ព័ត៌មានជាតិ
លោក ថោង ខុន ប្រាប់គណៈអភិបាលរាជធានី ខេត្ត រៀបចំដើម្បីបើកអាជីវកម្មកន្លែងកម្សាន្ត និង KTV ឡើងវិញ
រដ្ឋមន្ត្រីក្រសួងទេសចរណ៍លោក ថោង ខុន តាមរយៈលិខិតចុះថ្ងៃទី១១ ខែវិច្ឆិកា ឆ្នាំ២០២១នេះ បានប្រាប់ឱ្យគណៈអភិបាលរាជធានី ខេត្ត ទាំងអស់ត្រៀមខ្លួន ដើម្បីបើកដំណើរការអាជីវកម្មខារ៉ាអូខេ (KTV) ក្លឹបកម្សាន្ត រង្គសាល ឌីស្កូតែកឡើងវិញ នៅក្រោយថ្ងៃទី៣០ ខែវិច្ឆិកា ឆ្នាំ២០២១។
កាលពីថ្ងៃទី ៨ ខែវិច្ឆិកា ឆ្នាំ២០២១ នៅក្នុងឱកាសសម្ពោធអគារក្រសួងដែនដី នគរូបនីយកម្ម និងសំណង់ សម្តេចតេជោ ហ៊ុន សែន បានប្រាប់ឱ្យអ្នកពាក់ព័ន្ធ តាមដានស្ថានភាព នៃជំងឺកូវីដ-១៩ រហូតដល់ចុងខែវិច្ឆិកា មុននឹងមានការសម្រេចឱ្យអាជីវកម្ម ដែលមានហានិភ័យខ្ពស់ ដូចជា ខារ៉ាអូខេ (KTV) ក្លឹបកម្សាន្ត រង្គសាល ឌីស្កូតែក អាចបើកអាជីវកម្មឡើងវិញ។
បើតាមលោក ថោង ខុន ក្រសួងទេសចរណ៍ កន្លងមកបានដាក់ចេញប្រកាស ស្តីពី ការដាក់ឱ្យអនុវត្តវិធានសុវត្ថិភាពទេសចរណ៍ និងនីតិវិធីប្រតិបត្តិស្តង់ដាអប្បបរមា (SOP) សម្រាប់អាជីវកម្មខារ៉ាអូខេ (KTV) ក្លឹបកម្សាន្ត រង្គសាល ឌីស្កូតែក ដើម្បីទប់ស្កាត់ការរាលដាលនៃជំងឺកូវីដ-១៩ និងដើម្បីត្រៀមរៀបចំបើកដំណើរការអាជីវកម្មឡើងវិញ នៅពេលដែលរាជរដ្ឋាភិបាលអនុញ្ញាតិ នៅក្រោយថ្ងៃទី ៣០ ខែវិច្ឆិកា ឆ្នាំ ២០២១។
ដើម្បីសម្រេចផែនការនេះ លោករដ្ឋមន្ត្រី ថោង ខុន បានធ្វើសេចក្តីណែនាំមួយចំនួនរួមមាន៖
ដំណាក់កាលទី១៖ ការត្រៀមលក្ខណៈមុន នឹងបើកដំណើរការខាងណាវិញ អាជ្ញាធរត្រូវត្រួតពិនិត្យ និងវាយតម្លៃឱ្យបានហ្មត់ចត់នូវការត្រៀមលក្ខណៈសម្បត្តិ សម្បទា និងការអនុវត្តរបស់អាជីវកម្ម មុននឹងសម្រេចអនុញ្ញាតឱ្យបើកដំណើរការ ដោយត្រូវជូនដំណឹងដល់ប្រតិបត្តិករជាមុន ដើម្បីឲ្យប្រតិបត្តិករដាក់ពាក្យស្នើសុំដំណើរការអាជីវកម្ម និងត្រូវបណ្ដុះបណ្ដាលឱ្យបានហ្មត់ចត់ដល់ម្ចាស់អាជីវកម្ម និងបុគ្គលិក នូវវិធានការសុវត្ថិភាពទេសចរណ៍ និងនីតិវិធីប្រតិបត្តិស្តង់ដារអប្បបរមា (SOP) តាមគន្លងប្រក្រតីភាពថ្មីសម្រាប់អាជីវកម្ម ខារ៉ាអូខេ (KTV) ក្លឹបកម្សាន្ត រង្គសាល ឌីស្កូតែក។
ដំណាក់កាលទី២៖ ក្រោយការសម្រេចអនុញ្ញាតឱ្យបើកដំណើរការឡើងវិញ រដ្ឋបាលរាជធានី ខេត្ត ត្រូវរៀបចំយន្តការ ដើម្បីបន្តការត្រួតពិនិត្យជាប្រចាំ និងឱ្យបានហ្មត់ចត់លើការអនុវត្តវិធានសុវត្ថិភាពទេសចរណ៍ និងនីតិវិធីប្រតិបត្តិស្តង់ដារអប្បបរមា តាមគន្លងប្រក្រតីភាពថ្មីសម្រាប់អាជីវកម្ម ក្រោយពេលសម្រេចអនុញ្ញាតឱ្យបើកដំណើរការឡើងវិញ ហើយក្នុងករណីដែលម្ចាស់អាជីវកម្មមិនបានអនុវត្តត្រឹមត្រូវ រដ្ឋបាលរាជធានី ខេត្ត ត្រូវចាត់វិធានការនានាបន្ថែម ដោយតម្រូវឲ្យបិទអាជីវកម្ម និងទទួលខុសត្រូវចំពោះមុខច្បាប់ជាធរមាន។
គួររំលឹកថា ថ្វីត្បិតតែរាជរដ្ឋាភិបាលប្រកាសបើកប្រទេសឡើងវិញ លើគ្រប់វិស័យកាលពីថ្ងៃទី ១ ខែវិច្ឆិកា ក៏ដោយ ប៉ុន្តែដើម្បីបន្តទប់ស្កាត់ និងកាត់បន្ថយអាជីវកម្មដែលមានហានិភ័យខ្ពស់ រដ្ឋបាលរាជធានី-ខេត្ត នៅតែបន្តហាមឃាត់អាជីវកម្មមួយចំនួនដែលដែលមានហានិភ័យខ្ពស់ដដែល។ អស់រយៈពេល១ឆ្នាំ និង៨ ខែជាងហើយ ដែលអាជីវកម្មខារ៉ាអូខេ ក្លឹបកម្សាន្ត និងរង្គសាល ត្រូវបាន រដ្ឋាភិបាលសម្រេចផ្អាកអាជីវកម្ម បន្ទាប់ពីកម្ពុជាបានរកឃើញជំងឺកូវីដ-១៩ ជាបន្តបន្ទាប់។ ទោះជាយ៉ាងណា ពន្លឺនៃការត្រលប់មករកភាពប្រក្រតីតាមគន្លងថ្មី នៃអាជីវកម្មទាំងនេះត្រូវបានបង្ហាញឡើងវិញ បន្ទាប់ពីរាជរដ្ឋាភិបាលសម្រេចបើកប្រទេស កាលពីថ្ងៃទី ១ ខែវិច្ឆិកា កន្លងទៅ ក៏ដូចជាការសម្រេចជោគជ័យក្នុងការចាក់វ៉ាក់សាំងជូនពលរដ្ឋ៕
អត្ថបទ៖ កោះកែវ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»