Connect with us

ព័ត៌មានជាតិ

ខេត្ត​ស្វាយ​រៀង​អបអរសាទរខួបអនុស្សាវរីយ៍លើកទី៦៨ នៃទិវាបុណ្យឯករាជ្យជាតិ ៩វិច្ឆិកា

បានផុស

នៅ

នាព្រឹកថ្ងៃទី០៩​ ខែ​វិច្ឆិកា​ ឆ្នាំ២០២១ ឯកឧត្តម ជុំ​ ហាត​ ប្រធានក្រុមប្រឹក្សាខេត្ត និង​ឯកឧត្តម​ ម៉ែន​ វិបុល​ អភិបាលខេត្ត បាន​អញ្ជើញ​ចូល​រួម​ជា​អធិបតី​ក្នុង​ពិធី​មីទ្ទិញ​អបអរសាទរ​ខួប​អនុស្សាវរីយ៍​លើក​ទី​៦៨ នៃ​ទិវាបុណ្យឯករាជ្យជាតិ ៩វិច្ឆិកា (៩ វិច្ឆិកា ១៩៥៣ – ៩ វិច្ឆិកា ២០២១) និង​ទិវា​កំណើត​ នៃ​កងយោ​ធពល​ខេមរភូមិន្ទ ឆ្នាំ២០២១ នៅ​រង្វង់​មូល​វិមាន​ឯករាជ្យ ក្រុង​ស្វាយ​រៀង ខេត្ត​ស្វាយរៀង​ ដោយ​មាន​ការ​អញ្ជើញចូលរួមពី ឯកឧត្តម លោកជំទាវ សមាជិក សមាជិកា​ក្រុម​ប្រឹក្សាខេត្ត ឯកឧត្តម លោកជំទាវ អភិបាលរងខេត្ត លោក លោកស្រី ឧត្ដមសេនីយ៍ វរសេនីយ៍ ស្នងការ ស្នង​ការ​រង​នគរបាលខេត្ត មេបញ្ជាការ មេបញ្ជាការរងតំបន់ប្រតិបតិ្តការសឹករងស្វាយរៀង និង​កងរាជ​អាវុធ​ហត្ថខេត្ត លោក លោកស្រី ប្រធានមន្ទីអង្គភាពនានាជុំវិញខេត្ត ថ្នាក់ដឹកនាំ និង​មន្ត្រី​រាជ​ការ​នៃ​រដ្ឋបាលក្រុងស្វាយរៀង មន្រ្តីរាជការ កងកម្លាំងប្រដាប់អាវុធទាំង ៣ប្រភេទ ចូលរួមប្រមាណ ៣០០​នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិវាប្រកបដោយអត្ថន័យនេះគឺជាការរំលឹកខួបអនុស្សាវរីយ៍លើកទី៦៨ នៃទិវាបុណ្យឯករាជ្យជាតិ ដែល​ជាព្រឹត្តិការណ៍ប្រវត្តិសាស្ត្រមួយដ៏សំខាន់នៅថ្ងៃនេះ បាន​ឆ្លុះ​បញ្ចាំង​ឲ្យ​កាន់​តែ​ច្បាស់​អំពី​ការ​រំដោះប្រទេសឲ្យរួចផុតពីរបបអាណានិគមនិយមបារាំង ហើយទិវាបុណ្យឯករាជ្យជាតិឆ្នាំនេះ ស្ថិត​ក្នុង​ដំណាក់​កាល​ដែល​ប្រទេស​ជាតិក្រោមការដឹកនាំប្រកបដោយ​គតិបណ្ឌិតរបស់សម្ដេច​អគ្គមហា​សេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បាននិង​កំពុង​មាន​ការ​អភិវឌ្ឍ​រីក​ចម្រើនលើគ្រប់វិស័យ ជាមួយនិងការរីកលូតលាស់នៃលទ្ធិប្រជាធិបតេយ្យ ក្នុងសុខ​សន្តិភាព និងសុវត្ថិភាព សណ្ដាប់ធ្នាប់សង្គមល្អប្រសើរ។

ក្នុងអង្គពិធីទាំងមូល សូមសម្ដែងនូវកត្តញ្ញុតាធម៌ និងដឹងគុណយ៉ាងជ្រាលជ្រៅបំផុតថ្វាយ ព្រះ​ករុណា ព្រះបាទ នរោត្ដម សីហនុ អតីតព្រះមហាវីរក្សត្រ ព្រះវររាជបិតាឯករាជជាតិ បូរណភាពទឹកដី និង​ឯកភាពជាតិខ្មែរ ព្រះបរមរតនកោដ្ឋ ដែលព្រះអង្គបានបូជាព្រះកាយពល និងព្រះ​បញ្ញាញាណ​ជម្នះ​គ្រប់ឧបសគ្គ ដើម្បីនាំមកនូវសន្តិភាព ការផ្សះផ្សរជាតិ ភាពចម្រុងចម្រើន និង​កិត្តិយស​ដល់​មាតុភូមិ និង​ប្រជារាស្រ្តខ្មែរ៕

អត្ថបទ​:ភក្ដី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម