Connect with us

ព័ត៌មានជាតិ

កម្ពុជាសម្រេចបានទំហំពាណិជ្ជកម្មសរុប ៩,៦ ប៊ីលានដុល្លារជាមួយបណ្តាប្រទេស OIF នៅឆ្នាំ២០២០

បានផុស

នៅ

នៅឆ្នាំ២០២០ កម្ពុជា សម្រេចបានទំហំពាណិជកម្មសរុប ៩,៦ ប៊ីលានដុល្លារអាមេរិក ជាមួយប្រទេស OIF ដោយក្នុងនោះកម្ពុជាបាននាំចេញ ៦,៥ ប៊ីលានដុល្លារ កើនឡើងប្រមាណ៤% ធៀបនឹងឆ្នាំ២០១៩។ តួលេខនេះ បង្ហាញនៅក្នុងពិធីប្រកាសបើកកម្មវិធីជំនួបសេដ្ឋកិច្ចហ្វ្រង់កូហ្វូន ដែលធ្វើឡើងនៅរាជធានីភ្នំពេញ​ក្រោមកិច្ចសហការរៀបចំដោយក្រសួងការបរទេសនិងសហប្រតិបត្តិការអន្តរជាតិនិងអង្គការក្រុមប្រទេសនិយាយភាសារបារាំង(OIF) នៅល្ងាចថ្ងៃទី០៧ ខែធ្នូ ឆ្នាំ២០២១ ជំនួបសេដ្ឋកិច្ចហ្វ្រង់កូហ្វូននេះធ្វើឡើងដើម្បីបង្កើតទំនាក់ទំនងសេដ្ឋកិច្ចពាណិច្ជកម្មរវាងប្រទេសប្រើប្រាស់​ភាសាបារាំងនិងប្រទេសក្នុងតំបន់និងជាមួយកម្ពុជា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៉ាន សូរស័ក្ត រដ្ឋមន្ត្រីក្រសួងពាណិជ្ជកម្មបានស្វាគមន៍និងគាំទ្រដល់បេសកកម្មសេដ្ឋកិច្ចនិងពាណិជ្ជកម្មហ្វ្រង់កូហ្វូនីដែលត្រូវបានផ្តួចផ្តើមដោយអង្គការOIFក្នុងគោលបំណងបង្កើតទំនាក់ទំនងសេដ្ឋ កិច្ចរវាងប្រទេសប្រើប្រាស់ភាសាបារាំងនិងប្រទេសក្នុងតំបន់។

លោករដ្ឋមន្ត្រីក្រសួងពាណិជ្ជកម្មកម្ពុជាបានបញ្ជាក់ពីឆន្ទៈក្នុងការពង្រឹងទំនាក់ទំនងពាណិជ្ជកម្ម សេដ្ឋកិច្ច និងចំណងការទូតជាមួយប្រទេសជាសមាជិកអង្គការ OIFដែលកត្តាទាំងនេះនឹងផ្តល់សារៈសំខាន់ដល់កម្ពុជា និងប្រទេសក្នុងតំបន់ជាពិសេសចំណងសហប្រតិបត្តិការលើពហុវិស័យរួមមាន វប្បធ៌ម ទេសចរណ៍ សង្គមកិច្ចនិងចូលរួមចំណែកស្តារសេដ្ឋ កិច្ចឡើងវិញបន្ទាប់ពីទទួលផលប៉ះពាល់ដោយជំងឺរាតត្បាតសកលកូវីដ-១៩។

លោករដ្ឋមន្ត្រីបានលើកទឹកចិត្តដល់ប្រតិបត្តិករសេដ្ឋកិច្ច និងវិនិយោគិន OIF មកពីគ្រប់ទ្វីបទាំងអស់ឱ្យពិនិត្យពីសក្តានុពលពាណិជ្ជកម្ម ដែលកម្ពុជា មាន និងកាលានុវត្តភាពថ្មីៗ ហើយអាចជ្រើសរើសកម្ពុជា ជាទីតាំងសម្រាប់ពង្រីកសហប្រតិបត្តិការថ្មី ក្នុងតំបន់ និងចូលរួមក្នុងខ្សែច្រវ៉ាក់តំលៃ ដែលកំពុងមានឧត្តមភាពរីកចម្រើន។

សូមបញ្ជាក់ថា ប្រទេសជាសមាជិក និងប្រទេសអង្កេតការទាំងអស់របស់អង្កការ OIF មានសរុបចំនួន៨៨ ប្រទេស៕ ដោយ៖ណារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម