ថ្នាក់ដឹកនាំនាយកដ្ឋានសុខុមាលភាពសង្គមនៃក្រសួងសង្គមកិច្ចអតីតយុទ្ធ ជន និងយុវនីតិសម្បទានាថ្ងៃទី០២ ធ្នូ ឆ្នាំ២០២១បានថ្លែងនូវការជម្រុញឲ្យមន្ត្រីជំនាញបន្តតាមដានត្រួតពិនិត្យពន្លឿនសម្រាប់កម្មវិធីទទួលសាច់ប្រាក់ជូនស្រ្តីមានផ្ទៃពោះ និងកុមារអាយុក្រោម២ឆ្នាំឲ្យកាន់តែល្អប្រសើរថែមទៀត។ នេះជាការលើកឡើងរបស់លោកឈួរ សុបញ្ញា ប្រធាននាយកដ្ឋានសុខុមាលភាពសង្គមនៃក្រសួងសង្គមកិច្ច អតីតយុទ្ធ ជន និងយុវនីតិសម្បទា និងជាប្រធានអនុគណ:កម្មការជំនួយ សង្គម ខណៈបើកកិច្ចប្រជុំតាមដានត្រួតពិនិត្យនិងវាយតម្លៃកម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារអាយុក្រោម២ឆ្នាំដែលសហការរៀបចំដោយមន្ទីរសង្គមកិច្ច អតីតយុទ្ធជន និងយុវនីតិសម្បទា រាជធានីភ្នំពេញ និងការិយាល័យសង្គមកិច្ច និងការិយាល័យសុខុមាលភាពសង្គមខណ្ឌចំការមនជូនមន្រ្តីប្រតិបត្តិករសង្កាត់ទាំង៥ នៅក្នុង ខណ្ឌច្បារអំពៅរាជធានីភ្នំពេញ នៅព្រឹកថ្ងៃពុធ ១៣រោច ខែកត្តិក ឆ្នាំឆ្លូវ ត្រី ស័ក ពុទ្ធសករាជ ២៥៦៥ ត្រូវនឹង ថ្ងៃទី០២ ខែធ្នូ ឆ្នាំ២០២១ ។

បើយោងតាមរបាយការណ៍របស់នាយកដ្ឋានសុខមាលភាពសង្គមនៃក្រសួងសង្គមកិច្ចអតីតយុទ្ធជន និងយុវនីតិសម្បទាបានបញ្ចាក់ថា ចាប់ពីថ្ងៃទី០២ ធ្នូ ឆ្នាំ២០២១ តទៅបងប្អូនគ្រួសារក្រីក្រ និងងាយរងគ្រោះពិសេសដែលទទួលផលប៉ះបាល់ដោយសារជម្ងឺរាតត្បាតកូវិដ១៩ អញ្ជើញមកពិនិត្យឈ្មោះឲ្យបានត្រឹមត្រូវនៅតាមមូលដ្ឋានឃុំ សង្កាត់រៀងៗខ្លួនដើម្បីបន្តទទួលសាច់ប្រាក់ឧបត្ថម្ភពីរាជរដ្ឋាភិបាលក្នុងសកម្មភាពជុំទី៧_លើកទី២គិចាប់តាំងពីថ្ងៃនេះតទៅ។ ដោយឡែកគ្រួសារដែលមិនទាន់បានទទួលសាច់ប្រាក់ឧបត្ថម្ភពីរាជរដ្ឋាភិបាលដូចពត៏មានខាងលើសូមរួសរាន់មកទំនាក់ទំនងជាមួយអាជ្ញាធរមូលដ្ឋានដែលខ្លួនស្នាក់អាស្រ័យនោះដើម្បីទទួលបានអត្ថប្រយោជន៍ដែលរាជរដ្ឋាភិបាលបានផ្តល់ជូនជៀសវាងភាពមិនប្រក្រតីណាមួយកើតឡើងដោយសារតែការខុសឈ្មោះឬអត្តសញ្ញាណណាមួយនោះដាច់ខាត៕

អត្ថបទ៖ វិមាន