ព័ត៌មានជាតិ
ប្រឡងបាក់ឌុបឆ្នាំនេះ អប្បមាទ១ នាក់ ត្រូវត្រួតពិនិត្យមើលបន្ទប់ប្រឡង ៣ បន្ទប់
អ្នកនាំពាក្យក្រសួងអប់រំយុវជននិងកីឡាបានមានប្រសាសន៍ថា ការប្រឡងសញ្ញាបត្រមធ្យមសិក្សាទុតិយភូមិឬបាក់ឌុបនៅថ្ងៃទី២៧ ខែធ្នូ ឆ្នាំ២០២១ ក្រសួងអប់រំបានតម្រូវឱ្យអប្បមាទមួយនាក់ ត្រូវទទួលខុសត្រូវត្រួតពិនិត្យបន្ទប់ប្រឡងចំនួន៣បន្ទប់ ខណៈកាលពីមុនត្រួតពិនិត្យត្រឹមតែ ២ បន្ទប់ប៉ុណ្ណោះ។
លោករស់ សុវាចា អ្នកនាំពាក្យក្រសួងអប់រំយុវជននិងកីឡាបានមានប្រសាសន៍នៅសៀលថ្ងៃទី០៤ធ្នូនេះថា ឆ្នាំនេះក្រសួងបានកែសម្រួលអប្បមាទឱ្យទទួលខុសត្រូវនៅតាមបន្ទប់ប្រឡងនីមួយៗ ដោយអប្បមាទមួយនាក់ទទួលខុសត្រូវត្រួតពិនិត្យមើលបន្ទប់ប្រឡងចំនួន៣បន្ទប់ ខណៈកាលពីមុនទទួលខុសត្រូវតែ២បន្ទប់ប្រឡងប៉ុណ្ណោះ។
ការកែសម្រួលនេះដោយសារនៅឆ្នាំនេះ ក្រសួងមើលឃើញការប្រឡងបាក់ឌុបមានវិសាលភាព និងឆ្លើយតបទៅនឹងតម្រូវការជាក់ស្តែងនាពេលបច្ចុប្បន្ន។
លោកបានបន្តទៀតថា សម្រាប់ប្រឡងបាក់ឌុបឆ្នាំនេះ នឹងដាក់ពង្រាយគណ:កម្មការអប្បមាទ និងជំនួយការអប្បមាទចំនួន ២១៩០នាក់នៅតាមបន្ទប់ប្រឡងនានា ក្នុងនោះមានគណ:កម្មការអប្បមាទមានចំនួន៦១២នាក់ និងអប្បមាទចំនួន១៥៧៨ នាក់ ដើម្បីត្រួតពិនិត្យដំណើរការប្រឡងបាក់ឌុបនាពេលខាងមុខនេះ សំដៅឲ្យដំណើរការប្រឡងប្រព្រឹត្តទៅប្រកបដោយស្តង់ដារខ្ពស់យុត្តិធម៌ តម្លាភាពនិងអាចទទួលយកបានទាំងអស់គ្នា ។
លោក រស់សុវាចា បានបន្ថែមទៀតថា ជំនួយការអប្បមាទនេះ មានតួនាទីជាសេនាធិការឱ្យប្រធានគណៈកម្មការអប្បមាទទូទាំងប្រទេសប្រចាំមណ្ឌលសំណេរ លើការត្រួតពិនិត្យនិងសង្កេតដំណើរការប្រឡងប្រចាំមណ្ឌល ដោយជំនួយការអប្បមាទ ។
លោក រស់សុវាចា បានបញ្ជាក់ថា ជំនួយការអប្បមាទនេះត្រូវបានជ្រើសរើសចេញពីគរុសិស្ស និងគរុនិស្សិតដែលមានភាពហ្មត់ចត់ភាពស្មោះត្រង់ សុចរិតភាព ស្នាដៃល្អនិងមានស្មារតីទទួលខុសត្រូវខ្ពស់យកមកបណ្តុះបណ្តាលដើម្បីឱ្យពួកគាត់មានសមត្ថភាពពេញលេញសម្រាប់ត្រួតពិនិត្យដំណើរការប្រឡងនៅតាមបន្ទប់ប្រឡងនានា។
ការប្រឡងបាក់ឌុបនៅឆ្នាំនេះមានបេក្ខជនដាក់ពាក្យប្រឡងចំនួន ១១៥១៤៩នាក់ បេក្ខនារី៦០៦៨២នាក់, បេក្ខជនស្វៃរិន៤៣៣៤នាក់ (នារី១៧៦២នាក់), បេក្ខជនបំពេញវិជ្ជា៣៤៦១នាក់ (នារី១០៥៣នាក់),បេក្ខជនស្វៃរិន-បំពេញវិជ្ជា ២០៤៣នាក់ (នារី៤៦៨នាក់) ចែកជា២០៤មណ្ឌលស្មើនឹង៤៦៥២បន្ទប់។
ការប្រឡងសញ្ញាបត្រមធ្យមសិក្សាទុតិយភូមិឬបាក់ឌុបនៅឆ្នាំនេះ ត្រូវកិលកាលបរិច្ឆេទពីថ្ងៃទី៦ធ្នូទៅធ្វើនៅថ្ងៃទី២៧ ខែធ្នូ ឆ្នាំ២០២១វិញ តាមទម្រង់ដូចឆ្នាំកន្លងមក ដើម្បីទុកពេលវេលាឱ្យសិស្សរៀនបានច្រើនដើម្បីត្រៀមប្រឡង។
បើទោះបីជាមានការពន្យាពេលក្តីក៏ការប្រឡងបាក់ឌុបត្រូវបន្តអនុវត្តន៍គោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន ស្របនឹងវិធានការសុវត្ថិភាពសុខភាព៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង