ព័ត៌មានជាតិ

ដាំពូជតាសក់ផ្អែមជប៉ុន ក្នុង១ហិកតាទទួលបានផល២៥ទៅ៣០តោន

បានផុស

៦ years មុន

នៅ

ថ្ងៃចន្ទ ៧ ធ្នូ ២០២០

ដោយ

ធ្លាប់តែមានកសិករយើងដាំត្រសក់ផ្អែម នៅតាមសហគមន៍ ក្នុងខេត្តសៀមរាប ដោយក្នុងនោះការដាំតាសក់ផ្អែមជាពូជនាំចូលពីប្រទេសថៃ។ ក៏ប៉ុន្តែរយៈឆ្នាំចុងក្រោយនេះ មានការដាំពូជតាសក់ផ្អែមរបស់ប្រទេសជប៉ុន ដែលជាពូជមានតម្លៃខ្ពស់ក្នុងទីផ្សារទំនើប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការលើកឡើងរបស់លោក រ៉ាដូ អ្នកបច្ចេកទេសដាំដំណាំកសិកម្ម នៅខេត្តមណ្ឌលគិរី បានឲ្យដឹងថា ក្នុងការដាំតាសក់ផ្អែមពូជរបស់ជប៉ុន ដែលជាពូជធម្មតានៅក្នុងផ្ទៃដី១ហិកតាអាចទទួលបានផលពី២៥តោនទៅ៣០តោន និងទទួលផលបានក្នុងរយៈពេល៦០ថ្ងៃ។ លោក រ៉ាដូ បន្តថាត្រសក់ផ្អែមនេះ លក់ចេញបានតម្លៃក្នុង១គីឡូក្រាមថ្លៃ៥០០០រៀលទៅ៦០០០រៀល។ ចំពោះការដាំដុះតាសក់ផ្អែមពីជប៉ុននេះ អាស្រ័យទៅលើបច្ចេកទេស និងមួយទៀតក្នុងរដូវវស្សាក្នុងការថែទាំមិនឲ្យមានសត្វល្អិតបំផ្លាញ។ លោក រ៉ាដូ កសិករភូមិទួល ខេត្តមណ្ឌលគិរី បានបញ្ជាក់ទៀតថា មានពូជតាសក់ផ្អែមមួយទៀត ដែលជាពូជឈ្មោះថា តាសក់ផ្អែមសំណាញ់ មានតម្លៃខ្ពស់ក្នុងទីផ្សារទំនើបដោយក្នុងមួយផ្លែ(១.៥គីឡូក្រាម)បានថ្លៃចាប់ពី១៥ដុល្លារទៅ២០ដុល្លារ តែបើឈ្មួញយកទៅលក់បន្តអាចបានថ្លៃរហូតដល់១ផ្លែ ៣៩ដុល្លារទៅដល់៤០ដុល្លារ ដោយសារតែពូជតាសក់ផ្អែមនេះ មានរសជាតិផ្អែមឈ្ងុយ៕