ព័ត៌មានជាតិ
សម្តេចពិជ័យសេនា ទៀ បាញ់ ចុះដឹកនាំការសាកល្បងត្រៀមពិធីសម្ពោធវិមានកីឡដ្ឋានជាតិមរតកតេជោ
សម្តេចពិជ័យសេនា ទៀ បាញ់ ឧបនាយករដ្ឋមន្ត្រីរដ្ឋមន្ត្រីក្រសួងការពារជាតិនិងជាប្រធានគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍លើកទី៣២ឆ្នាំ២០២៣ (CAMSOC)បានអញ្ជើញដឹកនាំកិច្ចប្រជុំពិសេសមួយនៅថ្ងៃទី១៤ ខែធ្នូ ឆ្នាំ២០២១ នៅពហុកីឡដ្ឋានជាតិមរកតតេជោដើម្បីត្រៀមលក្ខណៈសម្រាប់ពិធីសម្ពោធដាក់ឲ្យប្រើប្រាស់ជាផ្លូវការ វិមានកីឡដ្ឋាននៃពហុកីឡដ្ឋានជាតិមរតកតេជោពិធីរាប់ថយក្រោយ ៥០០ថ្ងៃនិងយុទ្ធនាការជាតិផ្សព្វផ្សាយពីដំណើរឆ្ពោះទៅទទួលរៀបចំធ្វើជាម្ចាស់ផ្ទះការ ប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣។
លោក វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC បានឲ្យដឹងថា នៅក្នុងកិច្ចប្រជុំលម្អិតនិងដោះស្រាយបញ្ហាសេសសល់មួយចំនួននេះសម្តេចពិជ័យសេនា ទៀ បាញ់ ក៏ទទួលបានអនុសាសន៍ដ៏ខ្ពង់ខ្ពស់បន្ថែមពីសម្តេចតេជោ ហ៊ុន សែន ជុំវិញពីការចូលរួមពីមហាជនក្នុងរង្វង់១៥,០០០នាក់នៅក្នុងព្រឹត្តិការណ៍ដ៏ធំជាប្រវត្តិសាស្ត្រ នាថ្ងៃ ទី១៨ ខែធ្នូខាងមុខនេះ។
លោកអគ្គលេខាធិការបន្ថែមថា នៅក្នុងផ្នែកនីមួយៗគឺមានការទទួលខុសត្រូវខ្ពស់ទាំងផ្នែកសន្តិសុខ សណ្តាប់ឆ្នាប់ ជាពិសេសគឺលើផ្នែករៀបចំដែលមានចំនួនមនុស្សចូលរួម ច្រើនជាង១ ម៉ឺននាក់ ដែលនេះជាលើកដំបូងនៅក្នុងបរិបទជំងឺកូវីដ-១៩នេះ ដោយត្រូវរៀបចំទុកជាមុនឱ្យបានល្អប្រសើររួមទាំងការអនុវត្តនូវវិធានការសុវត្ថិភាពពីជំងឺកូវីដ -១៩ផងដែរ។ ដោយឡែកនៅក្នុងពិធីសម្តែងសាកល្បងថ្ងៃនេះយើងបានរៀបចំផ្នែកនីមួយៗមានភាពរលូនដោយមានក្រុមសម្តែងគ្រប់គ្រាន់ហើយត្រូវបន្តសម្តែងការសាក ល្បង២ទៅ៣ដងទៀតមុនដល់ថ្ងៃពិធីផ្លូវការនៅថ្ងៃទី១៨ ខែធ្នូ ពីព្រោះពិធីធំនេះគឺត្រូវការពេលវេលានិងកែសម្រួលខ្លះៗ ។ជារួមគឺការសម្តែងសាកល្បងនិងគ្រប់ផ្នែកផ្សេងៗ ទៀតដំណើរការដោយរលូនមិនមានអ្វីជាបញ្ហាធំនោះឡើយ។
សម្តេចពិជ័យសេនា ទៀ បាញ់ បានវាយតម្លៃខ្ពស់ចំពោះការខិតខំប្រឹងប្រែងរបស់គណៈកម្មការបច្ចេកទេសទាំងអស់ព្រមទាំងបានកោតសរសើរចំពោះ កីឡាករ កីឡាការិនី សិល្បករ សិល្បការិនីទាំងអស់កំពុងប្រឹងប្រែងហាត់សម និងចូលរួម ប្រកបដោយស្មារតីយកចិត្តទុកដាក់ខ្ពស់ ពិសេសគឺលោកគ្រូ អ្នកគ្រូក៏កំពុងខិតខំយ៉ាងសកម្មបំផុត៕
ដោយ ៖ ណារី
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៩ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ