ព័ត៌មានជាតិ

កិច្ចប្រជុំអាស៊ី-អឺរ៉ុប នឹងមានក្រុមតេឡេក្រាមសម្រាប់អ្នកព័ត៌មានកម្ពុជាទទួលបានខ្លឹមសារកិច្ចប្រជុំ

បានផុស

៤ years មុន

នៅ

ថ្ងៃព្រហស្បតិ៍ ១៦ កញ្ញា ២០២១

ដោយ

នៅក្នុងវេទិកាភាសាដែលរៀបចំឡើងដោយក្លឹបអ្នកកាសែតកម្ពុជានាព្រឹកនេះ ស្តីពីការរៀបចំកិច្ចប្រជុំកំពូលអាស៊ី-អឺរ៉ុប លើកទី១៣ (ASEM 13) មន្ត្រីជាន់ខ្ពស់ក្រសួងព័ត៌មាន បានឯកភាពបង្កើតក្រុមតេលេក្រាមមួយ ដើម្បីឱ្យអ្នកសារព័ត៌មានទទួលបានព័ត៌មានពីកិច្ចប្រជុំកំពូលអាស៊ី-អឺរ៉ុប ដែលកម្ពុជានឹងធ្វើជាម្ចាស់ផ្ទះនេះ ហើយការងារនេះត្រូវបានប្រគល់ទៅឱ្យក្លិបអ្នកកាសែតកម្ពុជា ដើម្បីរៀបចំជាក្រុម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសម្រេចបង្កើតឱ្យមានគ្រប់លេខក្រាមសម្រាប់ទទួលព័ត៌មានពីកិច្ចប្រជុំកំពូលអាស៊ី-អឺរ៉ុប (ASEM 13) នេះ បានធ្វើឡើងក្រោយពីមានសំណូមពរពីអ្នកសារព័ត៌មាន ដែលបានចូលរួមនៅក្នុងវេទិកាពិភាក្សានាព្រឹកមិញនេះ ត្អូញត្អែពីការលំបាកក្នុងការទទួលព័ត៌មានពីកិច្ចប្រជុំធំៗម្តងៗ ហើយក៏បានលើកជាយោបល់នេះឡើង។

សូមបញ្ជាក់ថា កិច្ចប្រជុំកំពូលអាស៊ី-អឺរ៉ុប លើកទី១៣ (ASEM 13) ដែលកម្ពុជាធ្វើជាម្ចាស់ផ្ទះគ្រោងនឹងរៀបចំរយៈពេល២ថ្ងៃ គឺនៅថ្ងៃទី២៥ និង២៦ ខែវិច្ឆិកា ឆ្នាំ២០២១ ខាងមុខនេះ តាមប្រព័ន្ធ Video Conference ការសម្រេចកិច្ចប្រជុំកំពូល ASEM 13 តាមប្រព័ន្ធ Video នេះ ក្រោយពីមានការណែនាំរបស់គណៈកម្មាធិការជាតិប្រយុទ្ធប្រឆាំងនឹងជំងឺកូវីដ-១៩ ដោយបញ្ជាក់ថា ការរៀបចំកិច្ចប្រជុំកំពូលជាលក្ខណៈរូបវ័ន្ត នឹងមិនមានសុវត្ថិភាពដល់ថ្នាក់ដឹកនាំនៃប្រទេសដៃគូ ASEM ដែលនឹងត្រូវមកចូលរួមកិច្ចប្រជុំនោះឡើយ ព្រោះជំងឺរាតត្បាតនេះ បាន និងកំពុងបន្តរីករាលដាលខ្លាំង ស្របពេលដែលបណ្តាប្រទេសលើពិភពលោកបានដាក់ចេញនូវការរឹតត្បិតលើការធ្វើដំណើរថ្មីៗ៕

អត្ថបទ៖ កោះកែវ

Related Topics:ក្លិបអ្នកកាសែតកម្ពុជា