Connect with us

ព័ត៌មានជាតិ

ប្រយ័ត្ន​​ជិះ​ច្រឡំផ្លូវ​ទាំង ៥ ខ្សែ​​​​រង្វង់​មូល​ចោមចៅ​ ដាក់​ឲ្យ​ប្រើប្រាស់​បណ្តោះ​អាសន្ន

បានផុស

នៅ

ផ្លូវ​អាកាស​និង​ក្រោម​ដីនៅ​រង្វង់​ចោមចៅ​សម្រេច​ការ​ស្ថាបនា​បាន​ជាង ៩០ ភាគរយ។ ទោះបី​គម្រោង​មិន​ទាន់​បាន​បញ្ចប់​ទាំងស្រុង ក៏​ផ្នែក​ខ្លះ​នៃ​ការដ្ឋាន​ស្ថាបនា​ផ្លូវ​នេះ​ បាន​ដាក់​ឲ្យ​ដំណើរការ​បណ្ដោះអាសន្ន​ដើម្បី​បន្ថយ​ការ​កកស្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើ​តាម​រដ្ឋបាល​រាជធានីភ្នំពេញ មកដល់ពេលនេះ​មាន​ស្ពាន​អាកាស និង​ផ្លូវ​ក្រោមដី​ចំនួន ៥ ខ្សែ ក្នុង​ចំណោម ៨ ខ្សែ នៃ​គម្រោង​បាន​ដាក់​ដំណើរការ​បណ្តោះ​អាសន្ន។

ស្ពាន​អាកាស​និង​ផ្លូវក្រោមដីក្នុង​គម្រោង​ស្ពាន​អាកាស​ចោមចៅ​ទាំង ៥ ខ្សែ​ ដែល​​បើក​ឲ្យ​ប្រើប្រាស់​បណ្តោះអាសន្ន​​មាន​​៖

-ផ្លូវ​ក្រោម​ដី​ភ្ជាប់​ចរាចរ​ពីផ្លូវជាតិលេខ៤ មក​ផ្លូវ​សហព័ន្ធ​រុស្ស៊ី​មាន​ប្រវែង​សរុប ៤៧០ ម៉ែត្រ ទទឹង ៨,៥ម៉ែត្រ ជា​ផ្លូវ​ឯកទិស​មាន​ពីរ​គន្លង​រថយន្ត និង​មួយ​គន្លង​ទោចក្រយានយន្ត ដែល​បាន​បើក​ឲ្យ​ប្រើប្រាស់​បណ្ដោះអាសន្ន​នៅ​ថ្ងៃទី២៦ ខែ​តុលា ឆ្នាំ២០២០។

-កាល​ពី​ថ្ងៃ ២០ ធ្នូ ​ឆ្នាំ​២០២០ ផ្លូវ ២ ខ្សែ​ទៀត ក៏​បាន​បើក​ឲ្យ​ប្រើប្រាស់​បន្ថែម​ក្នុង​នោះ ខ្សែ​ទី​មួយ​ជា​ផ្លូវ​ក្រោម​ដី​ភ្ជាប់​ពី​ផ្លូវជាតិ​លេខ ៤ ឆ្ពោះ​ទៅ​មហាវិថី​ចោមចៅ​ជា​ផ្លូវ​ឯកទិស​មាន​ប្រវែង ៤៥៨​ម៉ែត្រ ទទឹង ៨.៥ម៉ែត្រ និង​ខ្សែ​ទី​ពីរ​ជា​ផ្លូវ​ឯក​ទិស​ភ្ជាប់​ចរាចរណ៍​ពី​ផ្លូវ​ជាតិ​លេខ ៤ បត់​ស្តាំ​ឆ្ពោះ​ទៅ​ផ្លូវ​ជាតិ​លេខ ៣ មាន​ប្រវែង ១១៦​ម៉ែត្រ ទទឹង ៥.៥ម៉ែត្រ។

-ដោយ​ឡែក​អំឡុង​ខែ​វិច្ឆិកា​ឆ្នាំ​២០២១ រដ្ឋបាល​រាជធានី​ភ្នំពេញ​បាន​បើក​ឲ្យ​ប្រើប្រាស់​ផ្លូវ​ក្រោម​ដី​ថ្មី​ភ្ជាប់​ចរាចរណ៍​ពី​មហាវិថី​ចោមចៅ ទៅ​ផ្លូវជាតិ​លេខ៤ ដើម្បី​សម្រួល​ការ​កក​ស្ទះ​ចរាចរ នៅ​ចំណុច​ការដ្ឋាន​សាងសង់​ស្ពាន​អាកាស និង​ផ្លូវ​ក្រោម​ដី​ចោមចៅ។

-បន្ទាប់​មក​នៅ​ថ្ងៃទី៣១ ខែ​ធ្នូ ឆ្នាំ​២០២១ ​អាជ្ញាធរ​បាន​បើក​ឲ្យ​ចរាចរ​ស្ពាន​អាកាស​ថ្មី​បន្ថែម ១ ខ្សែទៀត​ជាបណ្តោះអាសន្ន ដែល​ស្ពាន​កំណោង​ថ្មី​នេះមាន​ប្រវែង ២០០ម៉ែត្រ ទទឹង ៥,២៥ម៉ែត្រ ជា​ស្ពាន​ឯកទិស ធ្វើចរាចរ​ពី​មហាវិថី​ចោមចៅ​ឡើង​លើ​ស្ពាន​អាកាស​កំណោង រួច​បត់​ឆ្វេង​ទៅ​ភ្ជាប់​ចរាចរ​ឆ្ពោះ​ទៅផ្លូវជាតិលេខ៣ ក្នុង​ភូមិសាស្ត្រ​ខណ្ឌ​ពោធិ៍សែនជ័យ​។

ស្ពាន​អាកាស និង​ផ្លូវ​ក្រោម​ដី​ចោមចៅ ជា​គម្រោង​របស់​រាជរដ្ឋាភិបាល​កម្ពុជា​តាមរយៈ​រដ្ឋបាលរាជធានីភ្នំពេញ ដោយ​ទទួល​ការ​ស្ថាបនា​​ដោយ​ក្រុមហ៊ុន​វិនិយោគ​ទុន​អានិកជន​កម្ពុជា(OCIC) ដោយ​ប្រើប្រាស់​ថវិកា​ប្រមាណ​២២​លាន​ដុល្លារ​អាមេរិក។

បើតាម​អាជ្ញាធរ​រាជធានី​ភ្នំពេញ គម្រោង​ការដ្ឋាន​ទាំង​មូល​នឹង​រួចរាល់​នៅ​ចុង​ខែ​មីនា​ឆ្នាំ​២០២២ នេះ៕

អត្ថបទ៖ ប៊ុណ្ណារ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៨ នាទី មុន

សម្តេចតេជោ ហ៊ុន សែន លើកទឹកចិត្តឲ្យបង្កើនភាពប្រកួតប្រជែងលើទីផ្សារអន្តរជាតិ អំពីផលិតផលខ្មែរ ពិសេសមុខម្ហូបប្រពៃណីជាតិ

សន្តិសុខសង្គម៤៥ នាទី មុន

លើកដំបូង! ​ឆ្កែចចកព្រៃមួយ​ក្បាល​ចេញខាំ​ពលរដ្ឋ​បណ្ដាល​ឱ្យរងរបួស​ ៧ នាក់​នៅកំពង់ឆ្នាំង​

ព័ត៌មានជាតិ៤៨ នាទី មុន

លោក កើត រិទ្ធ ៖ ចៅក្រមគ្រប់រូប គប្បីសាកល្បងជួយសម្របសម្រួល និងផ្សះផ្សារវាងគូភាគី ដើម្បីអាចបញ្ចប់វិវាទ  

ព័ត៌មានអន្ដរជាតិ៤៨ នាទី មុន

ពិភពលោកកំពុងល្វីងមុខនឹងបញ្ហាធំៗចំនួន ៣

ព័ត៌មានជាតិ១ ម៉ោង មុន

អាជ្ញាធរ​ព្រះសីហនុ​ចុះស្ដារ​ប្រឡាយ​ អូរ​ជិត ៣០ ​គីឡូម៉ែត្រ​បង្ការ​ជំនន់​ទឹកភ្លៀង

Sokha Hotels

ព័ត៌មានពេញនិយម