ព័ត៌មានជាតិ
សម្ដេចតេជោ ស្នើអគ្គលេខាធិការអាស៊ានគាំទ្រ និងជួយដល់ការររៀបចំកិច្ចសន្ទនា អាស៊ាន-ពិភពលោក
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងអំពីផែនការរបស់កម្ពុជា ក្នុងការធ្វើជាប្រធានអាស៊ាននាឆ្នាំ ២០២២នេះ ដែលមានផែនការរៀបចំឲ្យមានកិច្ចសន្ទនា អាស៊ាន-ពិភពលោក។ ការលើកឡើងនេះ គ្រាដែលសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអនុញ្ញាតឲ្យលោក ដាតុ លឹម ចុក ហ៊ុយ អគ្គលេខាធិការអាស៊ាន និងអគ្គលេខាធិការរងចំនួន ៣រូបទៀត ចូលជួបសម្ដែងការគួរសម និងពិភាក្សាការងារ នៅព្រឹកថ្ងៃទី ១៧ ខែមករា ឆ្នាំ ២០២២នេះ នាវិមានសន្តិភាពទីស្ដីការនាយករដ្ឋមន្ត្រី។
លោកបណ្ឌិត កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី មានប្រសាសន៍ប្រាប់ក្រុមអ្នកសារព័ត៌មាន បន្ទាប់ពីបញ្ចប់ជំនួបនេះថា សម្ដេចតេជោនាយករដ្ឋមន្ត្រី បានលើកឡើងអំពីផែនការរៀបចំ ឲ្យមានកិច្ចសន្ទនា អាស៊ាន-ពិភពលោក នៅពេលដែលកម្ពុជាធ្វើជាប្រធានអាស៊ាន នាឆ្នាំ ២០២២នេះ។
កាលពីឆ្នាំ ២០១២ ដែលប្រទេសកម្ពុជា ជាប្រធានអាស៊ានលើកទី ២នោះ គឺបានរៀបចំកិច្ចសន្ទនា អាស៊ាន-ពិភពលោកម្ដងរួចមកហើយ។ ចំណែកឯឆ្នាំ ២០២២នេះ ដោយសារស្ថានភាពតម្រូវការ ពាក់ព័ន្ធធ្វើយ៉ាងណា ក្នុងការខិតខំជំរុញសេដ្ឋកិច្ចអាស៊ានស្ទុះឡើងវិញ។ ដូច្នេះ សម្ដេចតេជោ ហ៊ុន សែន បានស្នើឲ្យអគ្គលេខាធិការអាស៊ានគាំទ្រ និងជួយដល់ការររៀបចំកិច្ចប្រជុំនេះ ដោយសារកម្ពុជា មានផែនការអញ្ជើញតួអង្គសំខាន់ៗ របស់ស្ថាប័នអន្តរជាតិ ដូចជា៖ ធនាគារពិភពលោក, មូលនិធិរូបិយវត្ថុអន្តរជាតិ (IMF), ធនាគារអភិវឌ្ឍន៍អាស៊ី (ADB), អង្គការពាណិជ្ជកម្មពិភពលោក, និងអង្គការសុខភាពិភពលោក ផងដែរ។
ជាមួយគ្នានេះ សម្ដេចតេជោនាយករដ្ឋមន្ត្រី ក៏បានមានប្រសាសន៍លើឡើងថា សមាជិកអាស៊ាន គួរតែធ្វើយ៉ាងណា ពិនិត្យទៅលើប្រធានបទ ក្រោយពីវិបត្តិកូវីដ-១៩ ក្នុងការសា្ដរសេដ្ឋកិច្ចអាស៊ានឡើងវិញ។ សម្ដេចតេជោ ហ៊ុន សែន បានគូសបញ្ជាក់ថា អាស៊ាន មានការងារច្រើនណាស់ ដែលត្រូវតែធ្វើ ជាពិសេសក្នុងឆ្នាំ ២០២២នេះ ហើយអាស៊ាន មិនអាចចំណាយពេល ឬគិតតែបញ្ហានៅក្នុងប្រទេសមីយ៉ាន់ម៉ា នោះទេ ហើយក៏មិនត្រូវអនុញ្ញាតឲ្យមីយ៉ាន់ម៉ា យកអាស៊ានជាចំណាប់ខ្មាំងនោះដែរ។
ក្នុងន័យនេះដែរ សម្ដេចតេជោនាយករដ្ឋមន្ត្រី ក៏បានជំរុញធ្វើយ៉ាងណា ឲ្យអាស៊ានបន្តអនុវត្តលើការងារចាំបាច់មួយចំនួនផ្សេងទៀត ដែលជាការចំបងរបស់អាស៊ាន នៅក្នុងឆ្នាំ ២០២២នេះ។
ពាក់ព័ន្ធនឹងបញ្ហានេះ លោក ដាតុ លឹម ចុក ហ៊ុយ អគ្គលេខាធិការអាស៊ាន បានលើកឡើងថា នេះជាគំនិតល្អ ហើយលោកសន្យាថា នឹងបន្តធ្វើការងារជាមួយនឹងអាស៊ាន ក៏ដូចជាវិស័យផ្សេងៗ ដែលពាក់ព័ន្ធ៕
អត្ថបទ៖ ឃួន សុភ័ក្រ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ