ព័ត៌មានជាតិ
សាំងអាចចុះថ្លៃនៅពេលអង្គការ OPEPបង្កើនការផលិត និងប្រទេសប្រើប្រាស់បន្ថយពន្ធនាំចូល
អ្នកជំនាញស្រាវជ្រាវផ្នែកសេដ្ឋកិច្ច បានលើកឡើងថា សាំងអាចចុះថ្លៃអាស្រ័យលើប្រទេសអ្នកផលិតបង្កើនការផលិត និងបន្ធូរបន្ថយពន្ធនាំចូល។
លោក ឡុង សំណាង អ្នកស្រាវជ្រាវតម្លៃប្រេងឥន្ធនៈ និងជាប្រធានផ្នែកប្រឹក្សាយោបល់ហិរញ្ញវត្ថុ នៃក្រុមហ៊ុនហ្គោលដេន អេហ្វអិកស៍ លីងឃែភីថល បានប្រាប់កម្ពុជាថ្មីថា កម្ពុជា មិនអាចកំណត់តម្លៃសាំងបានទេ ដោយសារបញ្ហាការឡើងថ្លៃប្រេងសាំងនេះ កើតឡើងជាសកល។ លោកថា ប្រេងសាំងឡើងថ្លៃ ក៏ព្រោះតែតម្រូវការទីផ្សារខ្ពស់។ ជាក់ស្តែងប្រទេសធំៗ ដូចជា ឥណ្ឌា និងចិនជាដើម បានបញ្ជាទិញប្រេងយ៉ាងច្រើនសន្ធឹកសន្ធាប់ ដែលជាកត្តាធ្វើឲ្យមានតម្រូវការខ្ពស់ ខណៈការផលិតមានកំណត់។ ប៉ុន្តែមានកត្តាមួយចំនួនដែលនាំឲ្យសាំងអាចចុះថ្លៃមកវិញបាន។ លោក ឡុង សំណាង បានថ្លែងដូច្នេះថា « ដើម្បីឲ្យតម្លៃសាំងធ្លាក់ចុះថ្លៃ អាស្រ័យលលើអង្គការ OPEP ដែលមានសមាជិក១០ប្រទេស ដាក់គោលនយោបាយបង្កើនការផលិត នោះសាំងនឹងអាចចុះថ្លៃបន្តិចមកវិញ»។
ពាក់ព័ន្ធនឹងពន្ធនាំចូលក៏ជាកត្តាបណ្តាលឲ្យប្រេងសាំងកើនតម្លៃខ្ពស់ផងដែរ។ លោក សំណាងថា« កត្តាពន្ធនាំចេញនាំចូលនៅប្រទេសនីមួយៗ មានគោលនយោបាយផ្សេងៗគ្នា ប្រសិនបើពន្ធនាំចូលទាប តម្លៃសាំងក៏ធ្លាក់តាមហ្នឹងដែរ ប៉ុន្តែបើពន្ធនាំចូលខ្ពស់ នោះតម្លៃសាំងលក់ក្នុងប្រទេសក៏ខ្ពស់ដូចគ្នា…ឈ្មួញកណ្តាលមិនសុខចិត្តខាតនោះទេ នៅពេលពន្ធនាំចូលខ្ពស់ផលិតផលនោះក៏នឹងឡើងថ្លៃដែរ ដើម្បីរក្សាការចំណេញរបស់គាត់(ម្ចាស់ហ្ការាស់សាំង»។
ចំពោះកម្ពុជា តម្លៃសាំងគួរស្ថិតនៅចន្លោះពី ២,៥០០រៀល ទៅ ៣,៥០០រៀល ក្នុង១លីត្រ ទើបស័ក្តិសមនឹងសេដ្ឋកិច្ច និងស្ថានភាពជីវភាពរស់នៅរបស់ពលរដ្ឋខ្មែរ។ នេះបើតាមការគូសបញ្ជាក់របស់លោក ឡុង សំណាង។ លោកបានសង្កត់ធ្ងន់ថា សព្វថ្ងៃនេះ តម្លៃប្រេងសាំងនៅកម្ពុជាឡើងជាង ៤,០០០រៀល ក្នុង១លីត្រ ជាតម្លៃលើសពីកម្រិតជីវភាពរបស់ពលរដ្ឋខ្មែរភាគច្រើន។ បន្ថែមលើនេះ លោក សំណាង បញ្ជាក់ថា តម្លៃសាំងឡើងថ្លៃក៏ជាហេតុនាំឲ្យទំនិញផ្សេងៗប្រែប្រួលតម្លៃកើនឡើងតាមសាំងផងដែរ។
យោងតាមរបាយការណ៍របស់រដ្ឋបាលទិន្នន័យថាមពល (Energy Information Administration) បានបង្ហាញថា ផលិតកម្មប្រេងនៅលើពិភពលោកបានធ្លាក់ចុះពី ១០០,៦១ លានបារ៉ែលក្នុងមួយថ្ងៃនៅឆ្នាំ២០១៩ មកត្រឹម ៩៤,២៥ លានបារ៉ែលក្នុងមួយថ្ងៃនៅឆ្នាំ២០២០ ។ ស្ថានភាពបែបនេះបណ្ដាលមកពីការបិទប្រទេស និងការកាត់បន្ថយការធ្វើដំណើរដើម្បីទប់ស្កាត់ការរីករាលដាលនៃជំងឺកូវីដ-១៩សឹងតែទូទាំងពិភពលោក ដែលជាហេតុធ្វើឱ្យតម្រូវការប្រេងធ្លាក់ចុះយ៉ាងខ្លាំង។ យោងតាម Energy Information Administration បានឱ្យដឹងថា នៅពេលដែលករណីឆ្លងវីរុសកូវីដ១៩កំពុងរីករាលដាលខ្លាំង រដ្ឋាភិបាលអាមេរិកបានដាក់វិធានការឱ្យប្រជាជនស្ថិតនៅផ្ទះ ការហាមប្រាមមិនឱ្យចេញទៅក្រៅការបិទផ្លូវ និងតំបន់មានការឆ្លងខ្លាំង ដែលនេះជាហេតុធ្វើឱ្យតម្រូវការប្រេងឆៅនិងប្រេងឥន្ធនៈរាវបានធ្លាក់ចុះ៩%។
ក្រោយពិភពលោកបានចាក់វ៉ាក់សាំងដល់ប្រជាជនរបស់ខ្លួនក្នុងកម្រិតខ្ពស់ ធ្វើឲ្យជំងឺកូវីដចុះខ្សោយការរីករាលដាល សេដ្ឋកិច្ចពិភពលោកចាប់ផ្តើមដំណើរការឡើងវិញ មនុស្សចេញធ្វើដំណើរនាំឲ្យមានតម្រូវការប្រេងខ្ពស់ ជាហេតុធ្វើឲ្យប្រទេសផលិតខ្វះការផ្គត់ផ្គង់បណ្តាលឲ្យតម្លៃប្រេងហក់ឡើងយ៉ាងខ្លាំង។
សូមបញ្ជាក់ថា ក្រសួងពាណិជ្ជកម្ម បានចេញសេចក្តីជូនដំណឹង ស្តីពីការកំណត់ថ្លៃប្រេងឥន្ធនៈ ត្រូវលក់រាយតាមស្ថានីយចាប់ពីថ្ងៃនេះ ដល់ថ្ងៃទី១៥ ខែធ្នូ ឆ្នាំ២០២១ ដោយសាំងធម្មតាត្រូវលក់តម្លៃ៤,២០០រៀល ក្នុងមួយលីត្រ និងម៉ាស៊ូតលក់ក្នុងតម្លៃ ៣,៨៥០រៀល ក្នុង១លីត្រ៕
អត្ថបទ៖ ទួន សុផល
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ