកទៅដោះស្រាយជីវភាពរបស់ខ្លួនបន្តទៅមុខទៀតនោះ៕

ដោយ ៖ ពៅរី