Connect with us

ព័ត៌មានជាតិ

សហព័ន្ធសន្តិភាព​សកល​ គាំទ្រ​ និងចាត់ទុក​ ទស្សនកិច្ចការងារ​ របស់​សម្តេចតេជោ​ទៅកាន់​មីយ៉ាន់ម៉ា​ថា​ ជាទស្សនកិច្ច​សន្តិភាព​

បានផុស

នៅ

លោកបណ្ឌិត យុន យ៉ុងហូ អគ្គនាយកសហព័ន្ធសន្តិភាពសកលបានបង្ហាញការគាំទ្រអំពីទស្សនកិច្ចការងាររបស់សម្តេចអគ្គមហាសេនាបតីតេជោ ហ៊ុន សែន ទៅកាន់ មីយ៉ាន់ម៉ាជាពិសេសលោកចាត់ទុថាជាទស្សនកិច្ចដើម្បីសន្តិភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិត យុន យ៉ុងហូ បានប្រកាសគាំទ្រសម្តេចតេជោ ហ៊ុន សែន ក្នុងឱកាសសម្តេចទទួល ជួបសន្ទនាតាមប្រព័ន្ធវីដេអូអនឡាញនាព្រឹកថ្ងៃទី១១ ខែមករា ឆ្នាំ ២០២២នេះ។

លោក កៅ គឹមហួន រដ្ឋមន្រ្តីប្រតិភូអមសម្ដេចនាយករដ្ឋមន្ត្រីបានឲ្យដឹងថា លោកបណ្ឌិត យុន យ៉ុងហូ អគ្គនាយកសហព័ន្ធសន្តិភាពសកលបានជម្រាបសម្តេចតេជោ ហ៊ុន សែន ថា អង្គការសហព័ន្ធសន្តិភាពសកល(UPF)សូមវាយតម្លៃខ្ពស់និងអបអរសាទរចំពោះសម្ដេចតេជោនាយករដ្ឋមន្ត្រីដែលបានកាន់តំណែងជាប្រធានអាស៊ាន ឆ្នាំ២០២២ ហើយក៏ស្វាគមន៍និងអបអរសាទរចំពោះទស្សនកិច្ចការងាររបស់សម្តេចទៅកាន់ប្រទេសមីយ៉ាន់ម៉ាដែលចាត់ទុកថាជាទស្សនកិច្ចសន្តិភាព។

លោកក៏បាន សូមស្វាគមន៍ និងអបអរសាទនូវសមិទ្ធផលជោគជ័យពាក់ព័ន្ធទៅនឹងការជម្រុញបទឈប់បាញ់រហូតដល់ចុងឆ្នាំ២០២២នៅមីយ៉ាន់ម៉ា ការគាំទ្រប្រេសិតពិសេសប្រធានអាស៊ានដើម្បីមានលទ្ធភាពក្នុងការជួបជាមួយភាគីពាក់ព័ន្ធនៅប្រទេសមីយ៉ាន់ម៉ានិងអំពីការផ្ដល់ជំនួយមនុស្សធម៌ដែលការងារនេះអាចចាត់ទុកថាជាផ្លែផ្កានៃដំណើរ អញ្ជើញរបស់សម្តេចតេជោទៅកាន់មីយ៉ាន់ម៉ា។

លោកបណ្ឌិត យុន យ៉ុងហូ អគ្គនាយកសហព័ន្ធសន្តិភាពសកលក៏បានគាំទ្រចំពោះទស្សនៈសន្តិភាពរបស់សម្ដេចតេជោនាយករដ្ឋមន្ត្រី។ លោកបណ្ឌិតក៏បានស្នើសុំសម្ដេចតេជោហ៊ុនសែនអំពីគំនិតផ្តួចផ្តើមរៀបចំសួនមេគង្គសន្តិភាពឱ្យមាននៅក្នុងប្រទេសកម្ពុជាជាគំនិតផ្ដួចផ្ដើមមួយដ៏សំខាន់ក្នុងការជំរុញឲ្យតំបន់មេគង្គមានសន្តិភាព។

សូមរំលឹកថា សម្តេចតេជោនាយករដ្ឋមន្ត្រីធ្លាប់បានទទួលបានមេដាយមាសសន្តិភាពពិភពលោកWorld Summit Peace ពីមហាសន្និបាតនៃក្តីសង្ឃឹមលើកទី៧ ក្រោមប្រធានបទស្តីពី «សន្តិភាពនៅតំបន់អាស៊ីប៉ាស៊ីហ្វិក»។ មេដាយនេះទទួលបានក្នុងនាមជាសហប្រធានសម្រាប់រៀបចំកិច្ចប្រជុំកំពូលសន្តិភាពនៅឧបទ្វីបកូរ៉េនិងពិភពលោកឆ្នាំ២០២១៕

អត្ថបទ៖ណារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម