ព័ត៌មានជាតិ
កសិករនៅភូមិកោះខនឌិន ដាំដំណាំប៉ិកួៈ ធ្វើជាភូមិមួយផលិតផលមួយប្រចាំរដូវ
កសិករនៅភូមិកោះខនឌិន សង្កាត់សាមគ្គី ក្រុងស្ទឹងត្រែង បាននាំគ្នាដាំដំណាំប៉ិកួៈដើម្បីលើកស្ទួយដំណាំកសិកម្មមួយមុខនេះ ធ្វើជាភូមិមួយមានផលិតផលមួយប្រចាំរដូវ បន្ទាប់ពីពួកកាត់បានផ្តល់បច្ចេកទេស និងបទពិសោធន៍ឱ្យគ្នាទៅវិញទៅមក។
លោកស្រី ហេង ធឿន សមាជិកគណៈកម្មការក្រុមកសិកម្មប្រចាំភូមិបានបញ្ជាក់ថា ចាប់ពីខែតុលាដល់ខែមករា កសិករនៅភូមិនេះ តែងតែនាំគ្នាដាំដំណាំរយៈពេលខ្លី នៅតាមដងទន្លេសេកុង ទទួលបានផលកសិកម្មច្រើនប្រភេទសម្រាប់នាំចេញទៅកាន់ទីផ្សារ។
លោកស្រីថា ផ្ទៃដីនៅតាមតំបន់វាលទំនាបអំណោយផលទៅលើដំណាំ (ប្រភេទមើម)ដូចជា ប៉ិកួៈ-ដំឡូងជ្វា- សណ្តែកដី – ដាំបានផលច្រើនចំណាយទុនតិច។ ចំណែកដំណាំយកផ្លែដូចជា ពោត- សណ្តែក -ឳឡឹក- ត្រសក់- ល្ពៅ- ត្រឡាច ត្រូវការថែទាំនិងចំណាយទុនច្រើន ។
លោក សាន ប៊ន កសិករដាំប៉ិកួៈបានកត់សំគាល់ថា នៅឆ្នាំនេះមានភ្លៀងច្រើន តែទឹកជំនន់ទន្លេមេគង្គ និងសេសានមិនបានឡើងលិចទេ ស្ថានភាពល្អបែបនេះបានបង្កលទ្ធភាពសម្រាប់កសិករដាំដំណាំកសិកម្មនៅរដូវរំហើយ បានចាប់ផ្តើមពីដើមរដូវទៅ។ លោកសុំឱ្យកសិករយើងផ្លាស់ប្តូរទំលាប់នៃការដាំដុះ ដូចជាការជ្រើសរើសយកគ្រាប់ពូជដំណាំមានរយៈពេលខ្លី ធ្វើឱ្យស្របទៅតាមអាកាសធាតុប្រែប្រួល ដើម្បីកាត់បន្ថយនៅបញ្ហាប្រឈម និងអាចទទួលបានទិន្នផលខ្ពស់។
លោកស្រី ឃៀគ ទូច នៅភូមិនេះដែរបានបញ្ជាក់ថា កសិករនៅភូមិកោះខនឌិន តែងបានសិក្សាយកបទពិសោធន៍ពីគ្នាទៅវិញទៅមកក្នុងការធ្វើការងារកសិកម្មនេះ ទោះបីកន្លងមក ធ្លាប់ទទួលបានការបណ្តុះបណ្តាលពីមន្ត្រីជំនាញកសិកម្ម និងអង្គការដៃគូរួចមកហើយក៍ដោយ ។
លោកស្រីអះអាងថា ប៉ុន្មានឆ្នាំកន្លងមកនេះកសិករផលិតបានផលកសិកម្មច្រើនប្រភេទ តែភាពលំបាកនោះ គឺបញ្ហាទីផ្សារលក់ដូរ ស្របពេលបច្ចុប្បន្ននេះ ប្រទេសកម្ពុជាយើងរងផលប៉ះពាល់ពីជំងឺកូវីដ១៩ ផង។
សូមបញ្ជាក់ថា កសិករនៅភូមិកោះខនឌិនដាំដំណាំ(ប៉ិកួៈ)សម្រេចបានជាង៩០%ហើយ នៅលើផ្ទៃដីជាង៣០ហិកតា តែពួកគាត់បារម្ភនៅពេលប្រមូលផល ព្រោះឆ្នាំ២០២១នេះ ពុំទាន់មានអ្នកទាក់ទងមកបញ្ជាទិញដូចឆ្នាំកន្លងមកទេ៕
អត្ថបទ៖ ងិនលីម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ