Connect with us

ព័ត៌មានជាតិ

៥ សាលា​ ល្បី​​​នៅ​ភ្នំពេញ ចង់​រៀន​ពេទ្យ​អាច​សាកសួរ​បាន

បានផុស

នៅ

ជំនាញសុខាភិបាល​ឬពេទ្យ​នេះ​ ជាជំនាញ​មួយដែល​ត្រូវការ​ភាព​ច្បាស់លាស់ គួប​ផ្សំ​សមត្ថភាពខ្លាំង និង​ការអំណត់​ខ្ពស់ ហើយ​គ្រឹះស្ថាន​បណ្តុះបណ្តាល​ក៏​ត្រូវ​ប្រកប​ដោយ​គុណភាព​​ មាន​ស្តង់ដា​ត្រឹមត្រូវ។

កម្ពុជា​ថ្មី​​សូមណែនាំ​​ស្ថាប័ន ៥ ដែល​មាន​ជំនាញ​បណ្តុះបណ្តាល​ផ្នែក​សុខាភិបាល​ ដែល​សិស្ស​និស្សិត​អាច​ស្វែងយល់​ដើម្បី​ចុះឈ្មោះសិក្សា​បាន។

សាកលវិទ្យាល័យវិទ្យាសាស្ត្រសុខាភិបាល(ស.វ.ស)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាកលវិទ្យាល័យវិទ្យាសាស្រ្តសុខាភិបាល ហៅក្រៅ សាលាក្រហម ជាគ្រឹះស្ថានសាធារណៈរដ្ឋដ៏មានប្រជាប្រិយដែលបណ្តុះបណ្តាលទៅលើផ្នែក វេជ្ជសាស្រ្ត ឱសថសាស្រ្ត ទន្តសាស្រ្ត បច្ចេកទេសថែទាំវេជ្ជសាស្រ្ត និងសុខភាពសាធារណៈ​។

ជំនាញ​សិក្សា​នៅ​សាកលវិទ្យាល័យវិទ្យាល័យវិទ្យាសាស្រ្តសុខាភិបាលមាន​៖

១. មហាវិទ្យាល័យវេជ្ជសាស្រ្ត

-ថ្នាក់បរិញ្ញាបត្រវិទ្យាសាស្រ្តវេជ្ជសាស្រ្ត

-ថ្នាក់វេជ្ជបណ្ឌិត

-ថ្នាក់វេជ្ជបណ្ឌិតឯកទេស (២២ ឯកទេស )

២. មហាវិទ្យាល័យទន្តវទនសាស្រ្ត

-ថ្នាក់បរិញ្ញាបត្រវិទ្យាសាស្រ្តទន្តវទនសាស្រ្ត

-ថ្នាក់ទន្តបណ្ឌិត

-ថ្នាក់បរិញ្ញាបត្រជាន់ខ្ពស់ផ្នែកពត់ធ្មេញ

៣. មហាវិទ្យាល័យឱសថសាស្រ្ត

-ថ្នាក់បរិញ្ញាបត្រ ឱសថសាស្រ្ត

-ថ្នាក់បរិញ្ញាបត្រជាន់ខ្ពស់ផ្នែកវិទ្យាសាស្រ្តឱសថសាស្រ្ត

-ថ្នាក់បរិញ្ញាបត្រជាន់ខ្ពស់ វេជ្ជ-ជីវសាស្រ្ត

៤. សាលាបច្ចេកទេសថែទាំវេជ្ជសាស្រ្ត

-ថ្នាក់ឯកទេសចក្ខុគិលានុបដ្ឋាក

-ថ្នាក់បរិញ្ញាបត្រ និង បរិញ្ញាបត្ររង គិលានុបដ្ឋាក

-ថ្នាក់បរិញ្ញាបត្រ និង បរិញ្ញាបត្ររង ឆ្មប

-ថ្នាក់បរិញ្ញាបត្រ និង បរិញ្ញាបត្ររង ព្យាបាលដោយចលនា

-បរិញ្ញាបត្ររង បច្ចេកទេសមន្ទីរពិសោធន៍

-បរិញ្ញាបត្ររង បច្ចេកទេសវិទ្យុសាស្រ្ត

៥. ផ្នែកសុខភាពសាធារណៈ

-ថ្នាក់បរិញ្ញាបត្រ សុខភាពសាធារណៈ

សាកលវិទ្យាល័យ ពុទ្ធិសាស្រ្ត (University of Puthisastra)

ជាគ្រឹះស្ថានឧត្ដមសិក្សារបស់​ឯកជន។ សាកលវិទ្យាល័យពុទ្ធិសាស្រ្ត មានមហាវិទ្យាល័យចំនួន ២ គឺ​មហាវិទ្យាល័យវិទ្យាសាស្រ្ត និងបច្ចេកវិទ្យា និង​មហាវិទ្យាល័យ​វិទ្យាសាស្រ្ត​សុខាភិបាល​។ មហាវិទ្យាល័យវិទ្យាសាស្រ្តសុខាភិបាល មាន​បណ្តុះបណ្តាលលើ​មុខជំនាញ​ដូចជា៖

-វេជ្ជសាស្រ្ត និងរោគកុមារ

-ទន្តសាស្រ្ត

-ឆ្មប

-មន្ទីរពិសោធន៍វេជ្ជសាស្រ្ត

-គិលានុបដ្ឋាក

-ឱសថសាស្រ្ត

-សុខភាពសាធារណៈ និងការស្រាជ្រាវ

សាកលវិទ្យាល័យន័រតុន

ជាសាកលវិទ្យាល័យឯកជនដំបូងគេនៅប្រទេសកម្ពុជាដែលត្រូវបានបង្កើតឡើងនៅថ្ងៃទី ២ ខែធ្នូ ឆ្នាំ ១៩៩៧។

សាកលវិទ្យាល័យន័រតុន មានមហាវិទ្យាល័យចំនួន ៤ ក្នុងនោះក៏មានមហាវិទ្យាល័យវិទ្យាសាស្រ្តសុខាភិបាលផងដែរ។

១. មហាវិទ្យាល័យវិទ្យាល័យសាស្រ្តសុខាភិបាល

• ផ្នែកមធ្យម:

-ជំនាញ ៖ គិលានុបដ្ឋាក (សិក្យារយ:ពេល ៣ឆ្នាំ)

-ជំនាញ ៖ ឆ្មបសាស្រ្ត (សិក្យារយ:ពេល ៣ឆ្នាំ)

-ជំនាញ ៖ មន្ទីរពិសោធន៍វេជ្ជសាស្រ្ត (សិក្យារយ:ពេល ៣ឆ្នាំ)

• ផ្នែកឧត្តម:

-ជំនាញ ៖ វេជ្ជបណ្ឌិត (សិក្យារយ:ពេល ៨ឆ្នាំ)

-ជំនាញ ៖ ទន្តបណ្ឌិត (សិក្យារយ:ពេល ៧ឆ្នាំ)

-ជំនាញ ៖ ឪសថការី (សិក្យារយ:ពេល ៥ឆ្នាំ)

-ជំនាញ ៖ គិលានុបដ្ឋាក (សិក្យារយ:ពេល ៤ឆ្នាំ)

សាកលវិទ្យាល័យអន្តរជាតិ (IU)

គឺជាស្ថាប័នឧត្ដមសិក្សាឯកជនមួយយដែលមានឯកទេសខាងឱសថសាស្ត្រនិងវិទ្យាសាស្ត្រសុខាភិបាល។ បង្កើតឡើងនៅឆ្នាំ២០០២ សាកលវិទ្យាល័យអន្តរជាតិត្រូវបានទទួលស្គាល់ជាផ្លូវការដោយក្រសួងអប់រំយុវជននិងកីឡា។

ជាគ្រឹះស្ថានឧត្តមសិក្សាឯកជននេះ មានមហាវិទ្យាល័យ រោគកុមារ វេជ្ជសាស្ត្រទូទៅ ឱសថសាស្រ្ត ទន្តវទនសាស្ត្រ និងមហាវិទ្យាល័យថែទាំវេជ្ជសាស្ត្រ គិលានុបដ្ឋាក ឆ្មប មន្ទីរពិសោធន៍វេជ្ជសាស្ត្រ។

វិទ្យាស្ថានវិទ្យាសាស្រ្តសុខាភិបាល ខ.ភ.ម

បង្កើតឡើងនៅឆ្នាំ២០០៤ជាគ្រឹះស្ថានឧត្តមសិក្សាសាធារណៈដែលបណ្តុះបណ្តាលវិស័យសុខាភិបាល។ វិទ្យាសាស្រ្តសុខាភិបាល ខ.ភ.ម មានមហាវិទ្យាល័យចំនួន៣ និងសាលាថែទាំវេជ្ជសាស្រ្តចំនួន១ដែលមានមុខជំនាញ៖

១. មហាវិទ្យាល័យវេជ្ជសាស្រ្ត

• ជំនាញ៖ វេជ្ជសាស្រ្ត

២. មហាវិទ្យាល័យឱសថសាស្រ្ត

• ជំនាញ៖ ឱសថសាស្រ្ត

៣. មហាវិទ្យាល័យទន្តវទនសាស្រ្ត

• ជំនាញ៖ ទន្តសាស្រ្ត

៤. សាលាថែទាំវេជ្ជសាស្រ្ត

• ជំនាញ៖ គិលានុបដ្ឋាក

• ជំនាញ៖ ឆ្មប

• ជំនាញ៖ គិលានុបដ្ឋាក-ឆ្មប

• ជំនាញ៖ បច្ចេកទេសមន្ទីរពិសោធន៍វេជ្ជសាស្រ្ត

សម្រាប់​ព័ត៌មាន​បន្ថែម តម្លៃ​ រួម​ទាំង​លក្ខខណ្ឌ​ចុះឈ្មោះ​ចូលរៀន សិស្ស​និស្សិត​អាច​សាកសួរ​ទីតាំង​សាលាផ្ទាល់​​៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម