ព័ត៌មានជាតិ
អគ្គិភ័យឆាបឆេះផ្ទះលក់កង់ នៅជាន់ទី១ មួយកន្លែង នៅសង្កាត់អូរឬស្សី៣ ទាំងយប់
ផ្ទះលក់កង់មួយកន្លែង ត្រូវបានអគ្គិភ័យឆាបឆេះយ៉ាងសន្ធោរសន្ធៅ នៅចំណុចជាន់ទី១ នៃលំនៅឋាន បង្កឲ្យមានការភ្ញាក់ផ្អើលឡើង កាលពីវេលាម៉ោង ១១ និង២០នាទីយប់ ថ្ងៃទី១៣ ខែតុលា ឆ្នាំ២០២១ នៅចំណុចតាមបណ្តោយផ្លូវលេខ ១៨២ ក្នុងសង្កាត់អូឬស្សីទី ៤ ខណ្ឌ ៧មករា រាជធានីភ្នំពេញ។
តាមប្រភពព័ត៌មាននៅកន្លែងកើតហេតុ បានប្រាប់ឲ្យដឹងថា មុនពេលកើតហេតុ គេបានឃើញមានផ្សែងចេញជាអណ្តាតភ្លើង លាយលំជាមួយផ្សែង ហ៊ុយចេញពីផ្ទះប្រជាពលរដ្ឋជាន់ទី ១។ ពេលនោះក្រុមពលរដ្ឋក្បែរនោះ ក៏បានជួយគ្នាជួយជះទឹក និងយកបំពង់ពន្លត់អគ្គីភ័យជួយបាញ់ពន្លត់។ ប៉ុន្តែដោយសារស្ថានភាពភ្លើងឆាប់ឆេះខ្លាំងពេក ទើបប្រជាពល រដ្ឋទប់ស្កាត់មិនបាន ក៏បានរាយការណ៍ទៅកម្លាំងសមត្ថកិច្ច ការិយាល័យបង្ការ និងពន្លត់អគ្គីភ័យ ដើម្បីយករថយន្តពន្លត់អគ្គីភ័យជួយអន្តរាគមន៍។
បន្ទាប់ពីទទួលបានព័ត៌មាន ពីប្រជាពលរដ្ឋភ្លាមៗ កម្លាំងអាជ្ញាធរមូលដ្ឋាន រួមជាមួយសមត្ថកិច្ចជំនាញអគ្គីភ័យ រួមជាមួយរថយន្តពន្លត់អគ្គីភ័យជាច្រើនគ្រឿង បានចុះអន្តរាគមន៍ដល់ទីតាំងកើតហេតុ ដើម្បីធ្វើកិច្ចអន្តរាគមន៍បាញ់ទឹកពន្លត់។ ក្រោយការខិតខំអន្តរាគមន៍ប្រមាណ ១ម៉ោងរួចមក អណ្តាតភ្លើងក៏ត្រូវរលត់សូន្យសុង ១០០ភាគរយ។
ក្នុងករណីអគ្គីភ័យនេះដែរ កម្លាំងសមត្ថកិច្ចបានប្រើប្រាស់រថយន្តពន្លត់អគ្គីភ័យចំនួន ៣រថយន្ត ប្រើប្រាស់ទឹកអស់៦ឡាន ទើបអគ្គីភ័យរលត់ទៅវិញ។ ចំពោះការខូចខាត គឺឆាប់ឆេះសម្ភារៈខាងក្នុងជាន់ទី ១ អស់ទាំងស្រុង និងមិនបណ្តាលឲ្យនរណាម្នាក់រងរបួសនោះទេ។ ចំណែកចំពោះមូលហេតុ នៃការឆាបឆេះ កម្លាំងសមត្ថកិច្ចកំពុងស្រាវជ្រាវបន្ត៕
អត្ថបទ៖ លីហេង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង