រដ្ឋមន្ត្រី​ចុះ​ប្រើ​ធម៌ក្ដៅ​ ដកហូត​ដីលិចទឹក​ជាង ១ ពាន់​ហិកតា​ដាក់​ជាសម្បត្តិរដ្ឋ​វិញ នៅ​ខេត្ត​កំពង់​ឆ្នាំង​

បន្ទាប់ពីក្រុមការងារ អន្តរក្រសួងថ្នាក់ជាតិដឹកនាំដោយលោកឧបនាយករដ្ឋមន្ត្រី ជា សុផារ៉ា ចុះពិនិត្យ​តំបន់លិខិតគោកព្រះ នៅព្រឹកថ្ងៃទី ២៩ ខែវិច្ឆិកា ឆ្នាំ២០២១រួចមក កងកម្លាំងចម្រុះរបស់គណ​បញ្ជា​ការ​ឯកភាពរដ្ឋបាលខេត្តកំពង់ឆ្នាំង ប្រមាណ ២០០ នាក់ ដឹកនាំដោយលោក សាន់ យូ អភិបាល​រង​ខេត្ត​កំពង់ឆ្នាំង បានចុះដកបង្គោលចេញពីទីតាំងដី ដើម្បីដកហូតយកដីព្រៃ លិចទឹក​តំបន់​៣ ប្រមាណ​ជាង ១ពាន់ហិកតា នៅតំបន់គោកព្រះ ឃុំច្រណូក ស្រុកកំពង់លែង ដែលបាន​រង​នូវការ​រំលោភ​បំពានយកធ្វើជាកម្មសិទ្ធកន្លងមកទុកជាសម្បត្តិរដ្ឋវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាន់ យូ អភិបាលរងខេត្ត បានឲ្យដឹងថា កម្លាំងចម្រុះរបស់គណបញ្ជាការឯកភាពរដ្ឋ​បាលខេត្ត បានដំណើរការដកបង្គោលលើដីលិចទឹកដែលត្រូវដកហូតជាបន្តបន្ទាប់ រៀងរាល់ថ្ងៃរហូត​ត្រូវបានបញ្ឃប់រួចរាល់ ក្នុងនោះកងកម្លាំងគណបញ្ជាការឯកភាពខេត្តត្រូវឈរជើងនៅ​គោលដៅ​គោក​ព្រះនោះជាប្រចាំ។

ក្រុមការងារអន្តរក្រសួង ដឹកនាំដោយ លោកឧបនាយកដ្ឋមន្រ្តី ជា សុផារ៉ា រដ្ឋមន្រ្តីក្រសួងរៀបចំដែនដី នគររូបនីយកម្ម សំណង់ និងសុរិយោដី នៅព្រឹកថ្ងៃទី ២៩ ខែវិច្ឆិកា ឆ្នាំ ២០២១ បានចុះដល់ទីតាំដីព្រៃលិចទឹកតំបន់គោកព្រះ ស្ថិតនៅច្រណូក ស្រុកកំពង់ លែង ខេត្តកំពង់ឆ្នាំង ដែលរងកាកាប់បំផ្លាញ ជនខិលខូចយកធ្វើជាកម្មសិទ្ធ និងបានប្រកាសដកហូត​ដីទាំងនោះមក​ជាសម្បត្តិរដ្ឋវិញ។

ក្រុមការងារអន្តរក្រសួង ដែលបានចូលរួមក្នុងកិច្ចការនេះ រួមមានលោក អ៊ុក រ៉ាប៊ុន រដ្ឋមន្រ្តី​ក្រសួង​អភិវឌ្ឍន៍ជនបទ និងជាប្រធានក្រុមការងាររាជរដ្ឋាភិបាលចុះខេត្តកំពង់ឆ្នាំង លោក វ៉េង សាខុន រដ្ឋ​មន្រ្តី​ក្រសួងកសិកម្ម រុក្ខាប្រម៉ាញ់ និងនេសាទ លោកនាយឧត្តមសេនីយ សៅ សុខា មេបញ្ជា ការ​កង​រាជអាវុធហត្ថលើផ្ទៃប្រទេស និង លោកស៊ុន សុវណ្ណារិទ្ធិ អភិ បាលខេត្តកំពង់ឆ្នាំង៕

អត្ថបទៈ ឈៀងថារិទ្ធ