ព័ត៌មានជាតិ
ឆេះកសិដ្ឋានចិញ្ចឹមមាន់ ខាតបង់ទឹកប្រាក់ប្រមាណ២០ម៉ឺនដុល្លារ
កសិដ្ឋានចិញ្ចឹមមាន់ដ៏ធំមួយកន្លែងត្រូវបានអគ្គិភ័យឆាបឆេះគ្មានសល់ ដោយបានបំផ្លាញទ្រព្យសម្បត្តិអស់ប្រមាណ២០ម៉ឺនដុល្លារ។
ហេតុការណ៍នេះបានកើតឡើង នាថ្ងៃទី ១៣ ខែកុម្ភ: ឆ្នាំ២០២៤ វេលាម៉ោង ៤ទៀបភ្លឺ ដោយមានករណីអគ្គិភ័យមួយកើតឡើងនៅចំណុចក្រុមទី១៤ ភូមិបត់សាលា ឃុំឈើទាល ស្រុកបាណន់ ខេត្តបាត់ដំបង ដោយអគ្គិភ័យបានឆាបឆេះរោងកសិដ្ឋានចិញ្ចឹមមាន់របស់ឈ្មោះ ឌិប ផាឌីន ភេទប្រុស អាយុ ៤២ ឆ្នាំរស់នៅកន្លែងកើតហេតុខាងលើ ។
បើតាមការរៀបរាប់ពីម្ចាស់កសិដ្ឋាន បញ្ជាក់ប្រាប់សមត្ថកិច្ចថា ករណីនេះបណ្តាលឱ្យខូចខាតដូចជា ឆេះរថយន្តចំនួន ២ គ្រឿង ម៉ូតូចំនួន ៣ គ្រឿង រោងមាន់ធ្វើអំពីឈើប្រក់ស័ង្កសីចំនួន ២ ខ្នង ដែលមួយខ្នងៗ មានទំហំ ៨ គុណ ៦០ ម៉ែត្រ រោងដាក់ឡានចំនួន ១ ខ្នង ទំហំ ១៥ គុណ ១២ ម៉ែត្រ ងាប់មាន់ពីរោង សរុប ១២.០០០ ក្បាល និងសម្ភារៈប្រើប្រាស់មួយចំនួនធំ សរុបការខូចខាតគិតជាទឹកប្រាក់ប្រហែល ២០ ម៉ឺនដុល្លាអាមេរិក។
បើតាមម្ចាស់កសិដ្ឋាន មូលហេតុដែលបណ្ដាលឱ្យកើតមានអគ្គិភ័យនេះ ដោយសារឆេះប្រពន័្ធហ្គាសកំដៅពងមាន់។ បើទោះបីជារថយន្តរបស់អធិការដ្ឋាន រួមនិងរថយន្តរបស់ស្នងការដ្ឋានជាច្រើនគ្រឿង ចេញប្រតិបត្តិការយ៉ាងណាក៏ដោយ ក៏បានត្រឹមតែបាញ់ទប់ស្កាត់កុំឱ្យរាលដាលដល់ផ្ទះប្រជាពលរដ្ឋតែប៉ុណ្ណោះ ឯទីតាំងខាងលើត្រូវបានឆេះទាំងស្រុង ៕
អត្ថបទ ៖ សោ និយមរ័ត្ន
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»