Connect with us

ព័ត៌មានជាតិ

ខេត្តកំពង់ធំ មានអ្នក​​ស្លាប់​ដោយ​កូវីដ ២៦៧ នាក់ គិត​ត្រឹមថ្ងៃ ១៣ មករា

បានផុស

នៅ

គិតត្រឹមថ្ងៃទី១៣ ខែមករា ឆ្នាំ២០២២ ខេត្តកំពង់ធំបានធ្វើតេស្តសំណាកប្រជាពលរដ្ឋអ្នកពាក់ព័ន្ធ អ្នកជំងឺ​កូវីដ-១៩ ចំនួន៧៨.៦៨២ សំណាក និងបានរកឃើញអ្នកវិជ្ជមានជំងឺកូវីដ១៩ ចំនួន ៦.៧០៩នាក់ ក្នុងនោះព្យាបាលជាសះស្បើយចំនួន ៦.៤៣៥នាក់ ស្លាប់ចំនួន២៦៧នាក់ និងកំពុងសម្រាកព្យាបាលចំនួន៧នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះបើតាមរបាយការណ៍សង្ខេបរបស់លោកឈុន ឈន់ ប្រធានក្រុមប្រឹក្សាខេត្តកំពង់ធំ នៅក្នុងសន្និសីទសារព័ត៌មាន ស្តីពីវឌ្ឍនភាពមូលដ្ឋានឃុំ សង្កាត់ និងទិសដៅការងារបន្តរបស់ខេត្តកំពង់ធំ ដែលរៀបចំដោយអង្គភាពអ្នកនាំពាក្យរាជរដ្ឋាភិបាលនាថ្ងៃព្រហស្បតិ៍ ទី២០ ខែមករា ឆ្នាំ២០២២នេះ។

បើតាមលោក ឈុន ឈន់ ជាការឆ្លើយតបទៅនឹងការឆ្លងរីករាលដាលនៃជំងឺកូវីដ-១៩ ក្នុងខេត្តកំពង់ធំ រដ្ឋបាលខេត្តបានដាក់ចេញ​សេចក្តីណែនាំចំនួន០២ និងសេចក្តីសម្រេច ចំនួន២១ ព្រមទាំងលិខិតបទដ្ឋាន គតិយុត្តសំខាន់ៗជាច្រើនទៀត។ ការដាក់ចេញឲ្យអនុត្តវិធានការរដ្ឋបាល ដើម្បីទប់ស្កាត់ការឆ្លងរីករាលដាលនៃជំងឺកូវីដ-១៩ គឺសំដៅឈានទៅដល់ការកាត់ផ្តាច់ការឆ្លងរីករាលដាលក្នុងទ្រង់ទ្រាយធំនៅក្នុងសហគមន៍ ដោយតម្រូវឲ្យអនុវត្តនូវកាតព្វកិច្ចពាក់ម៉ាស់ និងរក្សាគម្លាតសុវត្ថិភាព រិតត្បិតការលក់ដូរ ការធ្វើដំណើរ ឬចរាចរណ៍ឆ្លងកាត់កន្លែងកំពុងមានហានិភ័យខ្ពស់ ហាមឃាត់ការប្រមូលផ្តុំជួបជុំនានា និងហាមឃាត់ការប្រកបអាជីវកម្មណា ដែលងាយបណ្តាលឲ្យចម្លងជំងឺកូវីដ១៩។

លើសពីនេះទៀត រដ្ឋបាលខេត្តក៏បានធ្វើការណែនាំដល់រដ្ឋបាលក្រុង-ស្រុក ចាត់វិធានការធ្វើកិច្ចសន្យាបញ្ឈប់សកម្មភាព និងធ្វើការផាកពិន័យ ចំពោះជនទាំងឡាយណា ដែលល្មើសនឹងបម្រាមនានា ដែលបានដាក់ចេញដោយរដ្ឋបាលខេត្ត។

អនុវត្តតាមការដឹកនាំដ៏ខ្ពង់ខ្ពស់ និងប្រកបដោយចក្ខុវិស័យរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ក្នុងការដាក់ចេញនូវផែនការចាក់វ៉ាក់សាំងការពារជំងឺកូវីដ១៩ ជូនប្រជាពលរដ្ឋដោយឥតគិតថ្លៃនៅទូទាំងប្រទេស ខេត្តកំពង់ធំបានយកចិត្តទុកដាក់ផ្តល់វ៉ាក់សាំងជូនប្រជាពលរដ្ឋអាយុលើស១៨ឆ្នាំ និងកុមារអាយុ៥ឆ្នាំដល់ក្រោម១៨ឆ្នាំ។

ក្នុងនោះ អ្នកទទួលបានវ៉ាក់សាំងលើកទី១ សរុបចំនួន ៦១៣.០៧៦នាក់ អ្នកទទួលបានវ៉ាក់សាំងលើកទី២ចំនួន ៤៣៨.០៩៣នាក់ អ្នកទទួលវ៉ាក់សាំងលើកទី៣ចំនួន១០០.៦១០នាក់ និងដូសជំរុញ ឬលើកទី៤ ចាប់ពីថ្ងៃទី១៩ ខែមករា ឆ្នាំ២០២២តទៅ៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម