ទិញ​រថយន្ត​ត​ពី​គេ បាត់​ស្លាក​លេខ តើ​អាច​ធ្វើ​ថ្មី​ដោយ​របៀប​ណា​ទៅ?
Connect with us

ព័ត៌មានជាតិ

ទិញ​រថយន្ត​ត​ពី​គេ បាត់​ស្លាក​លេខ តើ​អាច​ធ្វើ​ថ្មី​ដោយ​របៀប​ណា​ទៅ?

បានផុស

នៅ

ឆ្លើយតបនូវសំណួររបស់បងប្អូនប្រជាពលរដ្ឋក្រោមប្រធានបទ​ “ការស្វែងយល់ពីស្លាកលេខពិសេស និងលេខពិសេសផ្ទាល់ខ្លួន សម្រាប់រថយន្ត”​ ក្នុងកម្មវិធី MPWT LIVE SHOW នាព្រឹក​មិញនេះ​ លោកជំទាវ កុយ សុដានី រដ្ឋលេខាធិការ​ និង​ជា​ប្រធាន​គណៈកម្មការ​អន្តរក្រសួង​គ្រប់គ្រង​ការ​លក់​លេខ​ចុះ​បញ្ជី​រថយន្តបាន​បញ្ជាក់​ថា ករណី​ម្ចាស់​រថយន្ត​ទិញ​រថយន្ត​ត​ពី​គេ​ដែល​មិន​បាន​កាត់​ឈ្មោះ​ហើយ​បាត់​ស្លាក​លេខ ចាំបាច់​ណាស់​ដែល​ម្ចាស់​រថយន្ត​ត្រូវ​រក​ម្ចាស់​ដើម​ធ្វើ​ទុតិយតា​​ ដើម្បី​បញ្ជាក់​ពី​ភាព​ស្រប​ច្បាប់​។ នីតិវិធីនេះ​គឺ​ដើម្បី​បង្ការ​បញ្ហា​មិន​ប្រក្រតី​ដែល​អាច​កើត​មាន​ឡើង​ដូចជា​ចោរកម្ម​ជា​ដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវបាន​បញ្ជាក់ថា ស្លាកលេខសម្គាល់យានយន្ត ម្ចាស់បច្ចុប្បន្នគ្មានសិទ្ធិស្នើសុំធ្វើឯកសារទាំងអស់នោះឡើងវិញទេ លុះត្រាណាម្ចាស់ដើមទើបមានសិទ្ធិស្នើសុំ ​ដូច្នេះ​ហើយ​បាន​ជា​ក្រសួង​តែងតែ​អំពាវនាវ​បង​ប្អូន ដែល​ទិញ​រថយន្ត​ត​ពី​គេ ត្រូវ​កាត់​ឈ្មោះ​តាម​នីតិវិធី ដើម្បី​បាន​សិទ្ធិ​ស្រប​ច្បាប់​ក្នុង​ការ​ប្រើប្រាស់​​។

ក្រសួង​សាធារណការ​និង​ដឹក​ជញ្ជូន​បាន​បង្ហាញ​ពី​គុណវិបត្តិ សម្រាប់​បង​ប្អូន​ដែល​ទិញ​រថយន្ត​តពី​គេ ចាំបាច់​​ត្រូវ​កាត់​ឈ្មោះ​​ឲ្យ​បាន​ត្រឹមត្រូវ៖

-ប្រសិន​បើមាន​គ្រោះថ្នាក់​ចរាចរណ៍ ឬយកយានយន្ត​ទៅប្រព្រឹត្ត​បទល្មើស​ផ្សេងៗ ម្ចាស់ដើមនឹងត្រូវជាប់ការស៊ើបអង្កេតរបស់សមត្ថកិច្ច។

-ពេលបាត់បង់ឯកសារដូចជា បណ្ណសម្គាល់យានយន្ត ស្លាកលេខសម្គាល់យានយន្ត ម្ចាស់បច្ចុប្បន្នគ្មានសិទ្ធិស្នើសុំធ្វើឯកសារទាំងអស់នោះឡើងវិញទេ លុះត្រាណាម្ចាស់ដើមទើបមានសិទ្ធិស្នើសុំ។

-ករណីបាត់បង់យានយន្ត ម្ចាស់បច្ចុប្បន្នក៏គ្មានសិទ្ធិប្ដឹងផ្ដល់នោះដែរ លុះត្រាណាម្ចាស់ដើមទើបច្បាប់ទទួលស្គាល់ជាផ្លូវការ។

-ប្រសិនបើត្រូវលក់យានយន្តបន្តទៀត ម្ចាស់បច្ចុប្បន្នគ្មានសិទ្ធិកាត់ឈ្មោះឲ្យទៅអ្នកទិញបន្តនោះទេ។

-ម្ចាស់ដើមនៅតែមានសិទ្ធិស្របច្បាប់លើយានយន្ត។

-ម្ចាស់ដើមមានសិទ្ធិគ្រប់ពេល ក្នុងការប្តឹងសមត្ថកិច្ចថាយានយន្តរបស់ខ្លួនត្រូវចោរលួចបាត់៕

អត្ថបទ៖ ប៊ុណ្ណារ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៥ នាទី មុន

កម្រងជីវិត៖ មេក្រុមល្ខោនបាសាក់ ផ្ដើមពីគ្នា ៥ នាក់ ដល់ ៥០ នាក់ បានជាប់ជ័យលាភីជាច្រើន

ជំនឿ១៣ នាទី មុន

ខាល ម្សាញ់ វក កុរ ឆុងពេញមួយឆ្នាំ ជីវិតឡាក់ឆុងណាស់ តែក្រោយអានរួច នឹងធូរចិត្តច្រើនជាងមុន

ព័ត៌មានជាតិ១ ម៉ោង មុន

លោក ធូ ស៊ុន ៖ កិច្ចការសំខាន់ គឺរួមគ្នាព្យាបាល និងស្តារនីតិសម្បទា ដល់ជនរងគ្រោះ ដោយសារគ្រឿងញៀន

ព័ត៌មានជាតិ២ ម៉ោង មុន

កម្ពុជាមានបណ្តាញផ្លូវជាតិនិងផ្លូវជនបទស្ថាបនាដោយចាក់កៅស៊ូ និងបេតុងជាង១៥០០០គីឡូ​ម៉ែត្រ​

ជំនឿ២ ម៉ោង មុន

គ្រូចិនសែច្រើន និងប្រាប់ក្បួនខុសគ្នាពេកក្នុងពិធីចូលឆ្នាំចិន លោក អ៊ឹម បុរិន្ទ ចេញបកស្រាយបំភ្លឺការពិត

Sokha Hotels

ព័ត៌មានពេញនិយម