ព័ត៌មានជាតិ

គ្រូពេទ្យយកសំណាកប្រជាពលរដ្ឋចំនួន៤សង្កាត់ នៅខណ្ឌមានជ័យរកឃើញមនុស្ស២នាក់ឆ្លងកូវីដ

បានផុស

៥ years មុន

នៅ

ថ្ងៃសុក្រ ១៧ កញ្ញា ២០២១

ដោយ

ភ្នំពេញ ៖ យោងតាមរបាយការណ៍របស់សាលាខណ្ឌមានជ័យបានឲ្យដឹងថា ក្នុងរយៈពេលពេញមួយថ្ងៃ ថ្ងៃទី១៦ខែកញ្ញាចាប់ពីម៉ោង៨និង០០នាទីព្រឹក រហូតដល់ម៉ោង៧យប់ ក្រុមគ្រូពេទ្យស្ម័គ្រចិត្តសម្តេចតេជោបានចុះទៅយកសំណាកពីប្រជាពលរដ្ឋរស់នៅសង្កាត់ចំនួន៤ក្នុងមូលដ្ឋានខណ្ឌមានជ័យរាជធានីភ្នំពេញដើម្បីស្វែងរកអ្នកកើតជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីលោក ជា សុខៃ ចៅសង្កាត់ចាក់អង្រែក្រោមបានឲ្យកម្ពុជាថ្មីដឹងថា នៅថ្ងៃទី១៦ម្សិលមិញនេះគ្រូពេទ្យស្ម័គ្រចិត្តសម្តេចតេជោបានចុះទៅយកសំណាកពីប្រជាពលរដ្ឋចំនួន៤សង្កាត់ស្ថិតក្នុងបរិវេណសាលាអនុវិទ្យាល័យហ៊ុន សែន ចាក់អង្រែក្រោមក្នុងចំនួនប្រជាពលរដ្ឋ២០០៤នាក់ក្នុងនោះមានស្រី១២០០នាក់ រកឃើញអ្នកឆ្លងកូវីដ១៩ចំនួន២នាក់គឺស្រីម្នាក់ប្រុសម្នាក់។

លោកចៅសង្កាត់ចាក់អង្រែក្រោមបានបញ្ជាក់ថា ចំពោះប្រជាពលរដ្ឋរស់នៅក្នុងសង្កាត់ចាក់អង្រែក្រោមដែលបានទៅមើលសំណាកចំនួន១០៨០នាក់ គឺមានម្នាក់ឆ្លងជំងឺកូវីដ១៩។ ហើយអ្នកឆ្លងទាំងពីរនាក់ត្រូវបានដឹកយកទៅព្យាបាលភ្លាមៗផងដែរ៕

ដោយ ៖ នរា