ព័ត៌មានជាតិ
បងប្អូនរួសរាន់ឡើង! ខេត្តសៀមរាប បើកយុទ្ធនាការចាក់ដូសជំរុញ ៦៤ ទីតាំង
សៀមរាប៖ យុទ្ធនាការចាក់វ៉ាក់សាំងបង្ការជំងឺកូវីដ១៩ ដូសទី៣ ឬដូសជម្រុញជូនដល់ប្រជាពលរដ្ឋខេត្តសៀមរាប បានចាប់ផ្តើមនាព្រឹកថ្ងៃទី១០ ខែមករា ឆ្នាំ២០២២នេះ។
សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ និងជាប្រធានក្រុមការងាររាជរដ្ឋាភិបាលចុះជួយខេត្តសៀមរាប បានចុះបើកយុទ្ធនាការដើម្បីឆ្លើយតប តាមរយៈនៃការផ្តល់វ៉ាក់សាំងបង្ការនិងកាត់បន្ថយហានីភ័យ លើស្ថានភាពរាតត្បាតនៃកូវីដ-១៩ ដែលកំពុងបន្តយាយីនៅលើពិភពលោក។
សម្តេចពិជ័យសេនា ទៀ បាញ់ បានវាយតម្លៃខ្ពស់ចំពោះស្មារតីចូលរួមនៃប្រជាពលរដ្ឋ ដែលបានទទួលយកការចាក់វ៉ាក់សាំងជាចលនាប្រជាជាតិ ពង្រឹងសមត្ថភាពរើបម្រះចេញពីវិបត្តិកូវីដ-១៩ រហូតបានបិទបញ្ចប់ព្រឹត្តិការណ៍សហគមន៍ ២០កុម្ភះ និងបានបើកប្រទេសឡើងវិញ។
សម្តេចពិជ័យសេនាបានលើកអំពីផែនការចាក់ស្រោចវ៉ាក់សាំង ដែលជានយោបាយយុទ្ធសាស្រ្តគន្លឹះរបស់ប្រមុខរាជរដ្ឋាភិបាល ដើម្បីបង្ហូរចរន្តសេដ្ឋកិច្ចសង្គមលើគ្រប់វិស័យ ជួសជុលសសៃឈាមសេដ្ឋកិច្ចកម្ពុជាឡើងវិញ។
សម្តេចពិជ័យក៏បានបញ្ជាក់ដែរថា នៅក្នុងយុទ្ធនាការនេះចំពោះប្រជាពលរដ្ឋដែលមិនទាន់បានទទួលការចាក់វ៉ាក់សាំងបង្កានៅឡើយនោះ ក៏អាចមកទទួលការចាក់វ៉ាក់សាំងដូសទី១ បានផងដែរ។
យោងតាមផែនការដែលបានគ្រោងទុក បេសកកម្មនៅក្នុងយុទ្ធនាការចាក់វ៉ាក់សាំងបង្កាជម្ងឺកូវីដ-១៩ សម្រាប់ប្រជាពលរដ្ឋខេត្តសៀមរាប ចាប់ពីអាយុ១៨ឆ្នាំឡើង និងចាប់ពីអាយុ១២ឆ្នាំដល់ក្រោម១៨ឆ្នាំ អនុវត្តដោយក្រុមគ្រូពេទ្យស៊ីវិល មានរយៈពេល១៤ថៃ្ង នៅតាមបណ្តាទីតាំងចំនួន២២កន្លែងទូទាំងខេត្ត ដូចជានៅមន្ទីរពេទ្យបង្អែកខេត្ត មន្ទីរពេទ្យបង្អែកស្រុកប្រតិបត្តិ និងតាមបណ្តាមណ្ឌលសុខភាពនានាផងដែរ។
ក្នុងយុទ្ធនាការចាក់វ៉ាក់សាំងសម្រាប់ពលរដ្ឋខេត្តសៀមរាបចាប់ពីអាយុ១៨ឆ្នាំឡើង ដោយក្រុមគ្រូពេទ្យកងយោធពលខេមរភូមិន្ទ មានរយះពេល១០ថ្ងៃ នៅបណ្តាទីតាំចំនួន៤២កន្លែង រួមមានតាមទីវត្តអារាម សាលារៀន និងសាលាឃុំ។ ជារួមក្នុងយុទ្ធនាកានេះទាំងមូល ទាំងបេសកកម្មរបស់ក្រុមគ្រូពេទ្យស៊ីវិល និងក្រុមគ្រូពេទ្យកងទ័ព ត្រូវបានអនុវត្តលើ ៦៤ទីតាំង។
តាមការរំលឹកដាស់តឿនរបស់រដ្ឋបាលខេត្តសៀមរាប ប្រជាពលរដ្ឋដែលត្រូវទទួលការចាក់វ៉ាក់សាំងដូសទី៣ ត្រូវយកប័ណ្ណចាក់វ៉ាក់សាំងលើកទី២ទៅជាមួយផងដែរ ដើម្បីពិនិត្យផ្ទៀងផ្ទាត់ និងត្រូវមានគម្លាតពេលវេលា ពីការចាក់លើកទី២ មកដល់ការទទួលចាក់លើកទី៣នេះ ពី៤ខែ ទៅ៦ខែ។ បើទោះជាបានទទួលការចាក់វ៉ាក់សាំងនេះក៏ដោយ វិធានសុខាភិបាល ៣ ការពារ និង ៣កុំ ការរក្សាគម្លាតនិងពាក់ម៉ាស់ ក៏នៅតែបន្តអនុវត្តជាកាតព្វកិច្ច ជាប់ជាប្រចាំផងដែរ៕
អត្ថបទ៖ គឿនវ៉េត
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៧ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៦ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៧ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ១៩ ម៉ោង ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៥ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)