ព័ត៌មានជាតិ
តំបន់រមណីយដ្ឋានជាច្រើន ក្នុងខេត្តបាត់ដំបង បើកទទួលស្វាគមន៍ ភ្ញៀវទេសចរនាឱកាសបុណ្យអុំទូក
នៅក្នុងឱកាសព្រះរាជពិធីបុណ្យអុំទូក បណ្ដែតប្រទីប អកអំបុក និងសំពះព្រះខែ នាថ្ងៃទី១៨ ខែវិច្ឆិកា ឆ្នាំ២០២១ នេះ តាមតំបន់រមណីយដ្ឋានជាច្រើនក្នុងខេត្តបាត់ដំបង ត្រូវបានអនុញ្ញាតអោយបើកដំណើរការ ស្វាគមន៍ទទួលភ្ញៀវទេសចរឡើងវិញ បន្ទាប់ពីបានបិទលែងដំណើរការមួយរយៈធំកន្លងទៅនេះ។
រមណីយដ្ឋានទេសចរណ៍ និងគោលដៅទេសចរណ៍នានា ក្នុងខេត្តបាត់ដំបង ដែលកំពុងទាក់ទាញភ្ញៀវទេសចរណ៍នោះគឺ រមណីយដ្ឋាន ប្រាសាទបាណន់ រមណីយដ្ឋានភ្នំសំពៅ រមណីយដ្ឋាន ប្រាសាទឯកភ្នំ រមណីយដ្ឋានអាងកំពីងពួយ រមណីយដ្ឋានចម្ការស្វាយ រមណីយដ្ឋាន ស្ទឹងថ្មដាចម្ការធុរេន រមណីយដ្ឋាន ទឹកធ្លាក់៥៣ភ្នំព្រឹក រមណីយដ្ឋាន នគរជុំភ្នំព្រឹក រមណីយដ្ឋាន ភ្នំកំពូល រមណីយដ្ឋានចម្ការធុរេនអូរតង រមណីយដ្ឋាន វាលចម្បាំង ខេមសាយ សហគមន៍អេកូទេសចរណ៍ទឹកធ្លាក់អូរជាំ សហគមន៍អេកូទេសចរណ៍ព្រែកទាល់មណ្ឌលកម្សាន្ត ឡូរីជើងភ្នំបាណន់ រមណីយដ្ឋានស្ទឹងក្រញូង គោលដៅទេសចរណ៍ ស្ទឹងថ្វាក រមណីយដ្ឋាន ចម្ការមៀន គោលដៅទេសចរណ៍ វត្តភ្នំចំបាំង មណ្ឌលកម្សាន្ត សួនទឹកសុភមង្គលផ្ទះផ្កា Begonia សួនផ្កា ច្បាមាត់ស្ទឹង សួនផ្កា ភ្នំសំពៅ សួនផ្កាឈើទាល និង គោលដៅទេសចរណ៍នានាក្នុងខេត្តមួយចំនួនទៀត។ នៅក្នុងឱកាសថ្ងៃបុណ្យនេះដែរ គេសង្កេតឃើញមានចំនួនភ្ញៀវទេសចរដែលមកកម្សាន្តសរុបមានចំនួន ៦.៩៧៩ នាក់។
លោក អ៊ុច អ៊ុំភីនីស្សារ៉ា ប្រធានមន្ទីរទេសចរណ៍បានបញ្ជាក់ថា ម្ចាស់រមណីយដ្ឋានទេសចរណ៍ក្នុងខេត្ត បានចូលរួមអនុវត្តយ៉ាងយកចិត្តទុកដាក់តាមវិធានសុវត្តិភាពទេសចរណ៍ និងនីតិវិធីប្រតិបត្តិស្ដង់ដាជាអប្បបរមា (SOP) តាមគន្លងក្រតីភាពថ្មី។
ដោយលោកបានសង្កត់ធ្ងន់ថា ម្ចាស់រមណីយដ្ឋានទេសចរណ៍ក្នុងខេត្ត បានចូលរួមអនុវត្តតាមការណែនាំរបស់រាជរដ្ឋាភិបាល និងក្រសួងសុខាភិបាល ដោយតម្រូវអោយបុគ្គលិកពាក់ម៉ាស់ រង់ចាំវាស់កម្តៅភ្ញៀវ បាញ់អាល់កុលជូនភ្ញៀវ និងការរក្សាគម្លាតសុវត្ថិភាព។ ដោយក្នុងនោះ ប្រជាពលរដ្ឋ និងអ្នកទេសចរមានការយល់ដឹងច្រើន និងចូលរួមអនុវត្ត ការពារខ្លួនពីជំងឺកូវីដ ១៩ ៕
អត្ថបទ៖ សោ និយមរ័ត្ន
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ