Connect with us

ព័ត៌មានជាតិ

ត្រឹមតែ៣ថ្ងៃ មានភ្ញៀវទេសចរ ជិត៤៦ម៉ឺននាក់ដើរកម្សាន្តនៅទូទាំងប្រទេស ហើយភ្នំពេញច្រើនជាងគេ

បានផុស

នៅ

នៅក្នុង​រយៈពេល​៣ថ្ងៃ នៅចុងសប្តាហ៍មុន ពោល គឺចាប់ពីថ្ងៃទី៧-៩ ខែមករា​ មាន​ភ្ញៀវទេសចរ​ជិត​៤៦ម៉ឺន​នាក់​ បានដើរកម្សាន្តនៅតាមរមណីដ្ឋាននានានៅទូទាំងប្រទេស ក្នុងនោះរាជធានីភ្នំពេញ មានច្រើនជាងគេ។ នេះបើតាមការបញ្ជាក់របស់សម្តេចតេជោ ហ៊ុន សែន និងលោក ថោង ខុន រដ្ឋមន្រ្តីក្រសួងទេសចរណ៍នៅ​ព្រឹកថ្ងៃចន្ទនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ថោង ខុន​ រដ្ឋមន្ត្រីក្រសួងទេសចរណ៍​ បានឱ្យដឹង​នៅក្នុងទំព័រហ្វេសប៊ុកផ្លូវការ​របស់​ក្រសួង​ទេសចរ​ណ៍​ថា៖ «នាចុងសប្តាហ៍ ចាប់ពីថ្ងៃទី៧ ដល់ថ្ងៃទី៩ ខែមករា ឆ្នាំ២០២២ យើង​ទទួល​បានភ្ញៀវទេសចរ​សរុប​ចំនួន៤៥៦,៣៣៤នាក់ ក្នុងនោះភ្ញៀវជាតិមានចំនួន៤៤៣,៣៧៨នាក់ និងភ្ញៀវ​បរទេសផ្ទៃក្នុង១២,៩៥៦​នាក់»​។

តាមលោករដ្ឋមន្ត្រី គោលដៅទេសចរណ៍សំខាន់ៗដែលភ្ញៀវទេសចរទៅកម្សាន្ត រួមមាន រាជធានីភ្នំពេញ ៨៥,៤៥៨នាក់ ខេត្តព្រះសីហនុ ៧០,៦៤៨នាក់ ខេត្តសៀមរាប ៥០,៤៥៥នាក់ ខេត្តពោធិ៍សាត់ ៤៤,២៩១នាក់ ខេត្តបាត់ដំបង ៣៥,៩៥២នាក់ និងខេត្តកំពត ៣២,០៤២នាក់។ តួលេខខាងលើ មានការកើ​នឡើង​ប្រមាណ​១៨៥.២៨% ធៀបនឹងរយៈពេលដូចគ្នានៃឆ្នាំ២០២១ ដោយក្នុងនោះ គ្រាន់តែថ្ងៃឈប់សម្រាកទិវាជ័យជម្នះ ៧ មករា មានភ្ញៀវសរុបប្រមាណជិត​១៦ម៉ឺននាក់ បាន​ដើរកម្សាន្ត​តាមគោលដៅ​ទេសចរណ៍នានា​ទូទាំង​ប្រទេស។

លោករដ្ឋមន្ត្រីបានបន្តថា ចរន្តភ្ញៀវកុះករនាចុងសប្តាហ៍នេះ ជាការបង្កើនក្តីសង្ឃឹមសម្រាប់វិស័យឯកជន និងពលរដ្ឋដែលប្រកបមុខរបរក្នុងវិស័យទេសចរណ៍ បន្ទាប់ពីពេលឆ្លងឆ្នាំសាកលកន្លងមក ដែលមាន​ភ្ញៀវសរុបជាង២លាននាក់ ហើយក៏រំពឹងថានាឱកាសចូលឆ្នាំប្រពៃណីចិនឆ្នាំ២០២២ខាងមុខ ពិតជា​មាន​ភ្ញៀវទេសចរដើរកម្សាន្តជាច្រើនបន្ថែមទៀតផងដែរ។ ​លោករដ្ឋមន្ត្រី បានបន្ថែមថា ជាមួយចរន្តភ្ញៀវ​ទេស​ចរនាចុង​សប្តាហ៍នេះ ក្រសួងទេសចរណ៍ រដ្ឋបាលខេត្តបានណែនាំបន្ថែមឲ្យមន្ទីរទេសចរណ៍ សហការ​ជាមួយ​មន្ទីរសុខាភិបាល និងគោលដៅ​ទេសចរណ៍ទូទាំងប្រទេស​បន្តខិតខំជំរុញអ​នុវត្តនូវវិធាន​ការ៣កុំ និង៣ការពារ និងវិធានសុវត្ថិភាពទេសចរណ៍ និងការអនុវត្តន៍ SOP ក្នុងការទប់ស្កាត់កូវីដ-១៩ឲ្យបាន​ជាប់ជាប្រចាំ៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៦ នាទី មុន

មន្ត្រីជាន់ខ្ពស់ក្រសួងមហាផ្ទៃ៖ អំពើរជួញដូរមនុស្ស ជះឥទ្ធិពលមិនល្អដល់កម្ពុជា និងអាយុជីវិតពលរដ្ឋ

ព័ត៌មានជាតិ៥៥ នាទី មុន

ទោះរមណីយដ្ឋានអន្លង់ផ្សោតព្រះរំកិលលែងមានសត្វផ្សោត តែភ្ញៀវទេសចរអាចទៅទស្សនាឆ្អឹងផ្សោតបាន

ព័ត៌មានជាតិ១ ម៉ោង មុន

រដ្ឋបាលខេត្ដសៀមរាប នឹងស្នើទៅរដ្ឋាភិបាលបន្តឧបត្ថម្ភប្រាក់ដល់ពលរដ្ឋរស់នៅក្រុងរុនតាឯក

ព័ត៌មានជាតិ៣ ម៉ោង មុន

អគារធំមន្ទីរទេសចរណ៍ខេត្តបាត់ដំបង ជាទីតាំងស្នូលបង្កប់​វប្បធម៌ចម្រុះ​សម័យ​អាណានិគម​បារាំង​

ព័ត៌មានជាតិ៣ ម៉ោង មុន

ប.ស.ស កុមារ(អ្នកក្នុងបន្ទុកសមាជិក ប.ស.ស) ទទួលបានអត្ថប្រយោជន៍​ព្យាបាលឥតគិតថ្លៃ នៅគ្រប់មន្ទីរពេទ្យដៃគូ ប.ស.ស ទូទាំងប្រទេស

Sokha Hotels

ព័ត៌មានពេញនិយម