ព័ត៌មានជាតិ
ចាប់បានហើយ ករណីឃាតកម្មក្នុងព្រៃ ជនដៃដល់ប្រាប់ថាជនរងគ្រោះចេះអំពើអាបធ្មប់ ទើបស្ទាក់សម្លាប់ចោល
បក្ខពួកចំនួន៣នាក់ដែលបានសម្លាប់បុរសម្នាក់នៅកណ្ដាលព្រៃស្ងាត់ កាលពីថ្ងៃទី៣១ ខែតុលា ឆ្នាំ២០២១កន្លងមកនេះ ក្រោមការស៊ើបអង្កេតស្រាវជាវរបស់ការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តស្ទឹងត្រែង និងអធិការដ្ឋានស្រុកបុរីអូរស្វាយសែនជ័យ បានឈានដល់ការឃាត់ខ្លួនបុរសម្នាក់ ពាក់ព័ន្ធក្នុងករណីឃាតកម្មគិតទុកជាមុន។
ក្នុងចំណោមបក្ខពួក៣នាក់ ម្នាក់ត្រូវបានឃាត់ខ្លួនកាលពីវាលាម៉ោង១៥និង៤០នាទីរសៀល ថ្ងៃទី០៥ ខែវិច្ឆិកា ឆ្នាំ២០២១ត្រង់ចំណុចភូមិសាស្ត្រភ្នំកំបោរ តាមដងទន្លេមេគង្គ ឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង។
លោកវីរសេនីយ៍ឯក វ៉ា សុផាន់ ស្នងការរងទទួលផែនព្រហ្មទណ្ឌ បានឲ្យដឹងថា ជនសង្ស័យទាំង៣នាក់មាន១,ឈ្មោះ ធា សុភា ភេទប្រុសអាយុ២៤ឆ្នាំ (ចាប់ខ្លួន) ទី២,ឈ្មោះ លៀង ស៊ីដា ប្រុសអាយុ២៨ឆ្នាំ ជនសង្ស័យទាំង២នាក់រស់នៅភូមិកោះហិប ឃុំកោះស្នែង ស្រុកបុរីអូរស្វាយសែនជ័យ ខេត្តស្ទឹងត្រែង និង៣,ឈ្មោះ សា សីហា ភេទប្រុសអាយុ២៨ឆ្នាំ ជនជាតិខ្មែរ រស់នៅភូមិកោះកី ឃុំកោះស្នែង ស្រុកបុរីអូរស្វាយសែនជ័យ ខេត្តស្ទឹងត្រែង។
លោកស្នងការរងបានបន្តថា ក្រោយឃាតកម្មកម្លាំងសមត្ថកិច្ចបានស្រាវជ្រាវកំណត់មុខសញ្ញាត្រឹមត្រូវ ឈានដល់ការឃាត់ខ្លួនបានម្នាក់ឈ្មោះ ធា សុភា នៅចំណុចភូមិសាស្ត្រខាងលើ យកមកឲ្យធ្វើត្រាប់ នឹងបញ្ជូនខ្លួនមកស្នងការដ្ឋាននគរបាលខេត្តធ្វើការសាកសួរ។ ដោយឡែកនៅសល់ពីរនាក់ទៀតកំពុងគេចខ្លួនប៉ុន្តែកម្លាំងសមត្ថកិច្ចកំពុងពង្រាយនិងស្វែងរកមុខសញ្ញាដើម្បីចាប់ខ្លួនយកមកផ្ដន្ទាទោសតាមផ្លូវច្បាប់។
ជនសង្ស័យឈ្មោះ ធា សុភា បានឆ្លើយសារភាពថា មូលហេតុដែលនាំឲ្យកើតមានអំពើឃាតកម្ម គឺដោយសារពួកខ្លួនទាំង៣នាក់មានគំនុំ ចោទប្រកាន់លើជនរងគ្រោះចេះធ្វើអំពើធ្មប់អាប និងបានធ្វើឲ្យឪពុករបស់ពួកខ្លួនស្លាប់ទើបពួកគេសម្រេចចិត្តពួនស្ទាក់វាយសម្លាប់ចោលតែម្ដង។
បច្ចុប្បន្នជនសង្ស័យម្នាក់ដែលត្រូវបានសមត្ថកិច្ចឃាត់ខ្លួននឹងត្រូវរៀបចំកំណត់ហេតុកសាងសំណុំរឿងបញ្ជូនខ្លួនទៅកាន់តុលាការនារសៀលថ្ងៃនេះ ដើម្បីចាត់ការតាមនីតិវិធី៕
អត្ថបទ៖ ងិនលីម
-
កីឡា៣ ថ្ងៃ agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ៤ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានអន្ដរជាតិ១ សប្តាហ៍ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ១ ថ្ងៃ agoប្រធានមន្ទីររៀបចំដែនដី ៖ កំណែទម្រង់ថ្មី ការស្នើសុំបណ្ណកម្មសិទ្ធិនៅភ្នំពេញ ចំណាយពេលត្រឹម ១ ខែប៉ុណ្ណោះ
-
ព័ត៌មានអន្ដរជាតិ១២ ម៉ោង agoសេតវិមានអះអាងថា អ៊ីរ៉ង់នៅតែចង់ធ្វើកិច្ចព្រមព្រៀងជាមួយអាមេរិក ទោះកំពុងវាយគ្នាក៏ដោយ
-
ព័ត៌មានអន្ដរជាតិ៧ ម៉ោង agoអស្ចារ្យ! FIFA នឹងផ្តល់រង្វាន់ ចិញ្ចៀនមាសដាំពេជ្រ បន្ថែមពីលើមេដាយ និងពាន ដល់ក្រុមជើងឯក World Cup 2026
-
ព័ត៌មានជាតិ៣ ថ្ងៃ agoយន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤
-
កីឡា១២ ម៉ោង agoកីឡាការិនីកម្ពុជា ២ ក្រុម ឈានដល់វគ្គពាក់កណ្តាលផ្តាច់ព្រ័ត្រពានអន្តរជាតិ