Connect with us

ព័ត៌មានជាតិ

មន្រ្តី​​​សាធារណការ​​ពិភាក្សា​គម្រោង​សាងសង់​ស្ពានឆ្លង​ទន្លេ​បាសាក់​នៅ​ចាក់អង្រែ

បានផុស

នៅ

មន្រ្តី​ក្រសួង​សាធារណការ​និង​ដឹក​ជញ្ជូន បាន​បើក​កិច្ចប្រជុំពិភាក្សាពី​គម្រោងសាងសង់ស្ពានព្រែកតាឡុង (ចាក់អង្រែក្រោម-ព្រែកប្រា) ឆ្លងកាត់ទន្លេបាសាក់ ក្នុងភូមិសាស្ត្ររាជធានីភ្នំពេញ ដោយមានការចូលរួមពីថ្នាក់ដឹកនាំក្រសួងទទួលបន្ទុក ក្រុមការងារជំនាញបច្ចេកទេសរបស់ក្រុមហ៊ុន Shanghai Construction Group Co., Ltd. (SCG) មន្ត្រីជំនាញពាក់ព័ន្ធក្រោមឱវាទក្រសួង និងភាគីពាក់ព័ន្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំពិភាក្សាគម្រោងសាងសង់ស្ពានព្រែកតាឡុង (ចាក់អង្រែក្រោម-ព្រែកប្រា) ឆ្លងកាត់ទន្លេបាសាក់ ក្នុងភូមិសាស្ត្ររាជធានីភ្នំពេញ ដឹកនាំដោយឯកឧត្តមរដ្ឋលេខាធិការ លឹម ស៊ីដេនីន ដោយមានការចូល រួមពីក្រុមការងារជំនាញបច្ចេកទេសក្រុមហ៊ុន Shanghai Construction Group Co.,Ltd. (SCG) កាលពី​ថ្ងៃទី០៤ ខែមករា ឆ្នាំ២០២២ នៅទីស្តីការក្រសួង។

កិច្ចប្រជុំនេះធ្វើឡើងក្នុងគោលបំណងដើម្បីពិនិត្យទៅលើរបាយការណ៍សិក្សាសមិទ្ធិលទ្ធភាពរបស់ក្រុមការងារជំនាញបច្ចេកទេសរបស់ក្រុមហ៊ុន Shanghai Construction Group Co., Ltd. (SCG) ដោយផ្តោតជាសំខាន់លើការរចនាប្លង់លម្អិតនៃគម្រោង កំណើនលំហូរចរាចរណ៍បច្ចុប្បន្ន និងលំហូរចរាចរណ៍ ព្យាករណ៍ក្នុងពេលអនាគត បណ្តាញផ្លូវតភ្ជាប់សងខាងស្ពានជាមួយនឹងបណ្តាញផ្លូវពាក់ព័ន្ធចំណុចប្រសព្វ តម្លៃប៉ាន់ស្មានសរុបលើគម្រោងសាងសង់ ជម្រើសរចនាប្លង់លម្អិត និងបទដ្ឋានបច្ចេកទេសនៃការសាងសង់ផងដែរ។

ថ្លែងបន្ទាប់ពីរបាយការណ៍បទបង្ហាញរបស់ក្រុមជំនាញការក្រុមហ៊ុនសៀងហៃ លឹម ស៊ីដេនីន រដ្ឋលេខាធិការក្រសួងសាធារណការ និងដឹកជញ្ជូន បានជំរុញលើកទឹកចិត្តឱ្យសមាជិកសមាជិកានៃអង្គប្រជុំផ្តល់មតិយោបល់ក៏ដូចជាធាតុ ចូលឱ្យបានច្រើនបន្ថែមទៀត ដើម្បីដាក់ជូនថ្នាក់ដឹកនាំពិនិត្យបន្ត។

គម្រោងសាងសង់ស្ពាននេះនឹងជួយកាត់បន្ថយការកកស្ទះចរាចរណ៍ធ្វើដំណើរឆ្លង កាត់ស្ពានព្រះមុនីវង្សឆ្លងកាត់ទន្លេបាសាក់ ភ្ជាប់ផ្លូវជាតិលេខ១នៅច្បារអំពៅ ជួយពង្រឹងដល់ទំនាក់ទំនង សេដ្ឋកិច្ចសង្គម រវាងរាជធានីភ្នំពេញប៉ែកខាងត្បូង ព្រលានយន្តហោះអន្តរជាតិភ្នំពេញថ្មី ទីក្រុងតាខ្មៅ ជាពិសេសធ្វើឱ្យប្រសើរឡើងដល់ប្រសិទ្ធភាពនៃការដឹកជញ្ជូន និងភស្តុភារកម្មនៅក្នុងតំបន់រាជធានីភ្នំពេញ សំដៅជំរុញការអភិវឌ្ឍសេដ្ឋកិច្ចសង្គមរបស់កម្ពុជា ជួយកាត់បន្ថយការកកស្ទះចរាចរណ៍នៅតាមដងទន្លេបាសាក់ និងជួយពន្លឿនការអភិវឌ្ឍតំបន់នោះផងដែរ។

មន្រ្តីជំនាញពាក់ព័ន្ធ បានលើកឡើងផងដែរនូវសំណូមពរមួយចំនួនពាក់ព័ន្ធទៅនឹងការរក្សាទុកឱ្យបានធំទូលាយនូវចន្លោះទទឹងសរសរស្ពានរំលងផ្លូវជាតិលេខ២ និងផ្លូវលេខ១១០ ការរក្សាទុកឱ្យបានគ្រប់គ្រាន់នូវកម្រិតលំហរសម្រាប់នាវាចរណ៍ឆ្លងកាត់ពីក្រោមស្ពាន ការសិក្សាពាក់ព័ន្ធទាំងបច្ចេកទេស សេដ្ឋកិច្ច និងបរិស្ថាន និងការស្នើសុំជ្រើសរើសស្ពានដែលមានសោភ័ណភាពសម្រាប់ទីក្រុងភ្នំពេញជាដើម៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៥ នាទី មុន

ប្រទេស ណាតូ មួយនេះមិនចូលរួមដាក់ទណ្ឌកម្មប្រឆាំង រុស្ស៊ី ដាច់ខាត

នយោបាយ៣៦ នាទី មុន

លោក ប្រាក់ សុខុន ស្នើឲ្យរដ្ឋអំណាចភូមា បញ្ជូនលោកស្រីអោងសាន ស៊ូជី ត្រឡប់ទៅលំនៅដ្ឋានវិញ

កីឡា៤១ នាទី មុន

សហព័ន្ធ​​បាល់ទះ​​ត្រៀម​​​ប្រកួត​ពាន​​​​សម្តេច​​តេជោ ក្រោយ​​ចប់​​ពាន​​​​សម្តេច​​ក្រឡា​ហោម​

សេចក្ដីជូនដំណឹង១ ម៉ោង មុន

សេចក្ដីជូនដំណឹង ស្ដីពីការអញ្ជើញចូលរួមដេញថ្លៃការផ្គត់ផ្គង់ផ្ទាំងប៉ាណូ និងបោះពុម្ពផ្សព្វផ្សាយរបស់មន្ទីរសុខាភិបាលនៃរដ្ឋបាលខេត្តបាត់ដំបង

ព័ត៌មានអន្ដរជាតិ១ ម៉ោង មុន

អាមេរិក ប្រកាសទិញប្រព័ន្ធការពារមីស៊ីលមួយទៀតឲ្យ អ៊ុយក្រែន

Sokha Hotels

ព័ត៌មានពេញនិយម