ព័ត៌មានជាតិ
ពលរដ្ឋនៅភូមិពាម ព្រួយបារម្ភអំពីសុវត្ថិភាព បើសិនជាច្រាំងទន្លេ នៅតែបន្តបាក់ទៀតនោះ
ប្រជាពលរដ្ឋ ដែលអាស្រ័យការរកស៊ីធ្វើទឹកត្រី និងលក់ដូរនៅក្បែរមាត់ទេន្ល នាភូមិពាម ឃុំរកាកោងទី ១ ស្រុកមុខកំពូល ខេត្តកណ្ដាល មានក្ដីបារម្ភពីសុវត្ថិភាពផ្ទាល់ខ្លួន បើសិនច្រាំងទន្លេនៅតែបន្តបាក់ទៀតនោះ។
លោក អ៊ីវ ហ៊ីវ ជាអតីតកងទ័ពជំនាន់រដ្ឋកម្ពុជា ដែលពិការជើងម្ខាងអង្គុយលើអង្រឹង បានរៀបរាប់ឲ្យដឹងថា ការព្រួយបារម្ភចេះតែមានហើយ បើច្រាំងទន្លេនៅតែបន្តបាក់ដដែលនោះ។ លោកនិយាយទៀតថា លោករស់នៅទីនេះប្រកបមុខរបរ ធ្វើទឹកត្រីតាំងពីដូនតា គឺជំនាន់លន់ណុលឯណោះ។
លោកបានបញ្ជាក់ថា «ខ្ញុំរស់នៅប្រកបមុខរបរនេះ តាំងពីច្រាំងទន្លេនៅឆ្ងាយម្ល៉េះ រហូតដល់ច្រាំងទន្លេបាក់នៅក្បែរផ្ទះតែម្តង។ ពេលបាក់ច្រាំងលោកថា ខ្ញុំឮសូរសម្លេងតិចតួចប៉ុណ្ណោះ ដែលយើងមិនអាចដឹងបានតែដល់ព្រឹកឡើង ទើបយើងឃើញ ស្នាមប្រេះដីមាត់ច្រាំងទន្លេទៅហើយ»។
លោក អ៊ីវ ហ៊ីវ បាននិយាយទៀតថា ទោះយ៉ាងណារូបលោក មានផ្ទះនៅឯក្រាមត្រៀមហើយដែរ គ្រាន់តែយើងបាត់បង់ការប្រកបមុខរបរ រកស៊ីចិញ្ចឹមជីវិតតែប៉ុណ្ណោះ។
ដោយឡែក ផ្ទះមួយដែលនៅក្បែរច្រាំងទន្លេ ដែលមិនឆ្ងាយពីផ្ទះលោក អ៊ីវ ហ៊ីវ នោះ ហាក់បីដូចជាមានមនុស្សបោះបង់ចោល ដែលប្រពន្ធលោកបញ្ជាក់ប្រាប់ថា ម្ចាស់ផ្ទះដែលបោះបង់ផ្ទះនោះ ព្រោះខ្លាចបាក់ច្រាំងទន្លេបន្តទៀតម្ចាស់ផ្ទះនោះឈ្មោះថា លី ឆៃហេង ប្រកបរបរដឹកឈើឲ្យគេ ដោយសារផ្ទះជិតទំនេរពេក ហើយខ្លាចច្រាំងទន្លេចេះតែបន្តបាក់ ទើបគាត់ពុំហ៊ាននៅផ្ទះនោះទៀតឡើយ។
ជុំវិញបញ្ហាបាក់ច្រាំងទន្លេនេះ លោក មែន ស៊ុ មេឃុំរការកោងទី ១ បានឲ្យដឹងថា ទាក់ទងនិងរឿងបាក់ច្រាំងទន្លេ វាមិនពាក់ព័ន្ធទៅនឹងការបូមខ្សាច់នោះទេ តែវាជាគ្រោះធម្មជាតិ។ រឿងនេះ មានតែថ្នាក់ជាតិទេ ជាអ្នកដោះស្រាយ ចំពោះភូមិឃុំវិញ គ្រាន់តែជួយសម្របសម្រួលតែប៉ុណ្ណោះ ហើយប្រជាជនយើង ក៏មិនត្រូវរស់នៅក្បែរច្រាំងទន្លេនោះទៀតដែរ។
លោកបញ្ជាក់ទៀតថា នៅក្នុងឆ្នាំ ២០២២ខាងមុខនេះ អាជ្ញាធរនឹងមានវិធានការណ៍ ឲ្យប្រជាជនរស់នៅក្បែរច្រាំងទន្លេ ធ្វើការរុះរើចេញដើម្បីសុវត្ថិភាព ព្រោះនៅពេលខាងមុខនេះ និងមានគម្រោងធ្វើផ្លូវបេតុងហើយ។ លោកបន្តថាបើយើងមានផ្លូវ និងមានអ្វីៗទាំងអស់ ព្រោះវាជាក្តីសង្ឃឹមរបស់យើងគ្រប់ៗគ្នា៕
អត្ថបទ៖ រុងរឿង
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ២៣ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ