ព័ត៌មានជាតិ
បេក្ខជនជាង ១៤ ម៉ឺននាក់ ប្រឡងជាប់ឌីប្លូម គិតជាភាគរយជាង ៩៥%
ក្រសួងអប់រំ យុវជន និងកីឡាបានប្រកាសនៅថ្ងៃទី ២៤ ខែវិច្ឆិកានេះថា ឆ្នាំនេះ មានបេក្ខជនប្រឡងសញ្ញាបត្រ មធ្យមសិក្សាបឋមភូមិ ឬឌីប្លូម ប្រឡងជាប់ចំនួនជាង១៤ ម៉ឺននាក់ (១៤១០៥៦) ស្មើនឹង ៩៥,៩៧ ភាគរយស្រី ៧៧ ៤៩៥ ស្មើនឹង ៩៧,២៩ភាគរយ។
យោងតាមសេចក្តីប្រកាសព័ត៌មានរបស់ក្រសួងអប់រំ យុវជន និងកីឡាបានឱ្យដឹងថា ការប្រឡងសញ្ញាបត្រ មធ្យមសិក្សាបឋមភូមិ សម័យប្រឡង ១៥ វិច្ឆិកា ២០២១ មានមណ្ឌលប្រឡងសរុប ១ ៧១៧ មណ្ឌល និងបន្ទប់សរុប ៧ ០៦៧ បន្ទប់។
បេក្ខជនបានចុះឈ្មោះប្រឡងសរុប ១៥៤ ៨៩៩ នាក់ ស្រី ៨៣ ៨២៣ នាក់ បេក្ខជនបាន មកប្រឡងសរុប ១៤៥ ៦៦៨ នាក់ ស្រី ៧៩,០៥៦ នាក់ និងបេក្ខជនអវត្តមានសរុប ៩,២០២ នាក់ ស្មើនឹង ៦,៣១ភាគរយ ស្រី ៤ ៧២៦ នាក់ ស្មើនឹង ៥,៩៧ភាគរយ។ បេក្ខជនប្រឡងជាប់សរុប ១៤១០៥៦ នាក់ ស្មើនឹង ៩៥,៩៧ភាគរយ ស្រី ៧៧ ៤៩៥ ស្មើនឹង ៩៧,២៩ភាគរយ។
ក្រសួងបានបន្តថា ជារួមការប្រឡងសញ្ញាបត្រមធ្យមសិក្សាបឋមភូមិ សម័យប្រឡង៖ ១៥ វិច្ឆិកា ២០២១ បាន ប្រព្រឹត្តទៅដោយរលូនតាមគោលការណ៍ច្បាប់យុត្តិធម៌ តម្លាភាព និងប្រកបដោយសុវត្ថិភាព និងសណ្តាប់ធ្នាប់ ក្រោមការយកចិត្តទុកដាក់ពីប្រមុខរាជរដ្ឋាភិបាល ក្រសួងអប់រំ យុវជន និងកីឡា ក្រសួងសុខាភិបាល គណៈអភិបាលរាជធានី ខេត្ត ក៏ដូចជាការខិតខំប្រឹងប្រែង និងការដឹកនាំ ផ្ទាល់របស់ថ្នាក់ដឹកនាំ និងមន្ត្រីជំនាញ របស់មន្ទីរអប់រំ យុវជន និងកីឡារាជធានី ខេត្ត និងនាយក នាយិកាគ្រឹះស្ថានសិក្សានីមួយៗទាំងការរៀបចំយន្តការ រដ្ឋបាល-បច្ចេកទេស សន្តិសុខ សុវត្ថិភាព និងសុខភាព ព្រមទាំងការអនុវត្តភារកិច្ចរបស់គណៈមេប្រយោគ និងគណៈកម្មការនានា ប្រកបដោយភាពម៉ត់ចត់ និងដោយស្មារតីទទួលខុសត្រូវខ្ពស់ រួមទាំងការចូលរួមអនុវត្តបានល្អនូវ បទប្បញ្ញត្តិ និងកម្រិតវិន័យពីសំណាក់បេក្ខជនប្រឡង។
ក្នុងចំណោមបេកជនប្រឡងជាប់ចំនួន១៤១០៥៦ នាក់ក្នុងនោះនៅមណ្ឌលប្រឡងភ្នំពេញមានបេក្ខជនប្រឡងជាប់ឌីប្លូម សរុប១៣៧០៩ នាក់ ស្រី៧១៨៦ នាក់ស្មើនឹង៩៤,៥១ភាគរយ ស្រី ៩៥,៨៤ភាគរយក្នុងចំណោមបេក្ខជនមកប្រឡងសរុប១៤៥០៦នាក់ ស្រី ៧៤៩៨នាក់។
នៅឆ្នាំមុនទោះបីជាក្រសួងអប់រំយុវជននិងកីឡាបានរៀបចំការប្រឡងក៏ដោយក៏ក្រសួងបានសម្រេចឱ្យបេក្ខជនដែលបានដាក់ពាក្យប្រឡងឱ្យជាប់ទាំអស់គ្នាដោយស្វ័យប្រវត្តិដោយមិនមានអ្នកធ្លាក់ឡើយ៕
អត្ថបទៈ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង