ព័ត៌មានជាតិ

កុមារអាយុ៦ឆ្នាំ ដល់ក្រោម១២ឆ្នាំ នៅរាជធានីភ្នំពេញ ជាង១១ម៉ឺននាក់ហើយ ដែលទទួលបានការចាក់វ៉ាក់សាំងដូសទី១

បានផុស

៥ years មុន

នៅ

ថ្ងៃសុក្រ ២៤ កញ្ញា ២០២១

ដោយ

គិតចាប់ពីថ្ងៃបើកយុទ្ធនាការចាក់វ៉ាក់សាំងជូនកុមារអាយុ៦ឆ្នាំ ដល់ក្រោម១២ឆ្នាំ កាលពីថ្ងៃទី១៧ រហូតដល់ ទី២៣ខែកញ្ញានេះ កុមារនៅក្នុងរាជធានីភ្នំពេញ ចំនួនជាង១១ម៉ឺននាក់ហើយ ដែលទទួលបានការចាក់វ៉ាក់សាំងដូសទី១ ក្នុងចំណោមកុមារចំនួន២២០,០០០ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានមន្ទីរសុខាភិបាលនៃរដ្ឋបាលរាជធានីភ្នំពេញ លោក ងី មានហេង បានឲ្យដឹងនៅព្រឹកថ្ងៃទី២៤ កញ្ញានេះថា មន្ត្រីសុខាភិបាលនៃរដ្ឋបាលរាជធានីភ្នំពេញ និងអាជ្ញាធរសង្កាត់ ខណ្ឌបានសហការផ្តល់សេវាចាក់វ៉ាក់សាំងបង្ការជំងឺកូវីដ-១៩ ទទួលបានភាពជោគជ័យ និងមានសុវត្ថិភាព។ មន្ទីរពេទ្យបង្អែក និងមណ្ឌលសុខភាពបានរៀបចំមានសណ្តាប់ធ្នាប់ មានគម្លាតសុវត្ថិភាពត្រឹមត្រូវ រៀបរយល្អ។ លោកបន្តថា គិតចាប់ពីថ្ងៃបើកយុទ្ធនាការចាក់វ៉ាក់សាំងជូនកុមារអាយុ ៦ ឆ្នាំដល់ក្រោម១២ឆ្នាំ ពីថ្ងៃទី១៧ ដល់ ទី២៣ ខែកញ្ញានេះ កុមារចំនួន ១១៦,៧៧៦ នាក់ បានទទួលដូសទី១ ក្នុងចំណោមកុមារចំណុច ២២០,០០០នាក់ នៅរាជធានីភ្នំពេញ។

មាតាបិតា ឬអាណាព្យាបាលកុមារ អាចបន្តនាំកុមារមកទទួលវ៉ាក់សាំងដូសទី១ រហូតដល់ថ្ងៃទី ៣ ខែតុលា ២០២១ ឬ អាចពន្យារ ៣-៤ ថ្ងៃបន្ថែមទៀតបើចាំបាច់ នៅមណ្ឌលសុខភាព និងមន្ទីរពេទ្យបង្អែកដែលស្ថិតនៅជិតផ្ទះបំផុត។ លោកសូមឲ្យបងប្អូនរក្សាគម្លាតសុវត្ថិភាពឲ្យបានត្រឹមត្រូវនិងខ្ជាប់ខ្ជួនជានិច្ច ដោយរាជរដ្ឋាភិបាលមានវ៉ាក់សាំងគ្រប់គ្រាន់សម្រាប់ផ្តល់ជូនប្រជាពលរដ្ឋគ្រប់រូប (ចាប់ពីអាយុ ៦ឆ្នាំឡើង)៕

អត្ថបទ៖ ស្រីរ័ត្ន

Related Topics:កុមារ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា