Connect with us

ព័ត៌មានជាតិ

សម្ដេចតេជោ ហ៊ុន សែន ឆ្លើយតបសំណើបេក្ខជនធ្លាក់បាក់ឌុប សុំត្រឹមជាប់

បានផុស

នៅ

ទន្ទឹមពេលសម្ដេចតេជោប្រកាសអបអរ និងគ្រោងជួបបេក្ខជនប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា ២០២០ ២០២១ នេះ មានបេក្ខជនដែលបានប្រឡង់ធ្លាក់ បានស្នើសុំការយោគយល់ ដោយសុំត្រឹមតែជាប់សញ្ញាបត្រនេះ ពីសម្ដេចតេជោ នាយករដ្ឋមន្ត្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បេក្ខជនបានលើកឡើងថា៖ “ជម្រាបសួរលោកតាសម្តេច! បើចៅប្រលងធ្លាក់ តើមានការយោគយល់បន្តិចទេលោកតា? ចៅសុំតែម៉ាជាប់ទេ សុំលោកតាអនុគ្រោះផង”។

ភ្លាមៗនោះ សម្ដេចតេជោ ហ៊ុន សែន មានប្រសាសន៍ឆ្លើយតបតាមការបញ្ចេញមតិលើការបង្ហោះបណ្ដាញសង្គមថា៖ “បើប្រឡងធ្លាក់ហើយបែរជាមានការយោគយល់ឱ្យជាប់ យើងមិនបាច់ប្រឡងទេ នាំអស់លុយ និងកម្លាំង។ សូមចៅខិតខំរៀនដើម្បីឆ្នាំក្រោយចូលប្រឡងបន្តទៀត”។

កាលពីថ្ងៃទី ១៤ ខែមករានេះ ក្រសួង​អប់រំ​បាន​ចេញលទ្ធផលការប្រឡង​សញ្ញាបត្រមធ្យមសិក្សាទុតិយភូមិ ឬបាក់ឌុប នាសម័យប្រឡង​ថ្ងៃ ២៧ ធ្នូ ឆ្នាំ​២០២១ តាម​លទ្ធផល​ បេក្ខជនប្រឡងជាប់មានចំនួន ៧២ ០១៦ នាក់ ត្រូវជា ៦៥,៦៥ ភាគរយ។

គួររំលឹកថា ថវិកាសម្រាប់ចំណាយក្នុងការរៀបចំប្រឡងសញ្ញាបត្រមធ្យមសិក្សាទុតិយភូមិឆ្នាំ ២០២១ មានទឹកប្រាក់សរុបចំនួន ២១ ១៩១,៩ លានរៀល ស្មើនឹងជាង ៥ លានដុល្លារអាមេរិក។ ការចំណាយលើការប្រឡងសញ្ញាបត្រមធ្យមសិក្សាទុតិយភូមិនេះ ផ្តោតសំខាន់គឺប្រាក់ឧបត្ថម្ភលើគណៈកម្មការនានា ក្នុងកិច្ចដំណើរការប្រឡង ដែលមាន ៤ ដំណាក់កាល គឺការតាក់តែងប្រធានវិញ្ញាសា ពេលសំណេរ ពេលកំណែ និងបូកស្រង់ដោយកុំព្យូទ័រ។

គួរបញ្ជាក់ថា នៅយប់មិញនេះ សម្ដេចតេជោ ហ៊ុន សែន បានប្រកាសលើបណ្ដាញសង្គមផ្លូវការរបស់សម្ដេចថាដោយ សម្ដេចបានអបអរសាទរចំពោះបេក្ខជនដែលបានប្រឡងជាប់មធ្យមសិក្សាទុតិយភូមិទាំងអស់នៅទូទាំងប្រទេស។ ក្នុងនោះ សម្ដេចបានកោតសរសើរចំពោះបេក្ខជនដែលបានជាប់ចំណាត់ថ្នាក់និទ្ទេស A ទាំងអស់ ដែលឆ្នាំនេះមានរហូតដល់ ១ ៧៥៣ នាក់។ សម្ដេចបានបញ្ជាក់បន្ថែមថា ដូចឆ្នាំមុនៗដែរ លើកលែងតែឆ្នាំ ២០២០ ដែលឱ្យបេក្ខជនជាប់ទាំងអស់គ្នាដោយគ្មាននិទេ្ទសដោយសារកូវីដ-១៩ ឆ្នាំនេះសម្ដេចនឹងជួបជាមួយបេក្ខជនដើម្បីលើកទឹកចិត្តសម្រាប់ដែលបានខិតខំរៀនសូត្ររហូតប្រឡងជាប់ និងទទួលបាននិទ្ទេស A ដោយពេលវេលា និងទីកន្លែងជួប នឹងជម្រាបតាមក្រោយ តាមរយៈ លោក ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៥ នាទី មុន

ដំណាំស្រូវជាង​ ៦០០ ហិកតា​ ក្នុង​ខេត្តត្បូងឃ្មុំ​ និង​បន្ទាយមានជ័យ​រង​ផលប៉ះពាល់​ដោយសារ​ជំនន់​ទឹកភ្លៀង

ជីវិតកម្សាន្ដ១ ម៉ោង មុន

នាំមុខគេក្នុងប្រទេស ថៃ តារា ៧ ដួងនេះ ក្លាយជាបុគ្គលមានអ្នក Follow ច្រើនជាងគេលើ Instagram

ព័ត៌មានជាតិ២ ម៉ោង មុន

រដ្ឋមន្ត្រីកសិកម្មស្នើឱ្យបារាំងនាំចូលផលិតផលកម្ពុជាទៅទីផ្សារបារាំង និងអឺរ៉ុបឱ្យកាន់តែច្រើនថែមទៀត

ព័ត៌មានអន្ដរជាតិ៣ ម៉ោង មុន

WHO ប្រឆាំងការដាក់បម្រាមធ្វើដំណើរ ទោះផ្ទុះជំងឺ អុតស្វា

សន្តិសុខសង្គម៣ ម៉ោង មុន

រថយន្ត​ធុនធំ​១គ្រឿង​បុករថយន្ត​បែនដឹកដី​ប៉ើងលើខឿន​ផ្លូវជាតិ​លេខ៥ ​កន្លែង​ដាំផ្កា

Sokha Hotels

ព័ត៌មានពេញនិយម