ព័ត៌មានជាតិ

ថ្នាំញៀនជិត១គីឡូ ត្រូវសមត្ថកិច្ចស្រុកកំរៀង ដកហូតបានរួម និងមុខសញ្ញា២នាក

បានផុស

៥ years មុន

នៅ

ថ្ងៃសៅរ៍ ៦ វិច្ឆិកា ២០២១

ដោយ

ជនសង្ស័យចំនួន ២ នាក់ ត្រូវកម្លាំងអធិការដ្ឋាននគរបាលស្រុកកំរៀង ឃាត់ខ្លួនរួមជាមួយនិងថ្នាំញៀនជិត ១kg ផងដែរ នៅក្នុងបទល្មើសជាក់ស្តែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ទោ វេ គឹមចត់ អធិការនគរបាលស្រុកកំរៀង បានបញ្ជាក់ថា ក្រោយពីទទួលបាននូវសេចក្តីរាយការណ៍មួយ ពាក់ព័ន្ធនិងករណីជួញដូរគ្រឿងញៀនរួចមក លោកបានចាត់តាំងកម្លាំង ដែលដឹកនាំដោយលោកវរសេនីយ៍ត្រី ង៉ែត វណ្ណា និងបានចេញប្រតិបត្តិការនា ថ្ងៃទី០៥ ខែវិច្ឆិកា ឆ្នាំ២០២១ វេលាម៉ោង១៧ :០០នាទី នៅចំណុចក្រុមទី៥ ភូមិ ស្វាយធំ ឃុំបឹងរាំង ស្រុកកំរៀង ខេត្តបាត់ដំបង។

លោកអធិការបានបន្តថា នៅក្នុងកិច្ចប្រតិបត្តិការ កម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកកំរៀង បានបង្ក្រាបករណី រក្សាទុកដោយខុសច្បាប់នូវសារធាតុញៀន ០១ករណីក្នុងបទល្មើសជាក់ស្តែង និងឃាត់ខ្លួនជនសង្ស័យ ១នាក់ ឈ្មោះ លី ស៊ីណា ភេទស្រី អាយុ៣៨ឆ្នាំ មានទីលំនៅ ភូមិដូង ឃុំបឹងរាំង ស្រុកកំរៀង ខេត្តបាត់ដំបង។ វត្ថុតាងដែលដកហូតបានរួមមាន: ថ្នាំញៀនប្រភេទម៉ាទឹកកក ចំនួន៥ថង់ ទូរស័ព្ទដៃចំនួន១គ្រឿង(ចាស់)។

តាមចម្លើយសារភាពរបស់ជនសង្ស័យឈ្មោះលី ស៊ីណា និងដោយមានការអនុញ្ញាតពីឯកឧត្តម កែវ សុជាតិ ព្រះរាជអាជ្ញានៃអយ្យកា អមសាលាដំបូងខេត្តបាត់ដំបង កម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកកំរៀង បានប្រតិបត្តិការ រហូតឃាត់ខ្លួនជនសង្ស័យម្នាក់ទៀតនៅថ្ងៃទី០៥ ខែវិច្ឆិកា ឆ្នាំ២០២១ វេលាម៉ោង១៧:៣០នាទី នៅចំណុចក្រុមទី២ភូមិត្រាង ឃុំត្រាង ស្រុកកំរៀង ខេត្តបាត់ដំបង ជនសង្ស័យមានឈ្មោះ ស៊ុន ផៃ ហៅថៃ ភេទប្រុស អាយុ៥៩ឆ្នាំ រស់នៅភូមិត្រាង ឃុំត្រាង ស្រុកកំរៀង ខេត្តបាត់ដំបង។ វត្ថុតាងឆែកឆេរបានរួមមាន៖ ថ្នាំញៀនប្រភេទម៉ាទឹកកក ចំនួន៤ថង់ សរុបថ្នាំញៀនប្រមាណ ជិត ១kg ថ្នាំញៀនប្រភេទយ៉ាម៉ាចំនួន១,៥គ្រាប់ ជញ្ជីងសម្រាប់ថ្លឹងថ្នាំញៀនចំនួន២គ្រឿង ថង់សម្រាប់វេចខ្ចប់ថ្នាំញៀនមួយចំនួននិង ទូរស័ព្ទដៃចំនួន១គ្រឿង (ចាស់) ទម្ងន់ថ្នាំញៀនសរុបមាន៥៨៤,៨៧g។ បច្ចុប្បន្ន ជនសង្ស័យបានរៀបចំបញ្ជូនទៅស្នងការដ្ឋាននគរបាលខេត្តបាត់ដំបង ចាត់ការតាមនីតិវិធី៕

អត្ថបទ៖ សោ និយមរ័ត្ន

Related Topics:ខេត្តបាត់ដំបង