Connect with us

ព័ត៌មានជាតិ

អាជ្ញាធរខេត្តរតនគិរី បន្តយុទ្ធនាការអប់រំផ្សព្វផ្សាយច្បាប់ ស្តីពី សុវត្ថិភាពចរាចរណ៍ផ្លូវគោក

បានផុស

នៅ

មន្ទីរសាធារណការ និងដឹកជញ្ជូនខេត្តរតនគិរី សហការជាមួយនគរបាលចរាចរណ៍ខេត្ត នៅព្រឹកថ្ងៃទី ៩ ខែធ្នូ ឆ្នាំ ២០២១នេះ បានបន្តយុទ្ធនាការអប់រំផ្សព្វផ្សាយច្បាប់ ស្តីពី សុវត្ថិភាពចរាចរណ៍ផ្លូវគោក និងចែកមួកសុវត្ថិភាពដល់ប្រជាពលរដ្ឋ ដែលបានចូលរួមឆ្លើយសំណួរត្រូវ ក្នុងគោលបំណងដើម្បីពញ្ញាក់ស្មារតី ដល់អ្នកប្រើប្រាស់ផ្លូវទាំងអស់ ឲ្យយល់ដឹងអំពីច្បាប់ចរាចរណ៍ផ្លូវគោកថ្មី និងចូលរួមគោរពច្បាប់ចរាចរណ៍ទាំងអស់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីនេះ ត្រូវបានធ្វើឡើងនៅផ្លូវបំបែកជាបួន រង្វង់មូលក្រុងបានលុង ក្រោមអធិបតីភាពលោក ញ៉ែម សំអឿន អភិបាល នៃគណៈអភិបាលខេត្តរតនគិរី និងមានការអញ្ជើញចូលរួមពីកងកម្លាំងទាំង ៣ប្រភេទ ប្រធានមន្ទីរអង្គភាពពាក់ព័ន្ធ និងប្រជាពលរដ្ឋជាច្រើនរូប ផងដែរ។

លោក ញ៉ែម សំអឿន អភិបាលខេត្តរតនគិរី បានមានប្រសាសន៍ថា យុទ្ធនាការអប់រំផ្សព្វផ្សាយ ស្តីពី សុវត្ថិភាពចរាចរណ៍ផ្លូវគោកនេះ ធ្វើឡើងក្នុងគោលបំណង អប់រំផ្សព្វផ្សាយអប់រំណែនាំ ដល់អ្នកបើកបរយានយន្តគ្រប់ប្រភេទ ឲ្យចូលរួមគោរពច្បាប់ចរាចរណ៍ផ្លូវគោក បើកបរឲ្យមានការប្រុងប្រយ័ត្នខ្ពស់ មិនត្រូវបើកបរក្រោមឥទ្ធិពល នៃគ្រឿងស្រវឹងដាច់ខាត ត្រូវចេះគោរពសិទ្ធិអាទិភាព និងមានការអធ្យាស្រ័យខ្ពស់ រាល់ពេលបើកបរ ធ្វើយ៉ាងណាចូលរួមទប់ស្កាត់ និងកាត់បន្ថយគ្រោះថ្នាក់ចរាចរណ៍ផ្លូវគោក។

លើសពីនេះទៀត ក្រុមការងារបានរៀបចំកម្មវិធីសំណួរ-ចម្លើយ ពាក់ព័ន្ធនឹងច្បាប់ចរាចរណ៍ផ្លូវគោកថ្មី ដើម្បីទទួលបានមួកសុវត្ថិភាព និងរង្វាន់ផ្សេងទៀត ព្រមទាំងចែកជូននូវឯកសារពាក់ព័ន្ធ និងច្បាប់ ស្តីពីសុវត្ថិភាពចរាចរណ៍ផ្លូវគោកថ្មី ផងដែរ។

សូមបញ្ជាក់ថា ក្នុងយុទ្ធនាការខាងលើនេះ បានប្រើប្រាស់សម្ភារៈ និងឯកសារមួយចំនួន រួមមាន៖ មួកសុវត្ថិភាពចំនួន ១៩០មួក សៀវភៅ ស្ដីពី ច្បាប់ចរាចរណ៍ផ្លូវគោកចំនួន ១៥០ក្បាល សៀវភៅអ្វីដែលអ្នកបើកបរត្រូវយល់ដឹងចំនួន ១៥០ក្បាល ស្ទីកឃ័រចំណាំងផ្លាតចំនួន ១៥០សន្លឹក ខិតបណ្ណសីលធម៌១០ចំណុចសម្រាប់សុវត្ថិភាពចរាចរណ៍ចំនួន ១៥០សន្លឹក សញ្ញាចរាចរណ៍សំខាន់ៗចំនួន ៦០ផ្ទាំង ស្ទីកគ័រពាក្យស្លោក ថ្ងៃនេះថ្ងៃស្អែកកុំឲ្យមានគ្រោះថ្នាក់ចរាចរណ៍ចំនួន ១៥០ផ្ទាំង ប្រការសំខាន់ៗ ដែលត្រូវចងចាំចំនួន ១៥០សន្លឹក ខិតបណ្ណសុវត្ថិភាពការធ្វើដំណើរ តាមរថយន្ដរដូវកាលកូវីដ-១៩ ចំនួន ១៥០សន្លឹក និងប៊ិចចំនួន ១៥០ដើម៕

អត្ថបទ៖ វុទ្ធ ឦសាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា១១ នាទី មុន

U-17 និង U-20 កម្ពុជា ពុំចូលរួមប្រកួតជម្រុះពានយុវជនអាស៊ី ជាលើកដំបូង ក្រោយចូលរួមជាប់លាប់ ២ រដូវកាលចុងក្រោយ

ព័ត៌មានជាតិ៣០ នាទី មុន

បាក់ទំនប់ស្តុកទឹករបស់ក្រុមហ៊ុនចម្ការចេក ហ័ងអញ់ វៀតណាម លិចផ្ទះពលរដ្ឋជាង១០០ខ្នង (មានវីដេអូ)

នយោបាយ៣៩ នាទី មុន

គណបក្សខ្មែរស្រឡាញ់ជាតិ ផ្តោត​សំខាន់​លើការ​​ចុះ​តាម​ផ្ទះ​របស់ប្រជាពលរដ្ឋ​ អំឡុងពេលឃោសនា

សន្តិសុខសង្គម៥១ នាទី មុន

មន្ត្រីជំនាញ កំពុងចុះត្រួតពិនិត្យការដ្ឋាន​សាងសង់អគារមួយកន្លែង ដែល​ដាច់ខ្សែ​យោងជណ្តើរ​​​​​យន្តបណ្ដាលឲ្យមនុស្ស ៤នាក់ស្លាប់

ព័ត៌មានអន្ដរជាតិ១ ម៉ោង មុន

លោក គីម ជុងអ៊ុន ពាក់ម៉ាសដល់ទៅ ២ ជាន់ការពារឆ្លងកូវីដ

Sokha Hotels

ព័ត៌មានពេញនិយម