Connect with us

ព័ត៌មានជាតិ

លោកតាអាចារ្យពីរនាក់បញ្ជាក់ពីប្រវត្តិដើមផ្ការាំងភ្នំ ដែលគេច្រើនដាំនៅក្នុងវត្ត

បានផុស

នៅ

មានការ​លើកឡើង​និង​ចម្ងល់​គ្រប់ៗ​គ្នា​ អំពីដើម​ផ្ការាំងភ្នំ ដែល​គេ​ច្រើន​ឃើញ​ដុះ​នៅតាមទីវត្តអារាម​នានា ក្នុងប្រទេស​កម្ពុជា​។​

តាម​ការបញ្ជាក់ពីតាអាចារ្យ ឈិត សារិន នៅវត្តពាម​មង្គល ក្នុងឃុំ​រកា​កោង​ទី១ ស្រុក​មុខកំពូល ខេត្ត​កណ្ដាល បាន​ឲ្យ​ដឹងថា ដើម​ផ្ការាំងភ្នំនេះមាន​ដុះ​គ្រប់​វត្តអារាម ដែល​គេ​យកមក​ដាំតគ្នា ហើយ​នៅវត្ត​យើង នេះ​ក៏បាន​យកមក​ដាំ​បន្ត​ពី​វត្ត​ឧណ្ណាលោម​ដែរ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកលោកតា ជា ប៉ិច ​វិញ​បាន​និយាយ​បញ្ជាក់ពីដើម​ផ្ការាំងភ្នំ​នេះ​ថា គឺ​ដោយសារតែ​មានរឿង​មួយទាក់​ទង​ទៅនឹងរឿង​ពុទ្ធប្រវត្តិ ​ដែលព្រះអង្គបានប្រសូត្រ​ក៏​នៅដើម​ផ្ការាំងភ្នំ និង​ត្រាស់ដឹង ឬ​ចូលនិព្វាន ក៏នៅ ដើម​ផ្ការាំងភ្នំ នេះដែរ​។​ តាម​កា​របញ្ជាក់ថា ដើម​ផ្ការាំងភ្នំនេះ​បាន​យកមក​ដាំ​ស្រុក​ខ្មែរ​មក​ពី​ប្រទេស​ឥណ្ឌា​ទើប​គេ​ឃើញ​មកដល់ពេលនេះ​ ដើម​ផ្ការាំងភ្នំ​ច្រើនតែ​ដុះ​តែ​នៅតាមវត្ត ដែលជា​និមិត្តរូប​មួយ​បញ្ជាក់ថា ព្រះពុទ្ធ​សមណ​:​គោត្ត​ម​នៃ​យើង​លោក​បាន​(​ត្រាស់ដឹង​)​ហើយ​។​

តាម​ការបកស្រាយពី​លោកអាចារ្យ ជា​ ប៉ិ​ច បាន​ប្រាប់ថា មូលហេតុ​ដែល​គេ​ច្រើន​យក​ដើម​ផ្ការាំងភ្នំ​នេះ​មក​ដាំ​នៅតាមវត្ត ក៏​ដោយសារ​មានរឿង​ទាក់ទង​ទៅនឹងរឿង​ពុទ្ធប្រវត្តិ កាលពី​ជំនាន់ព្រះ​ដែលមាន​ព្រះនាម​ថា​ព្រះសុធ័ទ្ធ​ ដែលជាព្រះនាម​នៅ​វ័យ​កុមារ ដែល​ព្រះអង្គ​មិនទាន់បាន​ត្រាស់ដឹង​ជា​ព្រះពុទ្ធ​នៅឡើយ​។​លោកតា​បញ្ជាក់ទៀតថា​ កាលពី​ជំនាន់​ព្រះ​មានរឿង​ដំណាល​ថា ព្រះ​នាង សិរិ​មហាមាយា ដែលជាព្រះ​មាតា របស់​ព្រះ​សុ​ធ័​ទ្ធ​ បាន​ប្រសូត្រ​ព្រះអង្គ​នៅក្រោម​ដើម​រាំងភ្នំ​នេះ ពេលដែល​ព្រះ​នាង​ទៅ​កម្សាន្ត​ព្រៃ ក្រោយមក​ក៏បាន​ប្រសូត្រ ព្រះ​សុ​ធ័​ទ្ធ​ នៅក្នុង​ព្រៃ លំបរវ័ន ដែលពាក់កណ្ដាល​ជានគរ​ព្រះ​បិតាក្មេក និង ពាក់កណ្ដាល ជានគរ​បិតាបង្កើត ហើយព្រះ​នាង​សិរិ​មហាមាយា បានប្រសូត្រ​ព្រះ​សុ​ធ័​ទ្ធ ឈ​តោងដើម​រាំង​ផ្ការាំងភ្នំ​។ ​ហើយ​ក្នុងពេល​ប្រសូត្រ​ព្រះ​សុ​ធ័​ទ្ធ​មក ឃើញ​មាន​ផ្កាឈូក​ទ្រ​ព្រះអង្គ​យាង​ដើរ​បាន៧ជំហាន​និងលើក​ចង្អុលដៃ​មួយ​ឡើង​ទៅលើ ដែល​បញ្ជាក់​ឲ្យ​ដឹងថា​ អាណា​ចក្រ​នេះ យើង​នឹង​បាន​ត្រាស់ដឹង​ជា​ព្រះពុទ្ធ​ហើយ​។​

លោកតា​អាចារ្យ ឈិ​ត សារិន បញ្ជាក់​ឡើងវិញ​ថា ដើមផ្ការាំងភ្នំ ដែល​គេ​ច្រើន​ឃើញ​ដុះ​នៅតាម​វត្ត គឺ​ដោយ​សារតែ​មានរឿង​ទាក់ទង​ទៅ​នឹង​ការ​ប្រសូត្រ​របស់​ព្រះ​សមណ​:​គោត្ត​ម​នៃ​យើង​។ ហើយ​នៅវត្ត​ពាម​មង្គល យើងនេះ ក៏មាន​ដាំដើម​ផ្ការាំងភ្នំនេះដែរ​។​ យើង​ក៏បាន​យក​ដើម​ផ្កា​នេះ​ពីវត្ត​លង្កាមក​ដាំ​ដែរ ដើម្បី​ធ្វើជា​តំណាង​នៃ​ការ​ប្រសូត្រ​របស់​ព្រះ នៅក្រោម​ដើម​ផ្ការាំងភ្នំ​នេះ៕

អត្ថបទ៖ រុងរឿង​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម