សហគមន៍ខ្មែរនៅកូរ៉េស្នើមន្ទីរពេទ្យសាកលវិទ្យាល័យសេអ៊ូលបញ្ចុះតម្លៃព្យាលបាលដល់ពលរដ្ឋខ្មែរនិងមន្រ្តីស្ថានទូត

លោកស្រី ជ្រឹង បុទុមរង្សី ឯកអគ្គរាជទូតកម្ពុជាប្រចាំប្រទេសកូរ៉េខាងត្បូង បានដឹកនាំប្រតិភូស្ថានទូតកម្ពុជាបំពេញទស្សនៈកិច្ច និងជួបពិភាក្សាការងាររឹតចំណងមិត្តភាព ជាមួយថ្នាក់ដឹកនាំមន្ទីរពេទ្យសាកលវិទ្យាល័យសេអ៊ូល SNUH ដឹកនាំដោយលោកបណ្ឌិត Paik Nam-Jong ប្រធាន និងជាអគ្គនាយកមន្ទីរពេទ្យ កាលពីរសៀលថ្ងៃទី១០ ខែធ្នូ ឆ្នាំ២០២១។

នៅក្នុងជំនួបពិភាក្សានេះ លោកស្រី ជ្រឹង បុទុមរង្សី​ បានស្នើសុំថ្នាក់ដឹកនាំមន្ទីរពេទ្យពិនិត្យលទ្ធភាពក្នុងការចុះអនុស្សារណៈយោគយល់(MOU)ជាមួយស្ថានទូត ដើម្បីជួយសម្រួលដល់សហគមន៍ខ្មែរនៅប្រទេសកូរ៉េ ដែលមានជីវភាពខ្វះខាតលើការព្យាបាល ក៏ដូចជាការបញ្ចុះតម្លៃសេវាដល់ប្រជាជនខ្មែរ និងមន្រ្តីរាជការស្ថានទូត។

ជាការឆ្លើយតបលោកបណ្ឌិត Paik Nam-Jong ប្រធានមន្ទីរពេទ្យ សូមថ្លែងអំណរគុណដល់លោកស្រី ជ្រឹង បុទុមរង្សី និងប្រតិភូ ដែលអញ្ចើញបំពេញទស្សនកិច្ច និងលើកឡើងពីបំណងក្នុងការពង្រឹង និងពង្រីកកិច្ចសហប្រតិបត្តិការបន្ថែមរវាងមន្ទីរពេទ្យ និងស្ថានទូត៕