ព័ត៌មានជាតិ
ពាណិជ្ជកម្មទ្វេភាគីរវាងកម្ពុជាវៀតណាមមានទំហំជិត ៨ពាន់លានដុល្លារកើនឡើងជាង ៨៧ភាគរយ
ក្នុងរយៈពេល១០ខែដើមឆ្នាំ២០២១ អត្រាពាណិជ្ជកម្មទ្វេភាគីរវាងប្រទេសកម្ពុជា និងវៀតណាម ទទួលបាន ៧ ៨៧០លានដុល្លារអាមេរិក កើនឡើង ៨៧,៥% បើប្រៀបធៀបនឹងរយៈពេលដូចគ្នានៅក្នុងឆ្នាំ២០២០ អត្រាពាណិជ្ជកម្មទ្វេភាគីទទួលបានជាង ៥ ៣០០លានដុល្លារអាមេរិក ក្នុងនោះទំនិញរបស់វៀតណាមនាំចេញមកកម្ពុជាមានជាង ៤ ១០០លានដុល្លារ និងទំនិញកម្ពុជានាំចូលទៅវៀតណាមជិត ១ ២០០លានដុល្លារអាមេរិក។
នៅឆ្នាំ ២០២១ ទំនិញកម្ពុជា នាំចេញទៅវៀតណាមទទួលបាន ៣ ៩៤០លានដុល្លារអាមេរិក កើនឡើង ៣៩៦% និងទំនិញវៀតណាមនាំចូលមកកម្ពុជា ៣ ៩៣០លានដុល្លារអាមេរិក កើនឡើង ១៧,១%បើប្រៀបធៀបនឹងរយៈពេលដូចគ្នាឆ្នាំ២០២០។
យោងតាមប្រភពពីតំណាងស្ថានីយ៍ទូរទស្សន៍វៀតណាម (VOV) នៅកម្ពុជា បានឲ្យដឹងថា បច្ចុប្បន្នវៀតណាម មានគម្រោងវិនិយោគជាង២០០ ដែលទទួលបានច្បាប់វិនិយោគនៅកម្ពុជា នៅលើវិស័យជាច្រើន ជាមួយទុនសរុបចុះបញ្ជីជាង ៣០០លានដុល្លារអាមេរិក ចំណែកឯកម្ពុជាវិញ មានជិត ២០គម្រោងវិនិយោគនៅវៀតណាម ជាមួយទុនសរុបចុះបញ្ជីជាង ៦០លានដុល្លារអាមេរិក។
បណ្ដាអាជីវកម្មវៀតណាម ដែលកំពុងមានសកម្មភាពនៅកម្ពុជា មិនគ្រាន់តែប្រមូលផ្ដុំលើការងារអាជីវកម្មរបស់ខ្លួនប៉ុណ្ណោះទេ តែក៏បានរួមចំណែកដល់ការអភិវឌ្ឍសេដ្ឋកិច្ច ការងារមនុស្សធម៌ជួយដល់សង្គម ដូចជាកសាងផ្លូវជនបទ ផ្ដល់នូវសេវាសុខាភិបាល កសាងសាលារៀន និងជួយដល់ជនក្រីក្រ ។
ជារៀងរាល់ឆ្នាំ វៀតណាមបានផ្ដល់អាហារូបករណ៍រយៈពេលវែងរាប់រយដល់និស្សិតកម្ពុជា រីឯកម្ពុជាក៏បានជួយបណ្ដុះបណ្ដាលនិស្សិតវៀតណាមរាប់រយនាក់ តាមសំណូមពររបស់ក្រសួងស្ថាប័ន និងមូលដ្ឋានរបស់វៀតណាម។
លោក Nguyen Huy Tang ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋសង្គមនិយមវៀតណាមប្រចាំកម្ពុជា បានមានប្រសាសន៍ថា « ចំពោះការអញ្ជើញរបស់ព្រះមហាក្សត្រនៃព្រះរាជាណាចក្រកម្ពុជា ព្រះបាទសម្ដេចព្រះបរមនាថ នរោត្តម សីហមុនី ប្រធានរដ្ឋយើងខ្ញុំ Nguyen Xuan Phuc នឹងអញ្ជើញមកបំពេញទស្សនកិច្ចផ្លូវរដ្ឋជាផ្លូវការនៅព្រះរាជាណាចក្រកម្ពុជា ចាប់ពីថ្ងៃទី២១ ដល់ថ្ងៃទី២២ ខែធ្នូ ឆ្នាំ២០២១។ នេះគឺជាដំណើរទស្សនកិច្ចដំបូងបង្អស់របស់ថ្នាក់ដឹកនាំជាន់ខ្ពស់របស់វៀតណាមយើងមកកាន់ព្រះរាជាណាចក្រកម្ពុជា ចាប់តាំងពីក្រោយមហាសន្និបាតបក្សលើកទី១៣ និងក្រោយមានការបោះឆ្នោតរដ្ឋសភាអាណត្តិទី១៤ ក៏ដូចជាក្រោយពេលដែលប្រទេសយើងទាំងពីរផ្ទុះឡើងនូវមេរោគកូវីដ-១៩ រហូតមកដល់ពេលនេះ។ ចំពោះកម្ពុជាវិញ នេះគឺជាទស្សនកិច្ចដំបូងរបស់ប្រមុខរដ្ឋបរទេសដែលមកកាន់ព្រះរាជាណាចក្រកម្ពុជាក្នុងឆ្នាំ២០២១»។
លោកថា ដំណើរទស្សនកិច្ចនេះក៏ជាសញ្ញាចាប់ផ្ដើមសកម្មភាពនៃឆ្នាំមិត្តភាពពិសេសវៀតណាម-កម្ពុជា កម្ពុជា-វៀតណាម ឆ្នាំ២០២២ ដើម្បីចូលរួមខួបអនុស្សាវរីយ៍ និងអបអរសាទរខួប ៥៥ឆ្នាំ នៃទំនាក់ទំនងការទូតរវាងប្រទេសទាំងពីរ (២៤ មិថុនា ១៩៦៧-២៤ មិថុនា ២០២២)៕ ដោយ៖ ទួន សុផល
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង