ព័ត៌មានជាតិ

កកស្ទះចរាចរណ៍នៅច្រកអន្តរជាតិដូង ដោយសារទឹកជំនន់មកពីប្រទេសថៃ

បានផុស

៥ years មុន

នៅ

ថ្ងៃព្រហស្បតិ៍ ៧ តុលា ២០២១

ដោយ

ច្រកអន្តរជាតិដូង ស្ថិតក្នុងភូមិអូរដារ ឃុំបឹងរាំង ស្រុកកំរៀង ខេត្តបាត់ដំបង កំពុងប្រឈមនឹងទឹកជំនន់ ដែលរថយន្តតូច ធំ ត្រូវបានផ្អាកការធ្វើចរាចរណ៍ជាបណ្ដោះអាសន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការផ្អាកនេះត្រូវបានធ្វើឡើង កាលពីព្រឹកថ្ងៃទី ០៧ ខែតុលា ឆ្នាំ ២០២១ បន្ទាប់ពីទឹកជំនន់បាននិងកំពុងជោរជន់ពីអូរព្រំដែនថៃយ៉ាងគំហុក និងហូរលើស្ពានព្រំដែនយ៉ាងខ្លាំងផងដែរ។ ដោយឡែកអ្នកថ្មើរជើង អាចធ្វើដំណើរបានតាមស្ពានតូចមួយទៀតដែលនៅខ្ពស់ផុតពីទឹក។

បើតាមប្រភពមួយចំនួនបាននិយាយថា ប៉ុន្មានថ្ងៃនេះ នៅក្នុងទឹកដីថៃ ដូចជាខេត្តស្រះកែវ ខេត្តច័ន្ទបុរី ជាដើម ដែលជាខេត្តជាប់ព្រំប្រទល់នឹងខេត្តបាត់ដំបង និងស្ថិតជាប់អូរព្រំដែន គឺមានភ្លៀងធ្លាក់ឥតឈប់ឈរ ទើបធ្វើឲ្យមានទឹកជំនន់តាមអូរព្រំដែនបែបនេះ ប៉ុន្តែគេនៅមិនទាន់ដឹងថា តើពេលណាទើបទឹកស្រកវិញជាធម្មតានោះឡើយ៕

អត្ថបទ ៖ សោ និយមរ័ត្ន