បង្ហើបតម្លៃ​សិក្សាជំនាញសុខាភិបាល នៅ​​សាលា​ពេទ្យ​ដ៏ល្បីនៅ​ភ្នំពេញ

សាកលវិទ្យាល័យ​វិទ្យាសាស្ត្រ​សុខាភិបាល ឬ​ច្រើន​គេ​ហៅ​ថា​សាលា​ក្រហម ​គឺ​ជា​គ្រឹះស្ថាន​ឧត្ដមសិក្សា​ផ្នែក​សុខាភិបាល ឈាន​មុខ​គេ​​មួយ​នៅ​ក្នុង​រាជធានីភ្នំពេញ ដែល​បាន​បង្កើត​ឡើង​តាំង​ពី​ឆ្នាំ ១៩៤៦។

សាលាពេទ្យ​ដ៏ល្បីដែលជាទីប្រាថ្នា​សម្រាប់​អ្នក​ចង់​សិក្សាជំនាញពេទ្យ​ ថ្មីៗ​នេះបាន​បង្ហាញពី​តម្លៃ​សិក្សា​សម្រាប់​និស្សិត​ដែល​ត្រូវ​ចូលរៀនឆ្នាំទីមួយ​សម្រាប់​ឆ្នាំ​សិក្សា ២០២២-២០២៣​។

ក. ចំពោះ​ថ្នាក់​បណ្តុះបណ្តាល​ទាំង ៣ ជំនាញ៖

-ថ្នាក់​វេជ្ជបណ្ឌិត​ទូទៅ (សិក្សា​រយៈពេល ៨ ឆ្នាំ) តម្លៃ​សិក្សា​ ១ ៦៥០ ដុល្លារ

-ថ្នាក់ទន្តបណ្ឌិត (សិក្សា​រយៈពេល ៧ ឆ្នាំ) តម្លៃ​សិក្សា ១ ៦៥០ ដុល្លារ

-ថ្នាក់បរិញ្ញាបត្រឱសថសាស្ត្រ (សិក្សា​រយៈពេល ៥ ឆ្នាំ) តម្លៃ​សិក្សា ១ ៦៥០ ដុល្លារ

ខ. ចំពោះ​ថ្នាក់​បរិញ្ញាបត្រ ​រយៈពេល​សិក្សា ៤ឆ្នាំ៖

-ថ្នាក់​បរិញ្ញាបត្រ​សុខភាព​សាធារណៈ តម្លៃ ១ ៣០០ ដុល្លារ

-ថ្នាក់​បរិញ្ញាបត្រ​គិលានុបដ្ឋាក តម្លៃ ១ ៣០០ ដុល្លារ​

-ថ្នាក់​បរិញ្ញាបត្រ​ឆ្មប តម្លៃ​សិក្សា ១ ៣០០ ដុល្លារ

-ថ្នាក់​បរិញ្ញាបត្រ​ព្យាបាល​ដោយចលនា តម្លៃ​សិក្សា ១ ៣០០ ដុល្លារ

​គ. ថ្នាក់​បរិញ្ញាបត្រ​បន្ត​ពី​បរិញ្ញាបត្ររង​មាន​រយៈ​ពេល​សិក្សា ១ ឆ្នាំ

-ថ្នាក់​បរិញ្ញាបត្រ​បន្តពីបរិញ្ញាបត្ររង តម្លៃ​សិក្សា ១ ៣០០ ដុល្លារ

ឃ. ចំពោះ​ថ្នាក់បរិញ្ញាបត្រ​រង មាន​រយៈពេល​សិក្សា ៣ ឆ្នាំ៖

-ថ្នាក់បរិញ្ញាបត្ររងគិលានុបដ្ឋាក តម្លៃ ១ ០០០ ដុល្លារ

-ថ្នាក់បរិញ្ញាបត្ររងឆ្មប ថ្នាក់បរិញ្ញាបត្ររងមន្ទីរពិសោធន៍ តម្លៃ ១ ០០០ ដុល្លារ

-ថ្នាក់បរិញ្ញាបត្ររងវិទ្យុសាស្ត តម្លៃ ១ ០០០ ដុល្លារ

-ថ្នាក់បរិញ្ញាបត្ររងព្យាបាលដោយចលនា តម្លៃ ១ ០០០ ដុល្លារ

-ថ្នាក់បរិញ្ញាបត្ររងវិស្វកម្មជីវវេជ្ជសាស្ត តម្លៃ ១ ០០០ ដុល្លារ

ង. ចំពោះ​ថ្នាក់​បរិញ្ញាបត្រ​ជាន់ខ្ពស់​រយៈពេល​សិក្សា ២ ឆ្នាំ តម្លៃ ២ ០០០ ដុល្លារ សម្រាប់ ១ ឆ្នាំ​សិក្សា។

ច. ចំពោះ​ថ្នាក់ឯកទេស​មានរយៈពេលសិក្សាពី ៣ ឆ្នាំ ទៅ ៤ ឆ្នាំ អាស្រ័យ​តាម​ឯកទេស​នីមួយៗ តម្លៃ ២ ២៥០ ដុល្លារ សម្រាប់ ១ ឆ្នាំសិក្សា៕

ដោយ៖ ថារី