ធនាគារជាតិ​ជូនដំណឹង​ដាក់​ដេញ​ថ្លៃ​ប្រាក់ដុល្លារអាមេរិកចំនួន ១០០ លាន​ដុល្លារ​

ធនាគារ​ជាតិបានជូនដំណឹង​ដល់គ្រឹះស្ថានធនាគារ គ្រឹះស្ថានមីក្រូហិរញ្ញវត្ថុ និងអាជីវករប្តូរប្រាក់ដែលមានអាជ្ញាបណ្ណទាំងអស់ ពី​ការ​ដាក់ឱ្យដេញថ្លៃប្រាក់ដុល្លារអាមេរិកចំនួន ១០០.០០០.០០០ ដុល្លារអាមេរិក (មួយរយលានដុល្លារអាមេរិក) សម្រាប់ខែកញ្ញា ឆ្នាំ២០២១នេះ។

ការ​ប្រកាស​ជូន​ដំណឹង​នេះ ដើម្បី​​ឲ្យ​គ្រឹះស្ថានធនាគារ គ្រឹះស្ថានមីក្រូហិរញ្ញវត្ថុ និងអាជីវករ ប្តូរប្រាក់ដែលមានអាជ្ញាបណ្ណទាំងអស់ជ្រាបជាព័ត៌មាន និងត្រៀមលក្ខណៈចូលរួមការដេញថ្លៃតាមតាមការគួរ។ ចំពោះកាលបរិច្ឆេទ និងទំហំទឹកប្រាក់ដេញថ្លៃជាក់ស្តែង នឹងជូនដំណឹងនាពេលក្រោយទៀត។

បើ​យោង​តាម​សេចក្តី​ជូន​ដំណឹង ធនាគារជាតិរក្សាសិទ្ធិក្នុងការកែសម្រួលទំហំទឹកប្រាក់ដាក់ឱ្យដេញថ្លៃ ទៅតាមស្ថានភាពទីផ្សារជាក់ស្តែង៕