វត្ត​លង្កា​រៀបចំ​រោង ពុទ្ធ​​បរិស័ទ​ប្រគេន​ចង្ហាន់ ទេយ្យទាន ត្រឹម​ខ្លោង​ទ្វារ​

ដើម្បីចូលរួមចំណែកជាមួយរាជរដ្ឋាភិបាលកម្ពុជា ក្នុងការទប់ស្កាត់ការរីករាលដាលនៃជម្ងឺកូវីដ១៩ ក៏ដូចជាដើម្បីរក្សានូវទំនៀមទំលាប់ វប្បធម៌ប្រពៃណីខ្មែរ គណៈកម្មការ​វត្តលង្កាព្រះកុសុមារាមបានរៀបចំទីតាំងសុវត្ថិភាពមួយ​សម្រាប់ពុទ្ធបរិស័ទ​មកប្រគេនចង្ហាន់ និងទេយ្យទានក្នុងរដូវកាលបុណ្យកាន់បិណ្ឌនេះត្រឹមក្នុងមហារោង ក្លោងទ្វារវត្ត។

ប្រមុខ​រដ្ឋាភិបាល​កម្ពុជាបានចេញសេចក្តីសម្រេចឲ្យផ្អាករៀបចំពិធីបុណ្យកាន់បិណ្ឌនិងភ្ជុំបិណ្ឌ ដើម្បីបង្ការនិងទប់ស្កាត់ជំងឺកូវីដ១៩ ដែលកំពុងរីក​រាលដាល។ យ៉ាងណា​​គណៈអភិបាលរាជធានី-ខេត្ត ត្រូវធ្វើការសម្របសម្រួលជាមួយយន្តការដែលមានការពាក់ព័ន្ធទាំងអស់ ដើម្បីធានាដល់ការនាំយកចង្ហាន់ និងទេយ្យវត្ថុចាំបាច់នានា ប្រគេនដល់ព្រះសង្ឃនៅតាមបណ្តាវត្តអារាមនានា ដែលស្ថិតក្នុងសមត្ថកិច្ចដែនដីរបស់ខ្លួន៕